استغفرالله
ما أسامح ولا احلل اللي يقرأ بدون ما يصوت 📌
عند البنات
توجهت لهم وجد وسالت وهج : غيم وينها
قالت وجد : خالتي غرام تبببها
قالت وهج : غريبه
قالت وجدد : كانت مع خالتي ومعهم وحده كبيره بالسن
قالت اسيل بضحكه ونطقت : كبيره بالسن ياحلوك ياوجد لو انه غيم قالت عجوز علطول
وضحك الكل وجت غيم عندهم ونطقت : وش عندكم تضحكون بدوني
قالت وهج : أسيل تطقطق وجد تقول كبيره بالسن وقالت أسيل انه لو انه غيم قال عجوز علطول وضحكنا وضحكت غيم
وقالت لأسيل : ما توقتها منك اسيلي
قالت أسيل : اسفه غيمي بس يوم شفت وجد تنتطق كذا تذكرتك
ابتسمت تتوجه تضم غيم
ونطقت وهج : وشفيها خاله غرام تبيك
قالت غيم بضحكه :جتني وحده خاطبتني قالت امي بنسأل بس شكلها ما يطمن تخوفني حتى امي م ارتاحت لها
قالت ميلا : اسحبي ليكون ام سلمان اللي خاطبه
قالت غيم : اي ذي ،شبلاها
قالت ميلا : يوه ذي تخطب واللي ياخذ من عيالها يوه تنكد عيشته واي بنت ما تزوجت تعطيها محاضره يوه جتني قبلك غيم ورفضتها وصارت ما تشوفني شي وقلت أزين ولا أعايدها ولا أشوفها شي ويقولون ساحره بعد هجي والله
غيم :يمه الله يكفينا شرها ليه تعزمونها بسم الله
الكل كش جسمه من دروا انها ساحره وسموا
جت ايناس ونطقت: ياحلوات ساعدوني بسوي قهوه وشاهي للرجال والحريم وأبيكم تساعدوني خلصت اللي عندهم
قالت غيم : ابشري
وقام الكل يتوجه يساعدها ...
————
عند بوابه القصر دخلت سياره نهيان ودق على تركي يبلغه انه وصل وبعد دقايق بسيطه استقبل تركي نهيان
تركي : هلا والله ، كل عام وانت بخير يابو سعود
نهيان بابتسامه : وانت بخير وصحه وسلامه ومن العايدين الفايزين
رد تركي : من السالمين الغانمين ، اخبار والعلوم ؟
رد نهيان : بخير الحمدلله وانت الأخبار والعلوم ؟
رد تركي : دام ابو سعود بخير الدينا كلها بخير ، حياك
ودخل تركي ونهيان لمجالس وسلم عليهم لين وصل للجد هزاع سلم عليه وباس راسه وقال الجد هزاع : حياك ياولدي وكل عام وانت بخير وصحه ورد نهيان : وانت
بصحه وسلامه ياجدي ناظره باستغراب هزاع وقال نهيان بابتسامه : جد تركي جدي وجدي أنا جده والله ان تركي يسوى الدنيا ومافيها
ضحك الجد هزاع : الله يديمكم يابوي والله يحفظك
والتفت الجد ع تركي وقال : نعم الرجل نهيان ابتسم نهيان يكمل السلام ع الباقي
والجد هزاع تذكر ملامح ولده اللي تبرا منه من سنين ملامح نهيان نسخه من أبوه سعود وحتى هيئه الثوب وصد يستغفر ...
————
( عند البنات )
طلعو للحوش الخلفي البنات وحطو قهوتهم ساحبين على الحريم اللي جوا
ميلا : بنات انهلكت م عاد بي طاقه تكسرت
نوف : كلنا والله مهلوكين
ورمت كعبها ريف : يويلي من اليوم أراكض وحتى وغدي مدري وينه
قالت إيناس : حتى أنا معك مدري عن وغداني سعود مع أبوه وبنتي مدري وينها
ناظرتهم غيم اللي تصور : ذي سوالفكم يع عن عيالكم اوبس م دريت وغدانكم وضحكت وضحكو البنات معها
التفت غيم لوهج اللي سارحه وضربت كفّها : شرايك نصور عند مغاسل رهيب
توترت وهج وتذكرت موقفها مع محمد ( ترا لا محمد ولا وهج يعرفون بعض ،صح يوم أنهم صغار مع بعض بس تغيرت الملامح لاهي تذكره ولا هو ) قالت :روحي انتي أنا مالي خلق
قالت غيم : غريبه انتي اليوم فيك شي؟
قالت وهج : مافيني شي
غيم حست فيها شي بس م تبي تجبرها وتوجهت غيم للمغاسل...
———
عند العيال
بعد ما تركي عرف العيال ع نهيان وقلبوها سوالف
التفت نهيان لتركي :المغاسل وين ؟
قام تركي شاف اغلب العيال عند المغاسل الرجال وقال تركي المغاسل اللي وراء فاضيه ( المغاسل اللي توجه لها نهيان هي مشتركه بس تركي قال بنفسه مشغولات البنات محد فاضي يطلع برا )
توجهه نهيان للمغاسل ودخل الدوره المياه (الله يكرمكم ) ...
———
عند غيم
راحت للغرفه عدلت روجها وجابت معها سماعتها ونزلت للمغاسل وحست فيه صوت بالدوره المياه بس
قالت : يمكن الشغاله تنظف وطنشت وصورت اكثر من صوره ولبست سماعتها البلوتوث وتشغل أغنيتها المفضلة وتتمايل عليها ، خرج نهيان من دوراه المياه جمد بمكانه من وحده شعرها الويڤي ولونه اللي ياخذ العقل كان صبغه شعر غيم ع اشقر رمادي ولا على الأزرق اللي بارز مفاتنها وموضح خصرها ولا من تمايلها ورقصها قدامه فز قلبه ...
حست غيم بأحد يناظر لها بإعجاب التفت عليه بصدمه شهقت توترت وهو صد عنها وبيمر بس المسافه قصيره كيف بيمر وهي جتها ام الركب عيت تتحرك ويدها ترجف بمكانها وسمعت وجد تنادي عليها وقربت من المغاسل ودخل هو دوره المياه وجت
عندها وجد : غيم وينك تركي وخالتي يبونك
قالت غيم بتوتر : هنا ، وش يبون فيني ؟
وجد لاحظت توترها وسكتت : عن موضوع سلمان العجوز نشبت وأمك علمت اخوك تركي
قالت غيم : جايه
مشت مع وجد للداخل تتوجه لامها وأخوها
اكتبوا رأيكم عن البارتات
اذ وصل البارت ذا ١٠ تصويت نزلت البارت الرابع
تعالو انستا @rwaiahi_
—————————————-
