فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
لا تسَولفلَي عَلى حَزنك أني افهمَك
وما عَليك مَن المسَافة وحَتى لو نَحجي بالرسايل أني يمك
_______
نجمة ...
ترخص وكال اريد اروح ابدل عنده كعدة سوسن كالت اني اشيل الصينيه روحي لحكته وبطرف عيني دمعه طبيت ورة بدون لا ادك الباب التفت الي رافع حواجبه جان بدون تيشيرت نازعه وتوه يريد ينزع البنطلون ما اهتميت زميت شفتي لي جوة بقهر وركضت علي حضنته بقوة مخليه راسي على صدرة وابجي
حسيت حركته جمدت بعدين حضني اله حيل يحجي بقلق _
_ شبيج يروحي شبيج منو وياج هاا..
شبكته حيل اشهگ بقهر واني اتذكره كل هاذا القهر شايفه والضرب رغم ما حجتلي هواي عن ضربه بس كالتلي يضربه هواي خليت وجهي بصدرة ودموعي تنزل
مسح على شعري يحضني اله ويحجي _
_ لج عمري بس كولي شبيج انقهرتي مني لان صيحت عليج جوة والله مو قصدي بس علمودج
نفيت براسي اشهگ وكلت بوسط شهكاتي _
_ لء لاء لعدد اذا غاثني احضنك
_ هم صدك لعد شبيج يا عمري
_ انقهرت عليك
كلت هيج وانفجرت ضحك ما مصدگ ويحجي يريد يرفع راسي ما ارفعه _
_ ليش شبيه كولي ليش مقهورة علي
باوعت لعيونه ابجي وكلت _
_ عمتي كالتلي كل الي عشتوه
ضحكت اختفت وخر ادي عني وجهه احتقن وكال بحدة _
_ انتي شدخلج .؟؟؟
حسيته كلش ضاج وانقهر مثل الي ما يريد يتذكر وذكرته حسيت تندمت لان سالته حجيت بتعلثم _
_ مو صار الي فضول
دار عيونه ضايج وراح للكنتور يطلع دشداشته بدون لا يحجي هسه اني شعندي سالت خرب حضي لازم ابعرها _
_ عمو لا تضوج حباب والله بس فضول
كلت واكفه ورة ضهره اريد يحجي وياي حسيت روحي حشرية وتدخلت بشي ما يخصني كال لازم الدشداشه بايده ويطلع بالشماغ _
_ ما صار شي عيني
2
حجها بس شنو مو مثل كل مرة نبرته بيها شي من الانزعاج اخذت الدشداشه منه حتى يطلع الشماغ براحته احجي بحزن _
_ لا والله زعلت شوف والله مو قصدي اتدخل بس
_ كافي بوية ما ضايج
كال هيج من ورة خشمه وراح للحمام يبدل انقهرت ساكته وعيوني دمعت مادري ليش هلكد يهمني زعله علي واضوج اريد بس يبقى ضاحك بوجهي ويدلل بيه صرت اتحسس اذا يضوج مني او يبطل يباوع لعيوني
6
تنهدت كاعدة على الجرباية بعدين باوعت على ايدي وضحكت رايح يبدل والدشداشه بيدي شوية وفتح الحمام مطلع راسه _
_ هاي شنوو وين الدشداشة
كمت كاتمه ضحكتي رحت لباب الحمام اباوع علي يباوعلي ضايج مديت الدشداشة وكلت كوة لازمه ضحكتي _
_ هاي هنا يمي
اخذ من ايدي وكال _
_ تضحكين علي ؟؟
نفيت براسي بسرعه وكلت سادة حلكي _
_ لا ليش
هز راسه وطب للحمام خرب حضي زعل بالزايد هسه هو على شنو زعل بس انقهرت علي معقوله ميريد يتذكر ضليت انتضره سبح وخلص وطلع هو استحى يطلع مصلخ كدامي وهو توه جان مصلخ كدامي طلع لاف منشفه علي واني يجوز ما كدر يلبس الدشداشة بالحمام تتوصخ واني مادري شبيه نسيت المستحه واباوع علي وين يروح وين يجي هو يباوع علي من المراية ويمشط ساكت بعدين التفت وكال بنفاذ صبر
_ شيلي عيونج شنو ما تستحين اريد ابدل
43
فتحت عيوني بصدمه وخجل وندكت اغم بروحي ضليت كاعدة مدنكه واني ميته من الفشله شكو اباوع على الرجال خرب حضي الاكشر هسه يكول هاي تدور هيج سوالف جيت ابجي من الفشلة وكمت دا اطلع فتحت الباب صاح بنتره _
_ تعالييي وين تعالي
سديت الباب وضليت واكفه اكرص باصابعي سمعت رشة العطر ومن ذبه على الميز اجه علي يحجي _
_ وين مو تردين تحجين يله احجي
ما رفعت راسي احجي بفشله ومبينه على صوتي _
_ لا ماكو شي هيج
سمعت ضحكته اجه يمي ورفع راسي من فكي وكال رافع حواجبه _
_ شو هسه يله استحيتي مو توج جنتي تباوعلي مصلخ
وخرت ايده فشلانه وكلت اريد يسكت _
_ عموو ما قصدي جنت شاردة
_ شاردة بيه ؟؟
عضيت شفتي حييل معصبه من نفسي خجلني هواي اجيت اطلع لزمني من زندي ورجعني اله يضحك _
_ يله يله لا ترحين شبيج ليش عيونج حمر ههه
1
نفيت براسي ساكته اباوع لوجهه اكول ليش صاير حلو هسه مو جنت اشوفه مثل اي رجال عادي ليش صرت احب اباوع لعيونه الكبار وحواجبه المرفوعه اريد اضل اتلمس رموشه كل يوم لحد ما امل ضحكته ليش هلكد حابتها احب من يضحك وعيونه تنسد وشواربه تنرفع شلون مرتب شواربه ورافعهن ولحيته المرتبه ليش حابه شعره الاسود شصارلي نجمة شبيج لوكيه مال اهتمام خرب حضي هسه اني بس لا حبيته وادري ما النه مستقبل
5
