سبحان الله-
م أسامح ولا احل اللي يقرأ بدون م يصوت ⭐️
وتكلمت غيم : ما تقصر يا ...
ضحك سعود وقال: نادوني عمي دامكم صديقات ريما
وابتسمت غيم : سم ياعم
وقال سعود : اي كذا وهج انتِ صح ؟
هزت راسها ب لا ونطقت : غيم أنا
فز قلب نهيان يوم سمع صوتها ويحلف انه اعجب بها وايقن انه وقع بغرامها
وقال سعود بضحكه : اسف يابنيتي اعذريني العمر له دور
قالت غيم : محشوم ياعمي
سعود حب غيم بجرائتها وقال : الله يحفظك يابوك ، شكل وهج اللي تستحي وضحك
وتكلمت وهج : لا عادي
وقال سعود : ذا ولدي نهيان اخو ريما الكبير
وقال نهيان : اعرف أخت تركي اما الثانيه ماضنتي
قال سعود باستغباء: منهي أخت تركي
قال نهيان وهو اول مرا ينطق اسمها : غيم محمد
قال سعود : ماشاءالله عليك ياغيم ، عيالي يعرفونك صديقه ريما وأخوك صديق ولدي ونعم التربيه والله عيالي عرفوا من يختارون وغمز لنهيان
وصد نهيان وابتسمت غيم وتكلمت وهج : توصي شي ياعم
وقال سعود وهو حاب اسلوبهم وتعاملهم : بحفظ الرحمن يا بنياتي
وتوجهوا غيم و وهج للخارج ، وجلس نهيان عند ابوه
سعود : ماشاءالله جاي بدري ومدرعم
قال نهيان : اي شايف ملتزم بالمواعيد وبلتزم الحين اي شي تبيني ابشر
وضحك سعود : ارفع علومك ، من وين عرفتها بنت محمد
ضحك نهيان : سم ، والله مع ريما وكانت مرا مع تركي اخذها وعرفت انها اخته
وقال سعود : ماشاءالله عليهم تربيه الله يحفظهم
دق جوال نهيان تركي ورد : هلا والله بابو محمد
قال تركي : هلا بك وينك ؟
قال نهيان : بالشركه عند ابوي امرني
قال تركي : ما يأمر عليك عدو ، بس كنت بشوف اذ قريب من اختي وبنت عمي السياره وقفت عليهم
قال نهيان : ابد نفس الشركه باخذهم اجل بلغهم
وقال تركي بصدمه : كيف !
قال نهيان : سالفه ، هم يدامون بشركه ابوي واليوم باشروا دوام حضوري وابوي طالبني اجتماع معه ودخلت ع ابوي وشفتهم وقال ابوي اسمائهم وعرفت أختك
هز راسه تركي وضحك : اها والله مشكور يابو سعود
وقال نهيان : مابينا يابو محمد
