فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ما ألومَك .
بس ألوم الروحّ.
لو حنت عَليك .
________
يمامة ..؟..
ساجر _ دكومي اطلعي برة بنيتي لا تضلين تمضرطين لازم تبعريها
_ ليشش مو جاي نتصاحب
_ يله متصاحبين
_ يعني ما زعلان مني بعد
_ لا ما زعلان
ابتسمت وكمت _
_ يله خوش لعد رايحه انام شوية
ساجر _ يمامه
_ ها
_ باليل عازم نرجس وامها هنا
كضيت ايدي حيل والتفتت مبتسمه غصب _
_ هلا بيهم
_ ماريد مشاكل .
_ لا شسوي مثلا
كلت هيج وطلعت اخذت نفس حيل ارجف وكلت _
_ انسي انسي صيري قوية مالج شغل بيهم
رتبت اغراضي وطلعت الهي نفسي بتنضيف البيت خليت سماعات باذاني وشغلت اغنيه لفيت ربطه على شعري وتحزمت وبديت انضف امي كالتلي اني انضف روحي اني ما قبلت اريد شي يلهيني
حتى الحياطين نفضتهم وطلعت حتى الزوليات نفضتهم ومسحت الكاع ورجعتهم امي طلعت راحت يم بيت ام زينه
هو نايم عطرت البيت وطلعت اغسل بالطارمه هيا بس شوية منها صبه منا ومنا تراب
مندمجه ويا الاغنيه وانضف وادندن وحسيت باحد نغزني من جتفي الفتت شفته واكف عيونه مورمه من النوم وخرت السماعات _
يمامة _ ها
_ عمتي وين
_ يم بيت ام زينه
_ همم رايح اجيب نرجس وراح اجيب عشى اني لا تطبخون
_ همم
_ شكاعد تسمعين الدنية المغرب طبي جوة طبي
_ اي هسه
كلت هيج برود حيل ولا ناقشت مسحت الصبه وعفت الماسحه وطبيت اووف شلون اشوفها كدامي شلون اتصرف طبيعيه شلون _
7
طبيت الغرفتي اخذت ملابس ورحت سبحت ولو الدنية المغرب وطلعت صليت كبل وامي اجتي هم كعدت تحضر مقبلات
سلمى _ روحي يمه مشطي شعرج افردي ليش هيج كاعده
_ مالي خلگ يمه
حجيت بملل اكلب بالتلفزيون _
سلمى _ اني بنتي مو هيج ماريدها هيج
_ ها
_ شنو بس ساجر بالدنية اكو الف واحد غيرة يكدر يعوضج وينسيج حتى امج
_ لا مو هيج..
_ اي هيج اذا شافج هيج مبهذله واحنه ما متعودين عليج هيج شراح يكول من وراي متدمرة راح يستحقرج ولج راح يكول بتصرف واحد مني اكدر ادمرها اثبتيله العكس وطنشي كملي حياتج طبيعي لحد ميجيج ابن الحلال
9
_ مالي خلك
_ راح يرجعلج خلگج بس تحاولين شوفي تره نرجس هاي الابنيه تكرهج من سوينه الخطوبه والحنه سمعت من بنات القرية عنج تريدين ساجر وطنكرت ضلت تباوعلي صفح وهيا جانت تتلوگ
_ طبها مرض
_ هاا من هسه هيج صارت
_ اووف يمه والله جاي احاول
_ اي من هسه اكلج لا تردين عليها لو شتسوي ومالج شغل بساجر هم هو بعد رجلها
عصرني گلبي من كلمه رجلها ليش من اكول راح انسة ارجع من جديد ابدة شيخلصها _
_ اي يمه ميخالف مالي شغل بيهم تره والله صدگ ميهموني
ابتسمت وباستني _
_ دروحي بدلي وزينيلي هل وجه خل نشوف نرجس وين الجمال
ضحكت هيا هاي سوالف الامهات ما تتغير كمت لغرفتي وحجي امي صدگ يعني ليش هيج اهمل نفسي بسبب شخص ما راغب بيه ليش احسسه بعدم راحه واحسس نفسي هم
طلعت فستان حلو مالت بيت لونه جوزي طويل واردانه هم طوال بي حزام عريض لونه اسود ومشطت شعري وشسورته لميت شعري ذيل حصان وبرمت كذلتي
وخليت مكياج يلوگ ويا الفستان تعطرت وذبيت شال على راسي صرت اجنن _
ابتسمت وشلت موبايل اخذ صور واسوي حركات _
سمعت دكه على الباب وصلو باوعت على روحي بالمراية _
_ انتي كدها يمامه
طلعت من الغرفة وابتسامه عريضه على وجهي شفت بنيه حلوة مكياجها قوي شعرها مصبوغ اشقر ومليانه شوية امها وياها
سلمت على امي وباوعت علي مختفيه اباسامتها رفعت حاجبها تباوعلي من فوگ لي جوة _
ابتسمت بتكلف _
_ هلو
ردت علي تنزع بجبتها _
_ هلا
باوعت علي ساجر مستغربة حرگ راسه بمعنى عوفيها طنشت وكعدنه بالاستقبال _
4
امها حجت _
_ والله عيشتكم صعبه الطريق كله طين
بنتها بسرعه خزرتها تحجي _
_ لا اصلا اني احب الرييف
سكتو كعدنا بالاستقبال على المدات مخلين مخاد هم هيا بسرعه لزكت يم ساجر محاوطه ذراعه باديها
ماكدرت امنع عيوني عنهم وهو باوعلي بسرعه ابتسمت وخرت عيوني احجي
