تنويه .. عمود البارتات 3 الحذفتهم بعضكم قروهن حذفتهم لسبب ردت انطيكم كل الاحداث وماافوت عليكم شي لئن البارتات النزلتهم جانن مختصرات ابسبب عدم التفاعل اتمنه تعجبكم القصة واتمنه منكم تفاعل حتى اكمل 💖
بدايت البارت مختلفه كلش اقرو ورح تعرفون
_____________________
لين : طلعت من المستشفه وانا مثل الميت خايفه على لميس وعلى علاوي شلون رح يعيشون شلون رح يكملون حياتهم اوووف ياربي ليش هيج ليش فوك كل الوجع البيه امين طلعلي هل مرض ممكن اموت اذا ماتعالجت العلاج غالي كلش شلون رح ادبره شرح يصير بجهالي ياربي وجعتني بفراك ابني الجبير سليم وهسه شرح اسوي شرح اسوي ركبت سيارتي ورحت اخذهم من المدرسة
لميس : مامي تره ميته جوع
علاوي : اي ماما صدك اليوم كرموني لئن اخذت الاول على الصف
لميس : حتى انا بس طلعت الثانية😒
علاوي: المعلمة كالتلي انت كلش ذكي ورح تصير دكتور من تكبر
لميس : حتى انا اصير دكتوره😏
لين : يحجون وانا احس روحي مو يمهم ضليت ساكته وافكر ابمستقبلهم شرح يصير وصلنه للبيت وكعدنه ناكل واعيوني عليهم خايفه افاركهم وانوجع بيهم نفس مانوجعت بسليم اخخ هسه شلونه شلون صار اكيد يخبل لئن يشبه ابو هسه شنو حاجيله عني اخخخخ يحبني لو يكرهني صار عمره 8 سنوات اكيد يكرهني اكيد صارلي 8 سنوات ماشايفته اوووف ياربي اوووف ليش هيج للهل درجة انا انسانه سيئه شنو سويت بحياتي حتى هيج يكون عقابي لميس وعلاوي جان لازم هسه مو هيج حياتهم اخخخ اخخخخ انوب كبرو وصارو يسئلون اهواي واسئلتهم هدتني هد وهل امرض طلعلي صفح شلون شلون رح يعيشون هل ثنين اخخخخ اخخخ مااكول بس حسبي الله ونعم الوكيل بلي جان السبب اكثر سؤال يوجعني ماما شنو اسم بابا😑 كتلهم بابا ميت بس اسمه اسمه ياربي اسمه شنو انا نفسي مااعرف شنو اسمه مااعرف ولله مااعرف ليش هيج ياربي ليش اباوعلهم خلصو اكل كل واحد شال صحنه وكام
لميس: ماما مااكلتي
لين : مااشتهي ياروحي
علاوي : وجهج اصفر
لين : حياتي يلا روحو نامو عمود العصر نروح للحديقة
بوسوني اثنينهم وراحو ناموو
اذكرت محمد شلون جان يبوسني وضلت الذكريات اتعيد بيه كل الماضي اليوجع ضليت صافنه على السكف واذكر حياتي شلون جانت اذكر ابشنو اغلطت حتى ربي هيج جاي يعاقبني
صارت عصر طلعتهم للحديقة اباوعلهم يلعبون واعيونهم عليه اتخيلت لو يمي محمد وابحضني سليم وكلنه سوى وهل جهال جهال امحمد شلون جنه رح نكون عائله سعيدة اخخخخ مااكول بس حسبي الله ونعم الوكيل الله ياخذ حقي منهم وحق هل مضلومين الثنين اووف
ضليت اباوعلهم وافكر شرح يصير وانا بيه هل مرض شلون رح اتعالج وانا ماعندي فلوس العلاج انا اشتغل دكتوره ابمجمع طبي بس راتبي مايكفي هل كد كله يروح على مصاريف الجهال والمدارس والبيت شلون شلون شنو الحل شرح يصير بحالهم بعدي وهمه مالهم غيري مالهم اوووف وعدت نفسي انطيهم احسن حيات ياربي لاتخليني اخلف ابهل وعد
