_
فــاطمة الـزهراء ..🤍
حـــمامة الشـــهم..🕊️
ريـــِحانٍــة 🌿
حــب وعــذاب.....🤍
كُبرنا وما لكينه ابنادم بگدنا وحَسدونه
أعلى كُلشي وگلشي ماعَدنا .
_______
رانية .......
الحقير من يوم دزيتله صور الخطوبه لا سالني لا شي ولا عصب مثل ما جنت اريد حضرني الگواد صار بالست اشهر حاضرني حتى سيف تزوج ومرته حبلت وهو ما فاگ الحضر دا اكله مقلب
4
ال *** اشتاقيتله هو مو يكول ماكدر بدونج لعد شلون خلصها بدوني اني ادري بي يجذب والله ادري عود يحبني الجذاب حضرني
هاي مرة سيف خوش بنيه ولطيفه وسيف شوية ويموت عليها يالله متعجبه من هاذا البشر شلون هيج تغير وحب ههه هو الله ميحبه طبعأ اسلوبه ما تغير وياي بس مو مثل قبل حاط دوبه بدوبي عاد ملتهي بمرته وسجاد صار يحجي وياي ينطيني فلوس هو بارد بس هم زين شوية تغير
2
واني هيا هيا وابوي هم ما اكدر اكول لازين ولا مو زين هو نفسه ___
دراستي مخليه روحي بيها لان هيا سلاحي الوحيد لاخلص منهم ولو هاذا الحقير شاغل بالي بس احاول اطلعه من بالي واقره
طلعت من غرفتي اتمدد بتعب من القراية صادفتني نور لازمه بطنها بالشهر الخامس هيا بوجها حبلت بسرعه متوازية ابتسمت لي _
3
نور _ ها تعبتج الدراسة
جاوبت اتثاوب _
_ اي والله عيوني غوشن
_ تعالي اكعدي بالصاله خلي اجيبلج من العصير الي جابه سيف
ابتسمت الها كلش حبابه ما توقعت تجينا جنه هيج واصلا ما توقعت سيف يتزوج بنيه مثل نور _
كعدت بالصاله تعبانه محد كاعد الدنية ضهر واخواني وابوي بالشغل وامي نايمه اجتي جايبه صينيه بيها كلاص عصير وبسكت _
رانية _ يمعودة اكعدي لا يصير الج شي شيخلصني من سيف
_ هههه لا عادي حملي خفيف
_ الحمدالله اكلج شلون قبل سيف يتزوجج
جاوبت بتعجب _
_ لـ ليش شمسوية ؟ شبيه
_ ها هههه لا لا ما قصدي هيج يعني شباب العراق اغلبهم ما يتزوجون الي حاجين وياهم قبل
_ بكل بساطه علاقتنه محترمه وما بيها قله ادب وصادقين ويا بعض وما طلعت ويا ابد واحنه نحب بعض بصدق يعني مو مجرد تسليه
_ يعني اذا طالعه ويا قبل ما يتزوجج
_ مادري هو سيف ابد ما طلب مني من قبل نطلع هو محترمني وما يحب هاي السوالف
وجعني گلبي حيل يعني محمد ما يحبني جاي يتسلى وياي يحب يشوفني بالحرام بس دنكت مقهورة
2
نور _ راح اروح ارتاح شوية اشربي عصيرج وروحي اقري
_ اي شكرا
كامت من يمي واني مقهورة وضل الموضوع ابالي كمت وشلت العصير وياي بالغرفة حرامات اعوفه طيب _
2
ركعت الباب حيل بعصبيه ورحت جريت الموبايل من الشحن هو ما حاضرني من الرقم بس ميرد علي ضليت اتصل علي وما يرد يمكن بالعشرين مكالمه مسويلي بيها ثكيل ابو الملاهي
شمرت الموبايل على الفراش حيل وصحت _
_ حقييييير
لزمت على الرقم مالته وحضرته ورحت على الواتساب هم حضرته وكتبت اله قبل لا احضره _
_ ابو النسوان مليت مني موو تريد وحدة ت * مثلك موو ك**** جلب
حضرته وشمرت الموبايل حيل ارجف من العصبيه الي يكلي هيج ابجي _
الصبح كعدت روحي طالعه كوة اسحل بنفسي كعدت اشرب جاي بس مالي خلگ امي وحدها هيا ونور يباوعن علي ويتبسبسن _
رانية _ ها خير وجهي بي خرة
صابرين _ الله يلعب نفسج من الصبح شوفي من الاخير صديق ابوج الي مرات يوصله للبيت شايفج وطالبج من ابوج
رفعت حواجبي اشرب جاي واباوع صفح _
نور _ عمي كال خوش رجال هوة وعمره 30 مو كلش جبير الله امكنه ويخاف الله
2
_ كولي لابوي ما موافقه
صابرين ضربت على رجلها بحرگه _
_ لييش ليشش وج يمه كلها تزوجت ليش ترفضين ليش
_ اريد ادرس
احجي ببرود وهي محترگه _
صابرين _ شراحح تسويين بالدراسه تكملين وتكعدين ويفوتج القطار
_ عود اصعد تكسي
14
نور ضحكت خزرتها امي
نور _ اء لا رانية خوش رجال
كمت البس بجنطتي _
_ الله يخلي لاهله اريد ادرس مو مال زواج اني
وطلعت وامي تصيح علي ارجع غلست وطلعت هو اني روحي طالعه ويني وين الزواج خلي اكدر على محمد يله الي ملعب روحي امداني شعندي حجيت ويا ما حصلت منه غير بس شلعان الگلب _
طبيت للمدراسة عادي ومر اليوم هم عادي وطلعت من المدرسة ضليت واكفه كدام صديقاتي عساس اخوي راح يجيني هو اني اتانيهم يروحون دا امشي مشي استحي منهم
لحد ما راحن كلهم زفرت بضجر ومشيت دا اوصل للشارع العام واجر كيه طبعأ امشي وجهي مكلوب كلب الي يشوفني يضل صافن علي يعني شفتي متقوسه وحواجبي هم عبالك واحد قارف من الدنية واني صدك قارفه من الدنيه
