حـــمامة الشـــهم..🕊️
حــب وعــذاب.....🤍
ريـــِحانٍــة 🌿
شايف من تحبة وما تكدر تحاجيي مثل اليحب الله وما يصليلة.
3
____✓______
2
بيران ....✓
فگيت عيونـي عـلي مصـدومـة من گلامـة المـقرف والابتـسامة الي راسمـها على وجـههة كرهتـها حجيت واني كلش مقهـورة ومعصبـة
_ شكـاعد تحجي انته ؟ شنو ازوجج اني ماريد اتزوج ولا بطيخ ماريد زوج ولا رجال ولا اريد ابقة وياك اريد اكضي عمري بوحدي وخلص
ضحك بسخرية وهو رافع حاجبة _
_ عليمن هاي ؟ هاا انتي ما ترديين تتزوجين لعد منو الي كتل نفسة عليه
_ يابة وحق القرأن وروح ابوي وحق كل امام ما احبك ولا رايده تتزوجني بس انجبرت
عض شفته وهز راسه عيونة مضيگهم _
_ ليش اقبلي بي اعرفة كلش خوش رجال عمرة يمكن 70 عندة مخلف عشرين جاهل وعندة ثلاثة نسوان وخطية يدور الرابعة
4
ضليت مفهيه علي مصدومة وهو يحجي بسخرية ادري بي يجذب يريد يقهرني ويستفزني _
_ نعسانة
_ هو هاذا ماعندة تفاهم يعني المراة العندة الي تحجي كبل بوكس على حلگها وعايشين بريف انتي مو تحبين الريف عندة يمكن ب 300 طلي وهوايش وصخول شتكولين
2
_ عوفني شهم
_ ليش مو تردين تخلصين مني روحي على غيري
_ اي يلة موافقة طلگني
ضحك ضحك حيل وصدك يعني اول مرة يضحك هيج كدامي بعد وكت طويل يرجع راسة ليورة ويضحك واني ساكته وجهي ما بي اي تعابير سكت عن الضحك وهو مبتسم ويهز براسة
حك خشمة _
_ يعني ترحين
_ طلگني بالاول
_ هيا مال دروب لا هسة توافقين
اني وجهي ما يكصة الطبر وهو يستفز بيه ويحجي راح يزوجني لو الواحد مجرم لو الشايب هو اني ميهمني احد بس ماريد اتزوج اكره الزواج وما اربد اتزوج هو انته واريد اخلص منك _
_ ها شگلتي
_ شهم الها نهاية
عقد حواجبه باستغراب هو واكف گبالي يم وجهي ولازم ذراعي حجة _
_ يا نهاية
غمضت بتعب وتنهدت فتحتهم اباوعلة _
_ شوكت يخلص كل هاذا والله مليت بس كلي الها نهاية شوكت يشفى گلبك مني وتعوفني والله العضيم گلبي بعد ميتحمل والله تعبت شهم روحي خلصت حاسة روحي كبرت عمر اخر فوگ عمري
رفع ايدة وخلاها على خدي احس بنفسة من يطخ بوجهي رجعت راسي ليورة رجعة وكال بهمس يم وجهي وهو يباوع لعيوني _
_ ليش ما فكرتي لعد بكل هاذا من اجيتي طلبتي مني اتزوجج
_ طلبت منك تتزوجني حتى اخلص من سرمد
_ ليش انا بالتحديد ؟
سكتت صافنه علي شنو اجاوب شحجي هسة يفسرة بغير طريقة ضحك باستهزاء وحجة _
_ شفتي حتى انتي ما عندج عذر انتي جنتي مخططة لشي براسج ومن شفتيني مو مثل مايج قلبتي جاي تسويين نفسج مضلومة من طول ورطتي نفسج وياي ما تخلصين لحد ما امل انا واذبج
_ حرام عليك
_ تستحقين كلشي جاي يصير بيج
عيوني امتلت دموع وابتسمت بانكسار شبه ابتسامة وحجيت بغصة _
_ ما استحق اي شي من الي جاي تسوي شهم اني مالي ذنب باي شي صارلك وحتى لو جنت مثل ما تكول حابتك ومخططه الك مشردة غيد واي شي اخر ما توصل لهل درجة تعاملك وياي انته بس شفتني كدامك شفتني خوش فرسية الك تطلع بيها ضيمك ضيم ميار وغيد جاي تطلعة بيه بوحدة مالها ذنب بس اكيد يجي يوم وتعرف كلش زين اني مالي ذنب وقتها والله لو على كص رگبتي ما اسامحك يا شهم
ضغط على ذراعي وهو خازرني ابتسمت بسخرية _
_ شفت بمجرد ما افتح حلگي واكول الحقيقة تعصب وتلتجئ للعنف وياي
_ اشش كافي روحي اطلعي برة يله
حجاها بهدوء مخيف بس اني ماكدرت اسكت دموعي تذب واحجي برجيف _
_ ليش كافي ليشش عاجبك توشفني بهل ضعف عاجبك تهددني باخوي وعائلتي ولازم ما احجيي شنوو الي دخلنيي بكل هاذا انييي من شفت غيد راحتت وميار ماتت رجعت عليه بس اني الي كدامكك كافييي كافييي مليت والله اذا هلكدد حارگه گلبك خلص عليه موتنييي خلصنييي مو روحي خلصت
عيونه كامت تجدح نار واضافرة نبتد بذراعي بس ما سكتت حجيت ابجي حيل _
_ ياريت ما شفتك ياريت ما اشتغلت يمك ياريت ..بافل ما راح ولا امي تمرضت والله والله لو ادري بروحي ادفع ثمن فلوسك هيج لو اعرف اصير *** بالبيوت ولا اشتغل يمك
بمجرد ما كلت هيج ضربني حيل على حلگي بجف ايده خلاني اكع على الجرباية لزمت حلگي بوجع وهو صاح بعصبية _
_ هواي لغيتييي مو كلت كافيي ما ترتاحييين اله اضربج ما تسكتييين
وخرت ايدي عن حلگي وشفته ينزف كمت برجيف وقهر ودفعته من صدره اصيح _
_ اكرهك اكرهكككك الله لا ينطيييك الله لا يوفقككك نشالله الله يندمك انشالله ادور الايام وتصيرر مثلي يا شهممم عاجز ولا تكدر تسوييي شي
كام فگه يريد ينفجر بكد ما ضاغط على نفسة وما مسوي شي اصلا مستغربة شلون ما موتني بمكاني لزمني من زندي حيييل وجرني للباب دفعني حييل وكال _
