فصلية الشيخ محمد

بارت 33

قاسم : انصدمت من رده . ولج هاي اجاي اسوين😡
ريحانه :نرفزني من غمزلي . احترم نفسك واعرف اتصرف وانت تحجي ويا حرمة غيرك وهسه تروح منه لااصيح الزلم كله عليك
قاسم : حرمة غيري🤨ولج انتي حرمتي وحدي
ريحانه : اجاي تمسلت
قاسم : ولج انا قاسم قاسم الوعدج تصيرين حرمته بس صبري ها يابنت الشيوخ ماصبرتي ماصبرتي وبعتيني ماصبرتي وصرتي للغيري وانا روحي بيج طول هل اسنين معقولة مارف كلبج الي ولا مره معقولة
ريحانه : انصدمت من حجيه . اان انت قاسم
قاسم : انا الخنتي
ريحانه : صدك يعني رجعت
قاسم : منو منو الاخذ كلبج كولي
ريحانه : مسحت دموعي . اخذ كلبي واحد وعدني من 10 سنين اصير حلاله ولهسه ماوفه بوعده
قاسم : هاي انا هاييي ولج هياتني جاي اوفي بوعدي ليش صرتي للغيري ليشششش ولج ولله حبي الج جان اكثر من اي شي ليش هيج يابنت الشيوخ ليش
ريحانه : بس انا ماخنت انت الجذبت
قاسم : ادري ادري صالي مدة طويلة مختفي بس جنت جاي ارتب حياتي جنت جاي ابني نفسي وانت هم اصغيره ضنيت ارجع والكه حبيبتي منتضرتني بس لكيته داخله حضن غيري وبايعتني ولجج ادري بروحي اتئخرت ادري بس جنت اريد احطلج حيات حلوه جنت اريد مااخليج تتحتاجين شخص بيوم جنت اريد اسويج اميرتي ولج هيج هيج هاي جزاتي هاي جزات عشكي الج للهل درجه جان حبي الج رخيص وانا العاشكج من يوم مااجيتي للدنية انا الامشي واصيح هاي حرمتي لحد يكرب منه ولج تدرين قبل لااروح جمعت شباب السلف كله وحذرتهم يخطبوج لنج حرمتي انا هيج هيج ولج هيج اجازه بعدج اصغيره اشعجلج على الزواج بعدج ورداية ليش مانتضرتيني ليش 😑
ريحانه : للهل درجه تحبني😊
قاسم : حبي عندج ولاشي حبي عندج رخيص كلش رخيص يا بنت الشيوخ
ريحانه : قاس....
قاسم : الله يسعدج واتمنه يقدرج ويحبج معنو متئكد محد يكدر يحبج كدي😑الله يهنيج بحياتج ياخيتي 😑
درت كاعد امشي اريد اروح
ريحانه : عشر اسنين انتضرك عشر اسنين منو يجي ارفضه على امل جيتك عشر اسنين معلقه نفسي بشي يمكن مو حقيقي عشر اسنين انا اتهرب من سالفة الزواج انتضر وأحد غبي يحنن عليه ويجي يوفي بوعده ولك عشر سنوات عشرهههه وانا انتضرك ماادري بيك بعدك تحبني بعدك تريدني بعدك تريد تزوجني بعدك عند وعدك ماادري عشر سنوات انتضر هل وعد عشرهه عشرهه ولك خلصت عمري  انتضرك على الاقل جنت دزلي اشارة ويا اختك بعدك رايدني عشر سنوات ماحنيت مااشتاقيت للهل درجه يعني ولك معيشني بخوف كل مايجونه اهلك اخاف يكولون اتزوجت اخاف اسمع بيك صرت للغيري اخاف عشر سنوات خايفه من كل مره يجونه بيه اهلك اكضيه خايفه طول اليوم خاف اسمع خبر خيانتك خاف اسمع دكات كلبك للغيري عشر سنوات وجاي بعد اتعاتبني واتكلي خيانه ماخيانه ولك عشر سنوات عشرههههه خلصت عمري انتضرك وانتضر منك مرسال ولك عشر سنوات منتضره مرسالك يهل عليه منتضره بس تنطيني امل
