سبحان الله
م أسامح ولا احلل اللي يقرأ بدون م يصوت ⭐️⭐️
في الصاله
نزلو البنات يفطرون وناظرتهم مزنه بقهر بعد ماكلموها الفجر ولدها محمد والجد مساعد
وقالت : من الحين ما تقومن بدري هذا اول دوام لك احمدن ربكن اني وافقت ولا خليتكم تتشحدوني
دخل محمد وسمعها وقال : يمه الله يرضاااي لي عليك وشوله الكلام هذا دامي موجود محد بيشحد احد سامعتني يمه
قمطت مزنه من نظرات ولدها لها وأنه سمع كلامها لبنته وبنت اخوه وقالت : معليش يا محمد بس الصدق زين وافقت ولا البنت مايصلح تروح تشتغل حدها تتزوج وتستر نفسها مب زي وجد ونوف اللي ما يستحن
قال محمد بنرفزه : وكل مسؤول عن بناته وانتي عليك فينا أنا واخواني مب بناتنا ناشبه لهم
قالت مزنه تمثل الزعل : افا يامحمد ما هقيتها منك
وتقدموا البنات يطلعون وقرروا يفطرون برا وياخذون قهوه لين ما يجي وقت دوامهم وتقدمت غيم تبوس راس أبوها وقالت : تأمرني ع شي بابا
قال محمد بابتسامة: سلامتك ياحلوه
وتوجهت غيم وهج لسياره غيم وقامت وهج تدور فطور بما انهم طلعو بدري وبقى ساعه ونص ع دوامهم
——
عند العيال
كان تركي ومحمد في الحوش بعد ماخلصوا فطور
قال محمد بن فارس : تركي فاضي اليوم
قال تركي : ليتني فاضي بيجون تدريب اليوم ولازم استلمهم اليوم
قال محمد : الله يقويك يابو محمد ، قلت بطلع أنا وياك والعيال بس ماضنتي اليوم
ابتسم تركي : وياك يابو فارس ، الأيام واجد اي يوم نطلع ههههه
وابتسم محمد وتوجه كل منهم إلى سيارته من غير العيال كلن لدوامه ...
——
فلاش باك لكلام محمد وزايد والجد مساعد مع مزنه ...
محمد : يبه يمه انتم ع عيني وراسي بس بنتي بتداوم باللي تبيه م كملت جامعتها عبث إلا تتوظف والمنظور البنت مالها إلا رجالها مب عندي
قال زايد وهو يوقف جمب اخوه ويقول : صادق محمد أنا معه وحتى مثل ما توظفت وجد تتوظف وهج
قالت مزنه باستحقار : شف وجد ع قولتك توظفت احد جاها لا تبي بعد وهج وغيم نفس الشي
قال محمد : ماله دخل يمه الزواج قسمه ونصيب والكل بيجيه نصيبه ما توقف ع وظيفه هذا حلم كل شخص ليه تعبت وكملت وتوظفت كله علشان تبرز نفسها مب ترمي نفسها للعصر المتحجر
قال الجد مساعد : وش تقصد وانا أبوك عصر متحجر ، وانا معك واقف مع البنات ولا بمنع وحده منهم تعبت ع الشي ليه احرمها
