فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
تعوفني وتگدر بدوني ليش ياثالث عيوني
_______
يمامة .._::
قبل شهر تحديدأ قبل لا اسمع هاذا الخبر الي كسرني وقبل لا اروح لبيت بافل جنت كاعده كل عاده ضايجة امي طلعت تتونس يم نسوان القرية وصتني بس من يجي ساجر احمي الاكل اله
جنت نايمه بالصاله واكلب باليوتيوب واشوف مقاطع تعليم مكياج ومقاطع مشتريات عجبني مكياج حيل حلو وشفت عندي نفس لون فستانها تحمست اسوي كلش
وصدك طبقت المكياج وصار يجنن رحت على البسه صحيح مو مثلها بس حلوهه جابلي يا ساجر من جنت توني طابه 16 بس ما لبسته هواي ماروني واردانه كصار وعراض صدره صاير V ومخصر كله صاير شلون البينص بس اخير شي عريض لبسته بس صاير زغير علي كصير وضيگ ما اهتميت شسورت شعري وبديت اطگ بهاي الصور وانتضر ساجر
على جمر حتى يشوف الوگ
جاي اطك صور واندك الباب كمزت فرحانه وفتحت الباب جان واكف بتعب وشايل علاليك باوعلي ورخى ملامحه يباوعلي بصدمه بسرعه باوع وره وطب ساد الباب
_ شلون تفتحين الباب هيييج
كلت بلهفه واني ادور على نفسي _
_ حلوة باله مو لازم اصير ام صالون عليك الله
اشوفه كام يرمش ويبلع ريگ يباوعلي من فوگ لي جوة هز راسه وغمض ماخذ نفس _
_ روحي بدلي بابا روحي
كال هيج وشمر العلاليگ وطب للحمام يسبح لان يدري كل يوميه احضر ملابسه يسبح عبست وكلت _
2
_ شكد مكرووه
شلت العلاليگ وشغلت النار على الاكل كعدت انتضره حتى يطلع يكلي حلوة وارتاح
طلع ينشف بشعره بس شافني كاعده انتضره وكفت حركته كال _
_ مو كلتت بدلي
_ ليشش والله تعبت على الوك
_ كمصره
_ شنو
_ كصيرة
_ شني
_ الفستان كصير ذبي عيب
_ ماا
استغفر وكعد يلعب بموبايله بس كل شوية يرفع عيونه يباوع وياخذله صفنه ورد يستغفر يستحسف يكول حلوة لازم يشلع گلبي
رحت يمه وكلت _
_ ساجرر ليش تشلع كلبي
باوع لوجهي ويتنفس حيل مسح كصته وكال _
_ شبيج
_ ليش متكول حلوة اني
ملت راسي اريد افهم حركاته شبي هاذا وجهه صار احمر وتوه سابح بس كصته عركانه وكل ساع يمسحها خليت ايدي على كصته _
3
_ شبيك مريض
1
لزم ايدي حيل عصرها وجعتني بس ضليت انتضر يحجي ضل صافن بوجهي بس شهگت من خله ايده على خصري وسحبني اله حيل وبحرگه ما توقعتها ولا مخليتها ابالي باسني ضليت فاتحه عيوني مصدومه وهو لازم خصري حيل
بسرعه وخر وباوعلي بصدمه دفعني عنه كعدت مصدومه وگلبي يدگ حيل كام بسرعه متوتر ويتنفس حيل ويرمش _
9
_ م مء ما اقصد خرب شسويتي
بسرعه طلع من البيت واني جامده اخذتلي صفنه وخليت ايدي على شفايفي باسني اني يمامه الي احب ساجر ساجر الي ما منطيني وجع باسني ااااااااااااا
كمت اكمز واعيط واعض بيدي واضحك ساعه اكعد اكرص روحي خاف حلم فرحت وخفت وانصدمت بنفس الوقت
يعني ساجر يحبني هاي هيه بادر وباسني
ضليت انتضره وماكو رحت بدلت ومسحت المكياج وانتضرت وماكو امي جت سألت على ساجر وكتلها طلع وراحت نامت اتصلت علي وطلع موبايله ناسي
اخذتني النومه ونمت
ثاني يوم كعدت وهم اخذتلي نص ساعه استوعب بس الوگت متأخر وهسه راح للشغل رحت لركض ولكيته رايح تريكت وضليت النهار كله افكر واخطط شلون راح نتزوج وشلون راح اعيش احلامي مثل ما حلمت
امي كل شوية تسألني شبيج ليش صافنه ليش تمضحكين واجاوبها ماكو شي ماكو شي
وحسيت النهار طوييل من يريد يجي رحت سبحت ورفعت شعري ذيل حصان وطلعت گذله وضبطت روحي من دگ الباب ركضت ركض فتحتله والابتسامه تريد تشگ حلكي
_ ساجر
ما باوع لوجهي ولا رد علي دخل وجهه مكلوب سلم على امي وطب يسبح انقهرت بس كلت تعبان اكيد حضرنه العشى لان اليوم خميس ويجي من وكت هيج ابو الشغل يسوي طلع من الحمام بس شنو وجهه الطبر ما يكصه واني ابتسامتي ما تنضم هسه انتضر شوكت يحجي وياي ويكلي احبج
5
كعد مدنك وبدء ياكل هم عذرته وكلت جوعان وعيب من امي اكلت على حماسي وشلت المواعين بسرعه غسلتهن وطلعت لكيته ماكو سألت امي كالت بغرفته
حرت وكلت هاذا شبي ليش يتهرب مني رحت لغرفته وفتحت الباب بس مقفول دكيت وكلت _
_ ساجرر
_ هاا
_ ليش قافل الباب افتح اريد احاجيك
_ اريد انام عود بعدين روحي
يحجي من وره خشمه وبصوت حاد فلتت ايد الباب وعبس وجهي راح كل حماسي رحت بزغل لغرفتي ونزلن دموعي معقوله ندم على الي سواه بعد ما زرعلي امل طردت هاي الافكار من راسي ونمت ادعي ما يتحطم كل الي حلمت بي
ثاني يوم كعدت بحماس هم اليوم جمعه ماكو دوام ركضت بره شفته كاعد يباوع للتلفزيون ويشرب جاي ابتسم بخجل وخرت شعري عن وجهي ورة اذاني ورحت اله كلت
_ صباح الخير
بس رد علي ب
_ همم
