حـُــمامة الشـــهم......🤍
1
حسبني عابراً وحسبتة اهلي !
1
#حب وعذاب
~•~•~•~•~•~•~•'•~•~•~•~•~•~•~•~
بلعت ريك واحس بلعومي يابس من الصدمه الي تلقيتها شسالفه توني شفتها حاضنه رجال وعبالي شهم بس شهم توه دخل البيت يعني التفسير الوحيد للي شفته هيا جاي تخون شهم .
1
شكد حقيرة تتصرف ويا هيج لان تحب غيره امداها هو شكد يحبها احس صوت بعيد جاي يصيح فزيت
من حسيت احد ضربني على ضهري ..
1
شهم _ مو جاي اكل خرة صارلي ساعه شبيج صفنتي صفنه ابو صابر
1
رمشت بفهاوه _ ها منو ابو صابر ؟
شهم _ ابوج الغالي
1
بيران _ بس بابا اسمه حازم
1
غيد _ تصافو انتو اني رايحه انام
1
كالت هيج وراحت واني اراقب خطواتها وفاتحه حلكي ومادري ليش خايفه عبالك اني الخاينه
4
شهم _ ليش جيتي هسه ؟
بيران _ ها ؟
شهم _ لج انتي شبيج كل شويه وصفنتي شاربه حليب مطي !
1
بيران _ ها
شهم _ لاحول الله
بيران _ مو الطريق طويل وخاف اتآخر وتعصب
1
باوعلي نضرات شك وحك لحيته _
شهم _ انتي مو كلتي بيتنه قريب
1
بيران _ ها
شهم _ اي
بيران _ مو احم هيج جيت علمود ليث اشتاقيتله
1
شفت لسانه بحركه على خده من جوة ومضيك عيونه _
شهم _ همم زين راح اودي ليث لغرفته
توه دا يروح تذكرت وجان اصيح _ سيدي
1
وكف وكال منزعج _ شكو ؟
بيران _ ها لا مو ردت انطيك ذني
التفت وجان افتح جنطتي الزغيرة جانت على الكرويته واطلع الفلوس جانن دولارات
مديتهن اله _ هذن اخذهن زادن
رفع حاجبه يباوعلي باستفهام _ زادن ؟
2
ابتسمت بفرحه _ مو رحنه لغير مستشفى وطلعت العمليه ارخص
2
جان مخلي ليث بحضنه يعني وجه ليث على جتفه حجه باستغراب _ عمليه عمليتيش الج ؟
1
ضحكت _ لا عمليه ماما حددوها بعد ثلاثه اسابيع مدري شهر وتسوي
1
شهم _ امج مريضه ؟
تنهدت _ اي مريضه قلب ويرادلها عمليه
شهم _ انتي وحيده اهلج ؟
1
بيران _ لا عندي اخو اكبر مني
شهم _ لعد وينه شبي خ*** عار مخلي اخته تشتغل بالبيوت
1
رمشت بحرج _ شبيك لا تفشر بعدين اخوي مو هنا
شهم _ وينه لعد مدلل البيت
1
بيران _ ها هيج المهم شكرا وهاك
شهم _ اول شيء ما سويتلج فضل علمودج علمود ليث ثاني شي كولي تفضل بنت المطي شنو هاك اخوج الزغير انا
2
بيران _ اوووي شكلت اني ما فوك جاي احجي باحترام شبيك سلبي
2
شهم _ هاي اوووي لا تكوليها بعد
2
خليت ادي على خصري _ ليش عيني شعليك
شهم _ مو تخليني اتخيل اشياء ما تعجبج اذا كلتها
5
بيران _ تخيل شتريد تتخيل معلي وهاك فلوسك
1
شهم _ رجعيهن الج اشتري بيهن هدوم واستري روحج واستريني لا اسوي شيء
1
بلعت ريك خجلانه _ شكد ادبسزز انته بعدين اشتريت دشاديش شبيك
1
ضحك مستهزء _ لا عبالج من ترجعين من الفلوس راح اقلل من سنوات شغلج تره هنه هنه ميتغيرن
1
بيران _ هاا
شهم _ وجعا اخذيهن والصمي
بيران _ تره تكدر تحجي عادي بدون هاي الالفاض
1
شهم _ ولي عن وجهي وروحي نطمري تره بعد ساعتين اكعد الكه الريوك كدامي
بيران _ اوكي
شهم _ شنو
1
بيران _ اهووو اي اي حاضر
شهم _ عفيه
_ عافني وراح واني صافنه ماخذ الفلوس حسيته شفق علي لان امي مريضه يله هم انعم الله ماعندي فلوس ادز منهن لبتول واخلي يمي مصرف _
3
طبيت الغرفتي وكعدت على الجرباية افرك بيدي هو كالي لا اتدخل بمشاكلهم هسه اني المفروض اسكت احجيله والله حرت شلون اباوع بوجها وما اتوتر وهيا شتحس عدها طفل ورجال وبيت ليش تخونه والله هو ادبسزز بس احسه يحبها حيل ...
2
بعد صراع ويا افكاري قررت ما اكول شيء واكمل شغلي وما اتدخل هو اني البني كافيني شعندي شدخلني هو رب العالمين يكشفها ...
9
.
.
.
.فتحت عيوني وتثاوبت شلت الموبايل الساعه راح تصير بالسته كمت تمددت ورحت نازعه التراك لابسته ولبست دشداشه تصير من الخصر ضيكه والادين ومن جوه مفرشه شويه يعني هو مو دشداشه فستان بيت ..
1
وشلت شعري كعكه ونزلت غست سنوني ووجهي وخليتله زيت جونسن لان بشرتي جافه واني احب بس زيت جونسن احسه الوحيد الي يرطب بشرتي
4
رحت كبل على المطبخ خليت اجبان بالمواعين وزيتون وطكيت بيض وبصل وبيض سلك وسويت جاي ...
صعدت فوك لان ادري بليث هيج وكت يكعد وصدك لكيته كاعد حاط المله بحلكه كلت _ هاا تجي من البارحه وما تسلم على ددا
1
