فصلية الشيخ محمد

بارت 13

محمد : اووف اشكد ارتاح من هيه يمي لا انوب صرت كل ماارجع اشوفه اووف ياربي شردت الخبله وانا روحي بيه اتحلفت بيه اليوم صالي 10 ايام محترك عليه اخخخ اسوت بيه جنت كاعد اكل من السلطة المسويته وافكر بيه الخبله خبلتني سمعت صوت كسر صحن رحت اركض عليه سمعته تعارك امي
محمد : خيررررررر
لين : اا
ام محمد : يا يمى جنت ماره اريد اروح اخذ دوه مريضه وراسي مانتبهتله من صارت كدامي انصدمت بيه وطاح منه الصحن يايمه ولله مو بقصدي .وصرت ابجي
لين : لا لا ولله موهيج تره انتي مره جبيره شلون هيج اجذبين حرام
محمد : شفت امي ابهاي الحاله وكامت فوكاها تبجي ولين فوك كلشي بدل ماتعتذر على صياحه على امي اتكله جذابه صعدت اعصابي سحبته عليه وسطرته راجدي وكتله مااشوف وجهج يلا فوك يلااا
لين : جنت جايه ابرر لمحمد ماحسيت بي غير سطرني راجدي احس اذاني صار بيه صوت من قوته وكعت على الارض كلي مااريد اشوف وجهج ويلا فوك وراح باس راس امه
محمد : طلعت امي بره كعدنه ضلينه نسولف وكلت اله احرك كلبه مثل ماحركت كلب امي وخلته تبجي
لين : طلع بره ولاجنه ولاهتملي صعدت فوك اباوع للروحي كلي جروح من ورى نسوانهم بس هل جروح ماهمتني وماوجعتني كد الراجدي الطكه الي اوووف
شفت خدي عليه طبعت اصابعه رجعت بيه الذاكره للطفولتي اذكرت موقف جان عمري 9 سنوات جنت كاعد ارسم واسولف ويا بنات خالي اجت ماما صاحتني كالت ابوج يريدج دخلت شفت بابا كلش معصب اخذني للغرفه وطاح بيه دك جسمي كله احمر على ازرك صار وجان السبب انو مااعتنيت ابئختي الصغيره وعفته للوحده بل غرفه ومااخذته وياي صرت اضحك 🙂وبعده اذكرت مره جان بابا استوى مخلص مني كتل وانا بل غرفه ابجي ماما حطت للبابا عشه وانا جنت كلش جوعانه ماما اجت سكتتني وعلى اساس اخذتني نتعشه اول ماطلعت من الباب بابا صاح وخري هاي النحس من وجهي لااذبح*ها ماما كالتله رح اخليه بل مطبخ كام سحبني من يد ماما وكتلني وقفل عليه باب الغرفه
وبعده اذكرت مره جبت الاولى على مدرستي واختي رسبت جانت اصغر مني بهواي بس جانت كسلانه كلش من ورى دلاله اله جابتله نتيجته راسبه كال للماما ذربالج تحجين وياها السنه الجايه تعوض عادي جبت نتيجتي وهديه من المدرسه دخلت وانطيته نتيجتي وهديتي وكتله انا الاولى على المدرسه كله مااهتم وشمر نتيجتي بعده اختي كالت اريد الهديه انا الهديه جانت ادوات رسم لئن المدرسات كلهن يعرفن بيه احب الرسم اخذه مني وانطاها اله وشبكه وضل يبوس بيه وانا رحت للغرفتي ابجي ومااهتم رجعلي بليل وكلي جايبه الاولى بس عمود انقهرين بتي مو مو هيج وضل يدك بيه دك ثاني يوم ماكدرت اتحرك . واذكرت من رحت صف سادس اعدادي جنت ضعيفه بل رياضيات ووسلت بي عمود مدرس رياضيات جنت انا ابمدرسه حكومي وتدريسه مو زين جنت ابكلشي اعتمد على نفسي بس جانت مادت الرياضيات كلش صعبه جان حاط اختي ابمدرسه اهليه وابغله مدرسه وسلت بي وماقبل رحت للخالي وكتله خل ادرس ويا بتك جان جايبله مدرس خصوصي وجانت نفس صفي كلش رحب بيه حتى بته كالت عمود نتساعد مره اسبوع وانا ادرس عد المدرس للحد مااختي راحت للبابا وكالتله لين كل يوم تروح للبيت خالي ماادري شعده وهوا بي بس ولد
بابا اجه ودكني دك ماصاير حتى حركني
بعده وضحتله انو انا جاي اروح ادرس عد مدرس  رجع دكني 😭 كلي اتكولين للخوالج عود انا مااجيبلج عمود يحجون عليه وضل يطكني وذكرت اسوء ذكره ابحياتي
