حـــمامة الشـــهم..🕊️
حــب وعــذاب.....🤍
ريـــِحانٍــة 🌿
كُبرنا وما لكينه ابنادم بگدنا وحَسدونه
أعلى كُلشي وگلشي ماعَدنا .
2
____✓_____
بـيران ...✓
كاعدة ابجي واباوع على شهم يفتر يم باب
الدكتور شكد ما ابجي واعض باصابعي
ما اكدر اطلع الوجع الي
بگلبي على ليث منضره ميروح من
بالي
جان مزرگ بطريقة تخطف الانفاس وجهة
تورم اني ابد ما ناسية هو عنده حساسية
من الجوز ولا اجيب شي للبيت بجوز
او الجوز بس مادري منين جاية
جايبه مثل جيس الحب الي يتفلس ما ينعرف
ما عندي جراة اروح على شهم
هسه واكله لا تخاف خايفة لان اكيد هسه
ذاب الصوج كله بيه اجه كعد على الكرسي وسد عيونه باديه يفرك بيهم مسحت دموعي وحجيت
_ اسفة
باوع عليه عيونه حمر مورمات ما رد علية تنهد وسكت صافن على الباب نزلت دموعي وكمت
مشيت استوقفني صوته المملوء بالغضب
_ وين رايحة؟
_ للحمام
_ امشي وياي
كام وياي بس شنو اذا احد يكله هيج يطك انوب ندمت على كومتي هسه اذا اكله ماريد اروح يخليني ويكتلني هنا
2
طبيت للحمام وهو وكف بره غسلت وجهي وعدلت شالي وعباتي لان لبستهم بسرعه هيج
طلعت ويا باوع عليه ومشه مشيت وراه صافنه
ويا رجعتنا طلع الدكتور ركضنا عليه
شهم _ ها دكتور بشر گلبي راح يوكف والله
_ الحمداللة الطفل ما بي شي وكدرنا نسيطر على وضعا هو هسه نايم لان انطينا ابرة حتى يرتاح
6
غمضت عيوني براحة وذبيت نفس
_ الحمدالله الحمدالله
شهم _ تاكدت يعني كلشي ما بي
_ ما بي شي بس جان لازم تحذرون اكثر
الطفل عنده حساسية قوية تخلي يختنك وما يتنفس بس انتو همزين جايبينه بسرعه لو متاخر شوية جان لا سامح الله فارق الحياة
3
شهم كعد بالكاع مخلي ايده على گلبه ومغمض الدكتور راح كعدت كباله وكلت _
_ شبيك اجيبلك مي شهم اني اسفة والله مادري
كام من مكانه وراح طب للغرفة مسحت دموعي وطبيت وراه شفته مدنك على ليث
باس وخر مخلي ايده على راسه وكفت بعيد عنهم
خجلانه من نفسي ومنحرجة باوع عليه وتنهد _
_ تعالي شوفي
تقدمت بخطوات بطيئة وكفت بصفة كام هو من الكرسي وكعدني وحجة _
_ انتي مالج علاقة بالي صار لا تحملين نفسج المسؤلية
13
خليت ايدي على شعر ليث وبسته ودموعي نزلت كلت بغصة _
_ ما انتبهت عليه شياكل جان لازم اباوع واشوف شنو بيده
_ الي صار صار المهم هو هسه بخير واريدج اكثر تنتبهين
_ اسفة والله بعد ما اغفل عنه ابد
هز راسه الي ضلينا يم ليث راح جاب اكل لان جانت نص اليل وعباله جوعانه جانت نفسي مسدودة فد نوب بس جبرني اكل هو هم اكل شوية وعفنا الاكل
للصبح كعد ليث وجان الحمدالله كلشي ما بي
ويسولف ويضحك ويوكح
الدكتور فحصه وكال كلشي ما بي طلعو بس انتبهو عليه
اخذنا رحنا للبيت ساكتين جنا كلش تعبانين
طبينا للبيت هو شايله كال _
_ راح ينام يمي اذا تريدين تعالي نامي يمي واذا لا بكيفج باجر التحق واريده يمي
هزيت راسي عافني وصعد فوك تنهدت نزعت
العباية والشال ورحت شربت مي كعدت بالصاله افكر بليث دمعت عيوني
لو صايرله شي مستحيل اسامح نفسي
ادري مو بيدي ولا اني متعمدا بس جان
لازم انتبه اكثر
تسطحت على التخم وغمضت افكر وافكر
وما حسيت من نمت جانت دنية ضهر يعني ساعة 3 هيج من رجعنا للبيت
وكلش تعبانه ف نمت
بعز نومي احس على جكات بوجهي حكيت وجهي ورجعت نايمه لان اني الغبية ما اكمز بسرعة
نمت وما مرتاحة احس بنفس بوجهي حار
وجكات
فتحت عيوني بخفة وشهكت
بفزع من شفته كبااال وجهي
1
بعدني ما حاجية باس حنجي بعمق وخر همس _
_ ليش نايمة بالبرد ؟ وحضني الدافي مفتوح الج ؟
كمت بسرعة امسح بوجهي وحجيت بتوتر وعصبية _
_ شنو هاي تبوس بيه واني نايمة ما تستحي
كام من الكاع واجه عليه كعد بصفي قريب حيل وهمس _
_ جوعاان
_ شسويلك
_ اكل
_ ما بيه حيل
من شفته صاير حباب كمت اتبطر عقد حواجبة وكال _
1
_ معدتي بلعت نفسها من الجوع سويلي اكل
_ سوي انته
_ ها
_ والله شنو مكعدني من النوم
_ هو انا بيضة احركها كومي بشرفج باجر التحق واصبح على مركه شجر ما تنجرع
12
