استغفرالله العظيم—
م أسامح ولا احلل اللي يقرأ بدون تصويت ⭐️
قال الجد مساعد : أنا مدري متى الله ياخد أمانتي بس بوصيك تقوون علاقتكم انتم العيال بالبنات تخافون ع بعضكم وتوقفون مع بعضكم بوقت الفرح والحزن بكل شي ، توعدني ؟
قال تركي بابتسامه من تفكير جده وحزن بنفس الوقت يوم جاب سيره الموت صح الموت حق بس يخاف ع جده : اوعدك جدي وابشر بي
وتقدم تركي يبوس رأسه ، وخرج الجد مساعد وتركي بقى يهوجس بطلب جده وقبل شوي سمع صراخهم مع انه تركي م ارتاح للجد هزاع نهائيا وعرف تركي ان فيه قصه طويله ويبغى يعرفها
——
عند البنات
بعد عشاء الحريم اللي سلكو يأكلون كم لقمه ويقومون وتوجهوا لجلستهم اللي برا وراء الحوش
وهج : بنات متى يطسون حريم قريح ، الناس تعايد وذولي يخطبن ولا ينقدن فجروا راسي
غيم : اي والله م يمزحون ذولي ،عطوني مسكن تكفون
تقدمت نيارا وتعطيهم حبه فيفادول
وقالت نوف : الحين ودي أغير ملابس طفشت
قالت أسيل : اي حتنا ، اي م قلت لكم تيم يقول تركي يقول بنجلس بالحوش الخلفي قلت قوله حنا فيه قال خلاص يتسترن وبنجلس معهم نسوي جدول اذ هم موافقين؟
قالت وهج وجد ونيارا وميلا : اي عادي موافقين نبي نغير جو
قالت ريف : أنا خايفه من سعد
قالت غيم : ترانا اخوان واكيد سعد موجود معهم
قالت ريف : بدق واشوف ولا بروح انام اذ م رد فيني نوم
قالت غيم: تخيلو أتزوج علشان استأذن منه لو اموت محد يستاهلني ...
قالت ريف بضحكه : نشوف غيومه نشوف
وصدت غيم من تذكرت سلمان اللي خاطبها وتبي تشوف صوره تتاكد انه الولداللي طلع لها بالمغاسل ...
——
الليل الساعه ١:٣٠
بعد ما البنات غيروا ولبسوا غير فساتينهم لبسوا عبايتهم وجلسوا في الحوش وإلا درعمو عليهم العيال
تركي : هلا والله معليش ع الازعاج بس قلت ابي اقوي علاقتنا ببعض ونسوي جدول كليوم
قالو البنات : تم
بدو يتجمعون وتركي رئيسهم ويتعرفون العيال ع بعض وكان من الجد مساعد أنهم يتعرفون ع بعض ويمون تركي المسؤول
كان محمد ينتظر يجي عندها الدور ويعرف اسمها ، وهي نفس الشي بس وهجي تسوي نفسها مب مهتمه من داخلها بتموت من توترها
والعكس عند تيم وميلا للي حمرت وبدت يديها تعرق من عرفت اسمه وهو لاحظ توترها وسوى نفسه مب مهتم
وبلغهم تركي انها طلب جده ولا قدر يرده
وقالو الكل تم
وبدا الكل يتوجه لغرفهم يعلونون النوم بعد يوم طويل وإرهاق
———
ثاني ايام العيد ( العصريه )
كأنو الحريم مجتمعين بالصاله وكأنو نوره وغرام يبون يطلعون مع صديقتهم بعد صلاه العشاء وبيأخذون بناتهم
قالت نوره : عاد اليوم من بيجينا
قالت فهده : الجيران اليوم داقين بيجون
قالت نوره : حياهم الله ، إلا ياعمه أنا وغرام وبناتنا بنطلع مجتمعين البنات وقلت بأخذ ميلا وغيم معنا يتعرفون عليهم
قالت مزنه : وش عرفها غرام بصديقاتك
قالت نوره بابتسامه : غرام معي بالجامعه قبل وتعرف البنات ، شكل الكبر خلاك تنسين معليه تصير
قالت فهده : استودعتكم الله يا امي ، إلا بسالكم بتعشون معنا ولا برا ؟
قالت نوره : لا ياعمه برا
قالت فهده : الله يحفظكم يارب
وتقدمت نوره تبوس راس فهده ، وتتوجهه معها غرام بيبلغون البنات انه بيطلعون
—-
عند غرفه ميلا
كانت وهج ونيارا وغيم وميلا في الغرفه صاحين ومجتمعين بغرفة ميلا
دخلت نوره وغرام وتكلمت نوره : غيم وميلا بعد العشاء بنطلع
قالت غيم : وين بنروح ؟
قالت غرام :يماما بنروح لصديقتي معها بنتها وبعرفكم ع بعض وبعدها تجتمعون معها
هزت غيم راسها
وتكلمت ميلا: فيه احد بيجينا اليوم ؟
قالت نوره : اي الجيران بعد المغرب بيجون
وطلعو غرام ونوره يتجهزون ...
قالت نيارا : اهخخ بنات مالي خلق اكشخ بشرتي شعري انعدموا
قالت غيم : لا تنزلين لهم اسحبي عليهم ونامي.
قالت نيارا : تبين امي تلعني ناقصه أنا
قالت غيم : بكيفك ، أنا الحين متكسره مالي خلق وكيف بقابل الجيران وبطلع مع امي لصديقاتها الله يعين بالنفسيه
قالت ميلا : وش الطلعه المفاجئه ذي
قالت وهج : صدق وش الطلعه اللي كذا
قالت غيم : واضح منهم أنهم مخططين منزمان وتوهم يبلغونا ( طبعا هم عارفين انه غرام ونوره صديقات من قبل )
بدوا البنات يتجهزون وصحو النايمين للحين ...
————
بعد صلاه العشاء
رقو ميلا وغيم يعيدون على شكلهم وكانت غيم لابسه فستان بحري سماوي ماسك عليها وعلاق وموضح رسمه جسمها وعلى شعرها الويڤي ومكياجها الناعم وكانت ميلا لابسه جمبسوت اسود وعلى مناكيرها الحمراء وروجها الأحمر ولبسو عبايتهم وتوجهو ينزلون تحت ...
——
عند غرام ونوره بالسياره
كانت نوره اللي بتسوق وبسيارتها : غرام متاكده محد يعرف ولا قلتي لغيم
قالت غرام : والله محد يدري عن شي ياروحي
قالت نوره : أشوا ، حتنا م قلت لابن أمه
ضحكت غرام وابتسمت نوره وقالت : غيرت بنروح لبيتها
هزت رأسه غرام بايه والتفت شافت غيم وميلا متجهين لهم يركبون
عطوها حقها 💝