______________
محمد : كعدت الصبح ومالي نفس بدنية لبست وطلعت من البيت جنت ابيتي لئن جان عندي دوام رحت للبيت اهلي واتلكاني سليم
سليم : بابااااا
محمد : ياروحه
سليم : مشتاقلك اهواي
محمد : وانا هم كلش شنو اليوم ماكو دوام
سليم : لا اليوم انطونه عطلة
محمد : مال شنو
سليم : مال وفات اليمام
محمد : هااا اي نسيت
ام محمد : هلا وليدي هلا يانور اعيوني
محمد : هلا بيج يل غالية
دخلت سلمت على الجد
الجد : هلا بشيخ الزلم
محمد : هلا بيك تاج راسي
ضلينه انسولف للحد ماجاب سيرت هدى
الجد : بويه بت عمك جاي تشكي كل يوم
محمد : وليش
الجد : يعني هسه شكلك ماعرف انت هاجر البنيه وماتقربله وماعتبرها مرتك
محمد : ياجد اتوقع ماكو داعي للهل موضوع انا وانت ندري سبب زواجي منه والدنية كله تدري ماكو داعي نعيد هل قوانه كل يوم هدى متزوجه بس عمود تربي سليم والدنية كله تدري بهل حجي وانا كتله وهيه وافقت ماداعي للحجي الزايد الله ينطيك
الجد : يابويه انا والموت صرنه على شعره شوفني مااكدر امشي وحالتي حاله لاتسوي هيج خليني اشوفلك عائلة خلي اشوف بحضنك اخ للسليم
محمد : بويههههه سليم مكفيني لاتفتح هل موضوع احسن مانزعل من بعض واطلع من البيت ماارجع
الجد : عمود وحدة بلا شرف ها يامحمد
محمد : ياجد ماله علاقة راحت بحال سبيله
هدى دخلت شفت محمد : ياشيخ كدرت بس تضلمني انا اما هل وصخه السحرتك عفته مووو
محمد : ولجججج هدىىىى انا ماضلمت واحددد وانتي داريه والتحجين عنه راحت ابحال سبيله عوفي الموضوع
هدى : شوف ياجد حتى مايتحمل نحجي عنه
محمد : هدىىىىىىىىىىى
الجد : بويه تصور انا نسيت فعلتك هااا
محمد : اي فعله اي فعلههه ياجد
الجد : يوم كضيته وطردته بره سويت روحك اخذت حقك ها يامحمد ليش احنه من يمته يتنظف شرفنه هيج احجيييي من يمته عمه كلبك عشكه سحرتك هل وصخه
محمد : كافيييي كافييييي صرعتو راسي عفته لئن ...
الجد : كالتلك انا مضلومه وانت صدكته عمت اعيونك هل وصخه
محمد : ولكم كافي رحموني رحمونييييي انا انسان كافييي عليه هل حمل بعد مااكدررر على ساعة اطك واموت كافيييي مااريد اسمع صوت واحد بيكم مو مضلومه هيه ابد مو مضلومه عفته عمود هل ولد من يكبر مايكلوله ابوك كتل امك عفته عمود مايضل ذنب هل طفل بركبتي كافيييي عوفوني اتنفس كافييييي انتهكت تعبتتتت تعبتتتتتت انا انسان انسان مالي ابكل هاذه واحد بيكم يرحمني روحي طلعت كافيييييي
طلعت من يمهم ورحت للشط رجعت بيه الذاكره للذاك اليوم الاسود ........
____________
اتمنه يعجبكم البارت واتمنه منكم تفاعل حلو مثلكم 💖
أنت تقرأ
فصلية الشيخ محمد
Romanceالقصة ادور عن دكتوره عايشه ابغداد تتعرف عل شيخ بل مستشفى ويحبه بس بعده ادور الاحداث وعمه يصير سبب بموت عمه فاشنو رح يصير .ملاحظة القصة حقيقية بس ضفت اشويت احداث للتشويق . هاي اول قصة الي انشالله تعجبكم .💖