جان حفل تخرجي من كلية الطب وجنت كلش فرحانه
والملابس جانن ماما مشتريتهن الي خفيه عن بابا لئن ابوكته كلي لبسي اي شي رحت للحفله وكرموني لئن جنت الاولى على الدفعه طلبو على المايكرفون كدام الكل من ابوي يصعد هوا يكرمني بس اصلن ماجان موجود فاصعد خالي كرمني وبوسني نزلنه وكاعده اضحك ويا البنات وكل وحدة يجيه ابوها وياخذه لئن يردون يحتفلون دمعت اعيوني من ضليت بس انا على الطاوله ماما اتصلت على بابا وجبرته يجي هيه وخالي وصدك اجه وياريته مااجه البنات صديقاتي شافنه وسئلني منو هاذه الاجه كعد يم اهلج وسلمتي عليه كتلهن بابا كامن كلهن يردن يتعرفن عليه لئن ابحياته ماحضرلي حفله كامن اتعرفن عليه وكلله احنه صديقات لين اووف ياريت بوكته مااجه كلهن صدك تحجن بابا انا انصحجن تكطعن صداقتجن بيه تره هاي وحدة منحوسه من يوم مااجت خربت حياتي وامي اتوفت وفلست وخربت كلشي عندي البنات صفنن عليه بعده ضحكن كلله عمو بلا شقه اصلن لين كلش حلوه وفرفوشه ووجه حلو بل عكس اتخبل بابا رد عليهن كلهن يوم الوحدة بيجن تخرب حياته وتنحس لاتكولن ماكلت انا مااريد اشيل ذنبجن تره هايه نحسسسس وكاله بصوت عالي
اخخخ حتى الدكاتره سمعو حجيه وكل القاعة صفنت عليه ...قاطع حبل افكاري دخول محمد
محمد : خلصنه الكعده وضليت بره ادخن كلت من ادخل مااريد اشوفها فاضليت لل1 بليل بره بعده دخلت للبيت صعدت للغرفه شفت لين متجيه على الحايط ودموعها اتصب وصافنه على المرايه
لين : دخل باوعتله بس كوه لفت راسي لئن صالي ساعات على نفس الكعده باوعتله وكلت بصوت ناصي الماحبه ابوها مايكدر اي انسان يحبه
محمد : همست بصوت ناصي ماسمعت . فاماهتميت لئن جانت قاهرتني شلون اصيح على امي
لين : رجعت اباوع على المرايه وضليت ذكره تجيبني وذكره توديني وصافنه
محمد : دخلت بدلت ورحت انام . يلا كومي نامي
لين : حسيت روحي كاعد تطلع وصوتي جان ماكاعد يطلع ابد مابيه احرك اي جزء بيه جنت بس دموع بلا اي حس
محمد : كالتله تعاي نامي ماردت ضليت العب بتلفون صارت ب 2 وهيه نفس الكعده وصافنه على المرايه خفت عليه مافهمت كل هاذه من الراجدي
محمد : يلا لين كومي كافي
لين : لارد
محمد : لين احجي وياج
لين : لارد
محمد : ولججج لينننن مو احجييي وياججج😡
لين : درت وجهي علي .اذكرت مره جنت حاطه سماعه وبابا صاحلي يريد مامي وماسمعته جنت جاي انظف المطبخ وحاطه اغاني دخل عليه كطعني بل مطبخ وحمه السجينه وحرك رجليه 😑 فزيت وجسمي صارت بي رجفه
محمد : كومييي كدامييي نامي😡يلااا
لين : كمت للحمام شغلت الدوش وذبيت روحي جوه حتى مانزعت ملابسي . ضلت فكره اجيبني وفكره توديني ياربي معقوله رح اخلص حياتي هيج معقوله ابقسمتي بس المعانه معقوله ياربي انت تاخذ شي بس تنطي عوض بداله انا وين عوضي بهاي الدنية ضليت ساعة جوى الماي مافززني بس صوت الاذان
محمد : دخلت بعد ماطلعت من الحمام مرت ساعة خفت سوت بروحها شي دخلت وشفت مضهر قشعر بدني
لين جانت كاعده والماي عليه وبملابسه و ترجف .اجيت اكعده الجامع صاح الله واكبر فزت بسرعة
لين : شفت محمد كدامي اول مره اباوعله واحس نفسي كارهته حسيته بابا بضبط بس ابغير شكل حسيت روحي شردت من جهنم حتى ادخل الاكبر منه .....

_______________

اتمنه يعجبكم البارت واتمنه منكم تفاعل حتى اكمل القصة . كتبولي شنو تتوقعون رح يصير بل بارتات الجايه وهل لين رح تكره محمد ؟؟؟