______________/////////////////______________
هدى : تريد اتكعد مرتك الحامل وهاي الوصخة وجهاله بمكان واحد ها ياشيخ هوا هاذه عدلك هاذه 😭
محمد : شنووو
ام محمد : مرتك حامل ياشيخ وانت بعدك ورى هاي الرخيصة
الجد : بوية ليش جبته للبيتنه اجاي اسوي
ابو هدى: انت صدك تحجي ياشيخ جايب هاي الوصخة ومرجعها علينه شبيك انت ولك مرتك حامل رح يجيك منه ولد وبعدك ادور ورى هاي القذرة
محمد : كافيييييي كافيييييي ماتملون اول شي الفوك كاعده مهما يصير تره هيه ام 3 جهال الي وبعده على ذمتي مااكدر اشمرها بشارع وثاني شي لاريده ولاالي نفس بيه اصلن مااطيقها بس واحد اتهجم عليه بل فندق واطريت اساعده عمود الجهال
ام محمد : وانت صدكته هاي الوصخة كل هذني افلام كله جذب بجذب
محمد: ضليت احجي وياهم وكلهم ماقابلين بجيته للحد ماضلو الجهال يبجون
سليم : خل اشوف امي ليش قافل الباب
هدى : ولك انا امك انا انا الربيتك مو هاي الوصخة
لميس : احترمي نفسج امي انظف منج يل حقيرة ذربالكم اجيبون سيرت امي
هدى : رحت اريد اطكها اله...
علاوي : شفته رح اطك لميس كضيت حذائي وشمرته بوجه
سليم : شفت علاوي سوى هيج نزعت انا هم حذائي وشمرته عليه وضلينه انشمر احذيتنه عليه وشردنه ركض فوك من صح علينه بابا
محمد : شفتهم هيج سووو انصدمت اجيت اضحك من شكلهم صحت بيهم وكلهم شردو
هدى : ولله اله اموتكم انا اوريكم
محمد : هدىىىىىى ذربالج ذربالج توصلين يمهم
ام محمد : صدك تحجي انت ولك شفتهم اسوو ماناقص بس يشمرونه عليه
محمد : يمه جهال كافي . صعدت فوك شفتهم ميتين ضحك يم الباب كمت اضحك وياهم😂😂😂بوستهم وفتحت الهم الباب دخلتهم يم لين شفته نايمه بس منتهيه شلون الميت
لين : فتحت اعيوني على بوسات لميس وعلاوي فتحت اعيواني عدل شفت اكو واحد كدام عيني يباوعلي وبعينه الدمعه باوعت ورى محمد عرفته سليم كمت بسرعة عدلت كعدتي فتحت يديه اله واجه حضني وكام يبجي وانا ابجي ويا
محمد : شفت منضرهم وشفت سليم شلون مقهور على امه عرفت شلون متعذب ويا هدى علاوي ولميس هم شبكو امهم انقهرت على مضهرهم ولين تبجي بحركه وصوت عالي بدت ادموعي تنزل عليهم ونسيت السوته بلحضته ماادري شلون هيج سويت رحت شبكتهم وهمه بحضنه جانت هيه كاعده على الجربايه وبحضنه سليم وشابكينه علاوي ولميس رحت عليهم وشبكتهم بكل قوتي جنت اريد ادخلهم بضلوعي
لين : فرحت بشوفت سليم وضليت شابكته ماحسيت غير بريحت محمد عليه شفته شابكني بكل قوته انا والجهال ضليت ابجي اقوه وجنت كلش متئذيه ومحتاجه محمد يمي حسيت نفسي مثل الميت وريحته حيتني جنت محتاجه هل حضن من زمان 😭ضليت ابجي قوي بعد عني محمد
محمد : شلت سليم من حضنه لئن جانت منهاره
لين : لا لا عفية جيبه عفية عفية ولله مشتاقتله حرام عليك عفية
محمد : شبكته عمود تهده لئن جانت ترجف. ماماخذه هاذه هوا يمج كافي كافي ياروحي انتي كافي
لين : ضميت راسي بصدر محمد وضليت ابجي بحركه واحس روحي جاي تطلع
محمد : انتجيت على تاج الجربايه وهيه على صدري والجهال ضلو يباوعولنه
لين : لاتعوفني لاتعوفني الله ينطيك (بحروف متقطعه)
محمد : كسرت خاطري بلحضته ونسيت كلشي سوته فتحت احجابه وفتحت شعرها جان كله ماي شبكته قوي على صدري وخليت راسي على راسه والجهال شبكو ظهرها وناموو ضليت استنشق ريحته من اسنين انتظر هل حضن بعده اذكرت اسوت اذكرت هيه خانتني وماتستاهل حب وخرت عنه وطلعت من الغرفة جنت مخنوك وروحي طالعه من وراها سمعت صوت هدى تكسر الغرفة وتبجي دخلت عليه
هدى : شفتك شفتك شلون شابكها شفتك 😭رجعته عليه وهيه تكرهني هسه اسوي شي للابني
محمد : هدى كافي انا تعبان
هدى : شنو طلعتك من يمه هاا
محمد : انتي ليش صرتي حامل
هدى : ماتريد مني تريد بس منه موو
محمد :استغفرلله طلعت من يمه وشفت جدي جوه باوعلي وبعده طلع للحديقة عرفت يريدني اجي ورى
الجد : شنو جاي اسوي
محمد : مااعرف
الجد : بابا ماتستاهل حبك هاذه كله ماتستاهل
محمد : ضليت ابجي بحضن جدي وضل يخفف عني وانا اريد افرغ البداخلي نمت على رجليه فزيت على صوت الاذان صليت وطلعت للديوان مااريد اشوف واحد من البيت
أنت تقرأ
فصلية الشيخ محمد
Romanceالقصة ادور عن دكتوره عايشه ابغداد تتعرف عل شيخ بل مستشفى ويحبه بس بعده ادور الاحداث وعمه يصير سبب بموت عمه فاشنو رح يصير .ملاحظة القصة حقيقية بس ضفت اشويت احداث للتشويق . هاي اول قصة الي انشالله تعجبكم .💖