قاسم : جنتي انتضري بعد ماردت اراسلج ولاردت يصير بينه اي كلام ردت اضل علاقتنه نظيفة وشريفة وراضيه ربي لئن الشي اليرضي ربي بنهاية يرضينه وعءت عشر سنوات من عمري على هل امل على امل حبيبتي منتضرتني عشر سنوات عشت على امل بنت الشيوخ ماتخون بس ولله وصارت ولله وبنت الشيوخ تركت وهجرت هل كلب ولج انتي اليوم حطمتي كلشي بيه ولج لو تعرفين شكد حبيتج جان ماشفتي بهل اعيون غيري جان ضميتي روحج الي ولج جان كلتي انا حلال واحد ميصير اخونه مايصيرررر ولج ليش ليش فهميني بس عمود هل عشر سنوات بس عمود هل كم سنه ماصبرتي ماصبرتي ليش يابوية ليش ماصبرتي وانا واعدج وكتلج انا رجال وكد وعدي انتضريني كتلج ارجع واسويلج عرس كله تحسدج عليه ولج عشر سنوات اكبر طموحي بيه انتي اكبر طموحي بيه حضنج عشر سنوات اتخيل ابشكلج وانتي تكبرين عشر سنوات عشره وانا متخيل حبيبتي وبنيتي منتضرتني بس اخخخخ اخخخخخ باعتني بل رخيص كولي كولي ويامن كولي احجي بيا حضن ادفيتي احجي ابيت منو خنتيني احجي المن بعتيني عمودد منووو بعتيني احجييييي احجي ولج احجيييي ليش هيج ليش وانا العشكتج ليشششش وانا الروحي متعلقة بيج
ريحانه : قاسم
قاسم : صالي عشر سنوات انتضر اسمع اسمي من هل شفه عشر سنوات انتضر هل شفه تكول انا حلال قاسم انا حرمة قاسم انا ابنيتتت قاسممممم ولج ليشش ليشش بعتيي ليششش😡
ريحانه : كمت اضحك وعيوني تبجي
قاسم : شنو فرحانه بوجعي فرحانه كسرتيني ولج ولله ولله اله اوريج اتخونين منو ولج ولله مااخلي واحد غيري يتهنه بيج ولله ولج انا الكضيت طفولتي كله جني حارس مالج اركض وراج وياويله اليكربلج ياويله اله امه ماجابته كل هاذه ماغزر ماغزر بعينج ابد بس اوريج اوريج يابنت الشيوخ ولله مااخلي غيري يتهنه بيج ولله ماتنامين على صدر غيري ولله ولله مااخلي واحد يصيح هاي حرمتي انا اوريج اله اندمج عشر سنوات منتضر رجعتي الج وباني ميت حلم وياج بعتيني بعتيني بس ولله ماالج غيري اله اخليج تطلكين واخليج تجين تتوسلين اتكولين ازوجني يا قاسم انا اوريج مااعوفج عد غيري ولاغيري يكدر يتهنه بيج مستحيل مستحيل ياريحانت كلبي رح اذوكج نفس هل الم 😑
ريحانه : ....
قاسم : اش اش ولاحرف اشتردين تحجين اتكليلي كم طفل عدج اي حقج حقج عيني حقج مايفارك افراشج مو احجي مايفاركه كل سنه طفل مو اي حقه هم هوا حقه اخذ حبيبت قاسم بس كوليلي منو ولله اله اوري انجوم الظهر او اكلج رح اعرفه بنفسي اله اذبحه اله اذبح الحبيتي عليه واخليج ارملة
ريحانه : زين اتخلي جهالي ايتام ....
قاسم:اهنا ماصيطرت على نفسي ودموعي وكعت من كلمته حجيت بغصه . ايتام صدك يعني تحبينه سعيده وياا ها .
ريحانه: .....
قاسم : تمام تمام سكتي لاتسمعيني صوتج انا باجر راجع للخارج وربي يسعدج تدرين انا مستحيل اكدر ائذيج ومادامج سعيدة هاي هيه ابتسمت اله . ربي يسعدج بس بس حطي براسج عمري كله كضيته انتضر راسج ينحط على صدري وكوني واثقة مستحيل غيرج اتحطه مستحيل اتزوج غيرج لئن حالف  ومادامج اتزوجتي وسعيدة الله يهنيج ويكتبلج البي الخير ....ريحانه لازم اكلج خيتي مو اسفة خيتي على كل كلمه طلعت مني ربي يسعدج
ريحانه ........

__________________
اتمنه يعجبكم البارت واتمنه منكم تفاعل حلو مثلكم 💖