فصلية الشيخ محمد

بارت 50

لين : جانو كل يوم يطلعوني امشي بل حديقة وشفت اكو مراقبه اهواي والمكان بل غابة بس جان اكو صوت طريق سريع صوت السيارات اسمعهم من اطلع
حسيت نفسي ابشي مسلسل تركي لالحظه ولا شي حلم لئن ماجنت متوقعه كل هاذه موجود بل واقع ماجان ابالي ممكن اكو هيج شي اكو هيج ناس حقيرين كبرت بطني وصرت شهر الثامن وابيوم ماادري شنو جان اكو بس ماشفت الرجال بس شفت كم حارس بره وجانو قليلين ابحاولي الخمسه والممرضه قررت انو هاي فرصتي ومارح اكدر الكه احسن منه لئن انا اهنا عايشه ابرعب وبل حالتين ميته خل اجرب حظي هل مره وبيد الله ضليت امشي وخلال هل ايام كدرت احدد موقع الطريق السريع جنت امشي والممرضة وراي
لين : انا جعت
الممرضة : ندخل ناكل
لين : ضليت اصر عليه انو مشتهيه اكل بره وهيه قبلت راحت للمطبخ اتجيب اكل واول مادار الحارس رحت اركض على الغابة ومثل ماتوقعت بعده اكو طريق سريع للأسف صدمتني سياره وانا اركض لئن جانو يلحكوني
ماادري بيلي صار بس صاحب السيارة اماسعفني وجايبني للمستشفه صار عدي نزيف وولدة قبل من شهري وجانو اطفالي بين الحيات والموت وصارو ضمن الاطفال الخدج يلي همه مثل الميتين ضليت ادعي الامام علي يساعدني لئن انا وحيدة مالي غيرهم ماشفت هل رجال بعد ذاك اليوم مابلغت ولاسويت اي شي لئن خفت من نهايتي جانو جهالي بعدهم اصغار استوى دخلو شهر اخذتهم وطلعت والرجال الصدمني الله يسلمه ماعافني قررت اروح اخذ الفلوس وجوازي واغراضي العفتهم بل بنك رحت اخذت الفلوس واوراقي وجوازي ورحت اريد احجز اسافر بس ماكدرت ابسبب الاطفال ماعدهم اوراق جنت اريد اشرد اخاف يلحكوني ويكتلوني انا  واطفالي خفت عليهم جان الرجال الدعمني وياي ابكلشي جان رجال جبير بل عمر حجيتله كلشي صارلي من يوم محمد وللحد وصولي اله قرر يساعدني طلب مني مبلغ بل اول خفت منه بس بعده سلمت روحي للربي مر اسبوع ورجعلي كلي يلا رح اطلعين للتركية كتله شلون والجهال كلي انو رح يوديني تهريب بل قوارب ويا اللاجئين خفت وصرت ابجي على حالي ضل يهديني هوا ومرته وكلي العصابة الخطفتني اليوم او باجر تلكاني ومارح تعوفني لا انا ولاهل اطفال كلي اروح لاتركية وهوا وصه صاحبه عليه بل قارب ورح يحجز ويسبقني للتركية واهناك هوا يدبرني
صدك صار الي صار وسافرت بل قارب جانت الرحلة بل قارب شهر عانيت من جوع وعطش وبرد بس عمود هل اطفال حسيت انو نهايتي قربت من صدك للحد ما شفت ساحل انقرة اهناك رجعلي الامل بل حيات وابتسمت بعد شهر كامل كدرت احط رجلي بل ارض وامشي فرحت كلش والاطفال جانت حالتهم كلش سيئه شفت العم كدامي رحت ركضتله لئن ضنيته اتخله عني حضني هوا ومرته واخذوني للشقة كعدنه شهر وجاب دكتور للاطفال فحصهم بعده كلي انو هوا لازم يرجع للبيروت بعد مايكدر يضل اكثر بس قبل مايرجع كلي انو يريد يئمن عليه انا والاطفال فااقترح فكره مجنونه وسوينها صدك كلي اذب الاطفال كدام دار ايتام وسويته جنت خايفه يرحون بس طمني انو اتفق ويا واحد داخل الميتم وانطه افلوس بعده رح ارجع انا ووهوا ومرته على انو همه خالتي ورجله واتبنه اطفال اصغار دخلت وكعدو يسئلوني اسئله كتلهم زوجي ميت وانا حبيت يصير عندي اطفال اصغار حديثين الولادة وضلينه نحجي بل اول ماقتنعوو بعده قبلو جابولي كم طفل خفت خاف مودين جهالي غير مكان والحمدلله العم ادارك الوضع وكلهم اكدر ادخل اختار اطفال انا وسمحولنه عرفت جهالي اول ماشفتهم درت اله وكتله ماكو تؤم اريد تؤم ابنية وولد اذا اكو ضلت تسئلني عن السبب واسئلته كثرت بديت ارتبك بس العم كدر يحل كلشي واخذت جهالي وسجلتهم ابئسمي ابحكم انا اتبنيتهم والاب ابئسم العم جنت كلش فرحانه لئن هسه كدرت اطلع الهم هويات وسميتهم علي لئن طلبت من الامام علي يساعدني وماردني ولميس لئن جانت مثل الالماسه اتخبل بيضه كلش واعيونه خضر من شفته صار عدي امل بل حيات على انو همه جهال محمد ومن قريت زمرت دمهم زاد املي انو جهال محمد لئن نفس دمه كلش فرحت وصار عندي امل انو همه مو جهال حرام ابد ارتاحيت بس ضل الخوف ابداخلي .....

________
اتمنه يعجبكم البارت واتمنه منكم تفاعل حلو مثلكم 💖