حـــمامة الشـــهم..🕊️
حــب وعــذاب.....🤍
ريـــِحانٍــة 🌿
_
ههلي لو ما هَلي هم چـان عافوني .
1
________
بيران ......
503
بينما احبنا كاعدين بالستقبال بس اني ونجمة كال شهم باتو يمها والصبح اجي رغم شكد تفكيرهم قديم وهمه بيئة قديمة وهاي ميعترفون بسالفة اله يشوفون الوصلة البيضاء يله تكول نجمة يكتفون الزوج يشوفها وهاي هية بس
اهل رانية وخصوصا بعد المشكلة جانو شاكين بيها خاف صدك رايحة ويا محمد ولا سامح الله غلطانة بشي
واصرو على الوصله البيضاء توصلهم
ام محمد تعزب وتجيب وخطية فرحانة بابنها الوحيد افكر بشهم الزفة كلها والعرس ما حجة ويا محمد هل طول ابد
2
ليث نايم على الفراش ام محمد فرشتله ونجمة كامت تلوب كلت بس نطلع الصبح احاجي شهم يوديها
1
واني انعس وكاعدة ام محمد تريد وحدة تسولف وياها واني كلشي ما اعرف تحجيلها سريدة واكولها ها
لحد ما طب محمد من طب كمنة اني ونجمة بسرعه وطلعنا منحرجات بس سمعنة هلاهل ام محمد ارتاح كلبنه رحنه دا نفتح الباب على رانية مقفول
استغربت وكلت
_ يجوز كاعد تبدل عوفيها
هزت راسها وكعدت بالصاله لازمه بطنها تنهدت _
_ لج عيني شبيج ليش هيج بطنج ماذيتج
_ مادري مادري حتى ميكع علي هواي دم بس شوية وتكطع بيه
_ استغفرالله هسة كال شهم نوديها هسه
انتضرنا والباب ما انفتح دكيت الباب وصحت على كيف
_ رانية هاي احنة افتحي ..رانية ..افتحي
نجمة _ ليش متفتح
_ مادري
طلعت ام محمد تهلهل وتضحك _
_ وينها وينها عروستنا خلي اشوفها
_ خاله متفتح الباب ترة كمت اخاف عليها
ام محمد _ شسالفة ليش ..رانية عمه افتحي الباب
دك بالباب حيل وماكو كلبي كام يدك خوف عليها اجة محمد على الدكات والصايح يحجي بقلق _
_ شكو شنو هل صايح
بيران _ محمد مكاعد تفتح فدوة خاف سوت شي النفسها
1
فتح عيونه بصدمه واجه بسرعه يدك حيل بالباب _
_ رانيهه رانية افتحييي رانية افتحي الباب بس احجي ويااج رانية
ضلينا نكسر بالباب ونصيح وماكو ام محمد ضلت تلطم وتبجي ومنا نجمة تبجي وتعيط من بطنها وليث كعد يبجي حرت شسوي كمت ارجف وحايرة
محمد يدفر بالباب يريد ينكسر مينكسر رحت ركض بالستقبال اخذت موبايلي واتصلت على شهم رن شوية ورد عليه
_ ها
حجيت بسرعه ابجي واشهگ _
_ شهمم شهم الحكنا فدوة
انتفض صوته بذعر وصاح _
_ شكوو شصار احجيي
_ شهمم رانية ما تفتح الباب يمكن مسوية بروحهاا شي ونجمة كامت تموت من بطنها ووليث يخاف ماعررف شسوي شهم فدوة
_ اهدي اهدي بيران شوفي ...اا اخذي ليث سكتي وشوفي نجمة محمدد ويين خلي يكسرر الباب خرب
_ مادري ميفتحح شهم راح امووت من الخوف فدوة تعال
_ جاي جاي بالطريق بس لا تخبليني
2
سد الموبايل رحت شلت ليث اهز بي اريده يسكت يخترع من صياح محمد ودفراته للباب الباب قوي ومو بسهولة ينكسر
رحت ابجي كومت نجمة وكتلها روحي بالستقبال ما قبلت تجبي على رانية ولازمه بطنها
محمد الي يشوفه يكول تخبل يصرخ كل قوته ويدفر دفرة تهز البيت
لحد ما جابت دفراته نتيجة وانكسر القفل دفر الباب بسرعه وطب وما نسمع غير بس عياطة باسمها
1
طبينه بسرعه ياريت ما طبيت ولا شفت ذاك المنضر بحياتي السيت الي لابسته صاير احمر من الدم لحد ما الدم واصل للجرباية مغركها وفاقدة حلكها ابيض
ركض عليها لازم ايدها متخبل ويصيح _
_ لا لا رانية رانيةة اصحيييي باوعيلي رانية لا تسوين بيه هيييج رانية
7
ام محمد _ يبووووو ولك شيلهاا اخذها راح تموووت
رجعت ليورة ارجف مادري شصارلي ما تجرأت اتقرب محمد كام يبجي حيل ويصحي بيها يتوسل بيها ويكول _
_ فدوة رانية اصحي فدوة
1
بيران _ م ممحدد محمد وخر لفها بشي واخذها محمدد راح تمووت اصحة انته
تشجعت كوة رحت طلعتلها دشداشة ولبستها ارجف هوة بس ساد ايدها ويبجي حيل رحت جبت شال لفيت ايدها حيل شالها بسرعه وطلع يركض
ركضنا ورة ويا طبته للصالة طب شهم يركض هم من شاف رانية بايده فتح عيونه بصدمه وصاح _
_ شكووو هاي شبيهاا ولكمم
محمد حجة يبجي ويرجف _
_ راح تموت شهم راح تعوفني بسببي راح تمووت
_ ا امشي امشي وديها للسيارة بسرعه امشييي
ركض محمد برة باوع علية حاير ابجي حيل واباوع على ادية كلهم دم من بدلتلها باوع على نجمة تبجي وتلوب كال يحاول يهدي نفسة _
