لين : بعد مااستجمعت نفسي وقررت اقوي روحي عمود حيات هل طفلين قررت اخلي حياتي ووجودي بس الهم راح العم رجع للبيروت وصار بين فتره وفتره يزورني جان اب وام وصديق وسند الي هوا ومرته جان ماعدهم جهال وابنهم شهيد فااعتبروني بتهم صارو دايمن يجوني ويشوفوني العم قدملي ابمجمع طبي اشتغل وعرفهم انا دكتوره وصرت اشتغل اهناك واخلي الجهال بل حضانه وكت الشغل جانت حياتي كلش صعبه شفت الضيم كله جنت انام وانا خايفة من السكن الانا بي واضل شابكه جهالي وخاله سجينه يم راسي صرت اكضي فراغي قرئان وصلات وصرت اتقرب من ربي اكثر هاذه اكثر شي فادني وحسن من نفسيتي جنت دايمن اكعد بليل وانا ابجي ادور على محمد ومرات احس رح اكعد من النوم والكه يمي مرت عليه ايام من اسوء ايام حياتي كله احلام وخوف ورعب من اي شي صرت اخاف من كل الزلم واحاول مااختلط بيهم وحتى الجيران ابعد عنهم حتى بشغل جان عبالهم مريضه نفسيه ودايمن اسمع كلام منهم انو انا كريهة واخوف المرضه ومريضة نفسية اهواي جانو يسمعوني كلام جان يئذيني بس حاولت اصبر واتمسك ابربي مرت السنين والحمدلله انتقلت للبيت مرتب كدرت اشتري واشتريت سيارة خلال 5 سنوات جنت دايمن اذكر امحمد وماراح من بالي ابد جنت اريده يعرف الحقيقة ويرجعني للحضنه ويسامحني بس اخخخ طول هل سنين وانا كل يوم على المخدة اطك بجي كل يوم اذكر الصار وياي وكل ليلة يحترك كلبي اكثر مرت عليه ايام ماكدرت انام من التفكير وجنت اباوع للجهال واصبر روحي بيهم بعد خمس سنوات اكتشفت انو صار عندي تلف كلوي وانو كليتي الثانية تلفت اتحطمت اكثر وصرت ماانام ابد بس اصفن ومااعرف بيمن افكر قررت اتصل على زهراء اريد اعرف حال محمد واصار على سليم شلونه شلونةشكله مشتاقتله وكلبي محروك عليه اتصلت على زهراء اكثر من مره للحد ماردت
زهراء : منو وياي
لين : ا انا لين
زهراء : لارد
لين : شلونج
زهراء : انتي شلونج وينج كل هل اسنين هسه اذكرتي تتصلين عبالي متي
لين : عفية زهراء انا تعبانه لااتثكلين عليه
زهراء : شبيج
لين : 😭😭😭😭كاعد اموت
زهراء : شكو شبيجج 😮
لين : محمد اشلونه
زهراء: ليش اتسئلين
لين : ماسئل عني ابد
زهراء : على شنو يسئل
لين : يعني نساني
زهراء : لين شتردين من محمد عوفي الرجال كافي هوا مزوج وعايش حياته
لين : شنوووو
زهراء : انسي شتردين منه مو خنتي
لين : ا ا ات اتزوج 😢
زهراء : لين كافي كولي وينج خل اجيج
لين : بتركية انا بتركية😭😭😭😭
زهراء: شسوين اهناك
لين : سليم اشلونهه
زهراء: ابخير
لين : اكدر احجي ويا
زهراء : اتخبلتييي
لين : عفية
زهراء : ولله مااكدر اصلن علي اذا دره حاجيه وياج يذبحني ولج ليش هيج سويتي ليش جنتي عايشه احله حيات كله جانت تتمنه مكانج ليش خربتي بيتج عمود واحد ساق*ط
لين : انتي مصدكه انا خنت محمد
زهراء : يعني هسه تردين اتكليلي محد قرب منج غير محمد
لين : لارد . اذكرت سلام واسوه بيه
زهراء : طبعن اسكتين هوا غير كله شافتج ويا ذاك الوصخ اخخخ منج اخخخ شلون هيج خربتي بيتج وانتي عندج طفل
لين : كافي
زهراء : شنو هوا الكافي هااا ولج نسيتي حب محمد ابساطه نسيتي شلون جان يعشكج
لين : مانسيت بس هوا نسه وكمل عادي
زهراء : انتي صدك مخبله ولله اشكمل ولج انتي اعفتيله وجه يطلع بعد السويتي اتزوج عمود ابنج الذبيتي وراج محد اله
لين : منو
زهراء : شنو منو
لين : اتزوج منو
زهراء: مايهم ولااتذكرين اسم امحمد بعد كافي خطية الولد مايستاهل الصارله هوا طيب وعلى نياته عوفي شخص نظيف
لين : وانا وحدة وصخه
زهراء : ولجج ماحجيت هيج شبيج
لين : سديته منه بعد ماضليت احجي وياها عن سليم بس ماقبلت ادزلي حتى صورته لئن علي محلفه سديته وانهاريت من البجي ضليت افكر اشلون كدر يكمل ابدوني وانا العشكت حتى ترابه بعده مر شهر وبدت حالتي اتسوء اكثر واكثر لئن مااروح للمستشفه ولااكل زين وكضيته بس بجي اجاني العم وصار يساندني ويروح وياي للمستشفه كل يوم او يومين اسوي غسيل جنت عايشه على جهاز الغسيل الكلوي مرت سنه وكدرت اشتري جهاز بل بيت صرت اسوي غسيل للنفسي وجنت اموت من الوجع واكضي الليل نايمه على الجهاز صارت هاي حياتي
مرت سنتين وانا عايشه على الجهاز وصارو لميس وعلاوي بل مدرسة كبرو وصارو يفهمون واسئلتهم بدت تكثر خاصه بل مدرسة صار عليه هم جبير مااعرف شكلهم عن ابوهم فاكتلهم ميت خلال هل سبع سنوات اتئقلمت على حياتي الجديدة بس الصدك مانسيت اي شي اذكر كل تفاصيل حياتي كل ايامي السود اذكرهم خلال هل سنوات كرهت محمد اهواي مرت الايام للحد هذاك اليوم الخرب كلشي عليه دخت بل شغل وطحت اخذوني للمستشفه وسولي فحوصات عرفت انو كليتي انتهت ابذاك اليوم وماضالي غير شهر شهرين .....
___________________
اتمنه يعجبكم البارت واتمنه منكم تفاعل حلو 💖
أنت تقرأ
فصلية الشيخ محمد
Romanceالقصة ادور عن دكتوره عايشه ابغداد تتعرف عل شيخ بل مستشفى ويحبه بس بعده ادور الاحداث وعمه يصير سبب بموت عمه فاشنو رح يصير .ملاحظة القصة حقيقية بس بيه احداث من الخيال يعني 50% حقيقية 50% خيال ضفت اشويت احداث للتشويق . هاي اول قصة الي انشالله تعجبكم...
