اول رواية لي واتمنى تعجبكم
~ياغرام الغين ويا هيام النون ~
—-
في اواخر الشهر الفضيل كان الجد هزاع على سفره الفطور على مشارف أذان المغرب وكان احفاد وعيال الجد هزاع مجتمعين ع سفره واحده من أكبرهم
لأصغرهم عنده قانون من بدايه الشهر الفضيل لين بعد العيد السعيد .
توجهه الجد هزاع وأحفاده وعياله للمسجد والكل يهابهم
بعد صلاه المغرب التفت الجد هزاع لبنت عايض "فهده" وقال:
العيد بعد ما مر 30 سنه قررت أنا ورفيقي مساعد (الجد مساعد يصير ولد خاله الجد هزاع وأخو زوجته مزنه ) انه يسكن بالرياض عندي ونسكن بقصر واحد زي قبل وليله العيد جايين عندنا من الديره .
ردت بنت عايض : اخيرا بنجتمع بهم ونسكن زي قبل وأحلى من ينور الرياض والله يحيهم
والضحكه شاقه وجهها وابتسم هزاع وقامت فهده وتقول لبنات عيالها حفيداتها .
قالت نوره : يوه لهم فقده والله واخير صملو يجونا
قالت بنت عايض : اي والله والله يرجع سعود حبيبي
—-
(في الديره )
عند الجد مساعد بعد صلاه المغرب وبلغهم بدايه الشهر الفضيل أنهم بيروحون للرياض ويسكنون هناك خلاص عند الجد هزاع والكل يحب الجد هزاع والجده فهده
عند البنات مجتمعات ...
وهج : بنات متحمسه اروح لرياض واشوف البنات واحشيني واشتغل وانا موجوده مب الديره ذي كلشوي اجل
غيم: اي والله بس الديره جوها غير ودرسنا فيها عيشتنا جو وكلشي بها كيف نتركها يحزن
وجد : معك أنا غيم بس الحين فيه مصيبه جديده لك انتي وهج
وهج: وش مصيبته م سوينا شي
ضحكت وجد على وهج : شفيك يابنت اقصد توظفو ولا احد يدري أنكم متوظفين وجدتي رافضه تطلعون من عندها زين أقنعها جدي تدرسون عن بعد
قالت نوف : يوه جدتي للحين م تشوفني شي علشان دخلت الإعلام ولا تعترف فيني مع اني متحجبه وكمامه إلا انها مب راضيه الله يعينكم
ضحكت غيم باستهزاء: يامييي انتي اعلاااام حنا بس شركه مب مشهورين ليه تحقد علينا ماعلي منها عجوز تبي نصير زي جيلها قبل حتى الدراسه حرام عندها بقنع جدو بطريقتي
انصدمت نوف : بشويش غيم أكلتني معها بس أقولكم اللي صار معي
وهج : يوه مب صاير شي بنقولهم بس لازم احد عماني معنا
هزر راسهم البنات بنعم ، راحو يرتبوون أغراضهم
—-
(ليله العيد في الرياض)
وصلو عند قصر هزاع وابتسمو البنات يسلمون ع الجد هزاع وهو فرح لهم وفرح اكثر يوم رجعت علاقته مع رفيقه مساعد واخيرا سلم الجد هزاع ع الجد
مساعد السلااام الحار وسلمت مزنه على اخوها...
في المجلس الحريم فيه الحريم والأمهات والسوالف والفرحه ما توقف
والصاله فيها البنات كلهم عهدهم بعض يوم أنهم صغار وبدو شوي شوي يسولفون وتعرفو اكثر ع بعض وسوو قروب لهم كـ بنات وغرفهم حول بعض الدور الثاني لهم والثالث للعيال والأول للحريم والأرضي المجالس والصاله ...
—-
عند الملحق
العيال مجتمعين ويسولفون ومانو بسرعه عكس البنات لان العيال اغلبهم بالرياض لان مزنه ما تعصب عليهم تعصب ع حفيداتها والعيال كل بوظيفته اما البنات يعانون من جدتهم ...
بتال : هلا والله تو تنور الرياض بوجودكم ي ال مهنا واعذرونا ع التقصير
تركي : بوجودك ياالغالي ، ما من تقصير
تيم بضحكه :فكونا رسميات عارفين بعض علمونا فيه جدوول اليوم ؟
خالد : ابد بس اليوم م ضنتي فيه جدول العالم اجتمعت م صدقوا ، يمكن بكره نسوي جدول
رد تيم : اي صح م بيطلعونا عاد ليله عيد قروشه والذبايح ومواصلين بكرا بتجي اقوى فصله
ضحك محمد : كلنا والله مب بس انت ، اي اخبار والعلوووم ؟
كل ال مهنا ردو بخير ونعمه ...
عند تركي اللي يدق ع جواله صديقه نهيان قام طلع عنهم ورد عليه ...
نهيان : وين الغيبات تركي متى تجي الرياض لك شهرين ، إذا جيت طلعت مع أقارب جدك وانا لي الله بس مكالمات
رد تركي بضحكه : ابشرك بنشب لك من اليوم ورايح يابو سعود سكنا بالرياض خلاص وجلسنا عند أقارب جدي
أنصدم نهيان : مسحيللل ياخي طاح اللي برأس جدك اخيراً ، وينكم بجيك بكره أعايد عليك( طبعا نهيان م يعرف عمامه وجده وجده تبرا منه يوم تزوج بامه عن حب )
رد تركي : حياااك يابو سعود ، تنورنا
رد نهيان : ان شاءالله يابو محمد وقفل المكالمه ودخل تركي عند العيال
—
( عند نهيان )
هم ساكنين بالرياض ...
نهيان سمع أمه تتكلم مع احد وساكته ...
مزنه : بنت من معي
مها كانت ساكته بس تبي تسمع صوت امها
مزنه : شكلك غلطانه وقفلت المكالمه
وصاحت مها شوووق لامها ...
دخل نهيان لامه بعد م هدت وقال : يمه صباح العيد يمكن اتاخر عليك
قالت مها بتساؤل : ليه فيه شي ، صاير شي بدوامك ؟
رد نهيان بابتسامه : لا ياروووحي م فيه شي ، بس تركي خووي جاء سكن هنا كانو بالديره وقلت بروح اعايده
ارتاحت مها وقالت : اي زين حبيبي الله يحفظك المهم دوامك م فيه شي ؟
هز راسه بنفي إلا دخلت ريما بسرعه معها ثلاث فساتين وهي محتاره بينهم وقالت : ايهم احلى اختاروا لي ؟؟؟؟
ردت مها بفجعه : الواحد يطق الباب يماما مب كذا فجعتيني أنا وأخوك .
ردت ريما : اسفه حبيبيتي م أعودها
وابتسمت مها لها وقالت : نهيان ذويق اختار لها العيد ذا .
اكتبوا رأيكم عن اول بارت
———————————————————
