استغفرالله
م أسامح ولا آحلل اللي يقرأ بدون م يصوت ⭐️
يوم الجمعه
الصباح الساعه١٠ توجه سعود لقصر الجد مساعد لمكتبة الكل نايم
قدم القهوه والشاهي و القدوع لسعود
الجد مساعد : حي الله من جانا ونور بيتي
سعود بابتسامه : الله يحيك ياعم ويبقيك وكثر الله خيرك
ابتسم الجد مساعد : طالبك قبل الكل بعطيك هالرساله ما تفتحها إلا اذ تغير حالتي او قلبت عليكم تفتحها انت ومحمد ولدي يا سعود
هز راسه سعود : ليه أنا ياعم ،وليه يتغير حالك ياعم تخوفني
ضحك الجد مساعد ونطق : ذا الحال يابوك ما بيخلوني بحالي ، اخترتك انت ومحمد لان شخصياتكم ما ترضى ع الغلط وتوقفون مع الحق يابوك
قال سعود : ياعم متاكد ما يصير فيك شي ، انت فيك تعب وحنا ما ندري عنه طمني عنك
قل الجد مساعد : مآبي إلا كل خير ، بس الاحتياط واجب يابوك، يلا دق ع نهيان يخاويني للصلاه وانت بعد وبدق الحين ع محمد تروح نصلي وبعدها ييسرها الله
قال سعود : متاكد ياعم ؟
هز راسه الجد مساعد وتقدم سعود يبوس راسه وتوجه يدق ع نهيان والجد مساعد راح يقوم العيال لصلاه الجمعه وينتظرهم بالمسجد احفاده وعياله ...
———
المسجد
كل من دخل المسجد استغرب من اللي مع الجد مساعد ويقولون توهم يعرفون قيمه عيالهم اللي تبرؤا منها ،ودخلو احفاد مساعد يسلمون ع ابو نهيان ونهيان اللي جاء وهو يرحب فيهم ،وتركي اللي عرفه سعود، ويسلم عليه السلام الحار ،وجاء الجد هزاع و بيصف جنب الجد مساعد لان الكل يعرف هم جنب بعض إلا يوم شاف انه في احد جنبه وتقدم الكل يعرف انه هو جنب مساعد من ذا ،وانصدم يوم شاف ولده سعود اللي تبرأ منه جنب رفيقه ،وهو يضرب ولده بالعصا يقومه من مكانه ونطق الجد هزاع : يا عاق اذلف عن مكاني
أنصدم سعود من كلمه ابوه عليه ما توقع رده فعل ابوه كذا
ونطق الجد مساعد : هزاع ابعد عن الشر ، الصف مليان دور لك مكان
ضحك الجد هزاع : وسويتها يامساعد هين وبدت الصلاه
بعد صلاه الجمعة تقدم الجد مساعد للجد هزاع ونطق : تجي لبيتي يا هزاع ، ولا بتنصدم مني اكثر وتوجه للخارج ...
———
قصر مساعد
بعد اجتماع الكل من حفيدات هزاع وعياله بانه اليوم الغداء عند الجد مساعد وحتى الأحفاد هزاع جو لقصر الجد مساعد إلا الجد هزاع ما حضر عند قسم الرجال الكل مجتمع بعد الغداء
نطق الجد مساعد : يا رجال فيه سالفه صارت قبل سنين والان نبلغكم فيها انه يا احفاد هزاع هذا عمكم سعود بن هزاع ال مهنا ويا عيال هزاع هذا اخوكم بعد فهد وأنتم يااحفادي يصير زوج عمتكم وأنتم يا عيالي زوج اختكم مها
والكل في حاله صدمه من كلام الجد مساعد والكل يسأل كيف ومتى وعلمهم كلشي الجد مساعد والكل تقبل الوضع ورحبو باخوهم وبدا كل واحد من اخوان سعود يعرف ع عياله ...
__
قسم النساء
كلم الجد مساعد غرام انه جاب مها وإنها تعرفهم عليهم وبلغها اذ مزنه قالت شي تعلمه وبعد الغداء جت مها وريما وجو البنات يسلمون ع ريما ويرحبون فيها
نطقت غرام : ياعمه ويابنات اسمعوني قبل لا أبدا اذ عارضتي شي ياعمه يقول عمي لي تصرف ثاني معها
ماعلينا البنات يعرفونها اغلبهم حفيدات الجد مساعد تصير مها عمتكم هي مها مساعد ال سياف وريما بنت عمتكم وأنتم يا حفيدات هزاع تصير مها زوجه عمكم سعود وريما بنت عمكم
الكل بصدمه نفس الرجال محد صدق وقالت غرام السالفه ومعها نوره كلشي والكل بدأ يسلم عليها وارتاحت مها وراحت لامها ردتها وهي معصبه وتوجهت لغرفتها اللي محد يعرفها مزنه وكسرت خاطر بنتها قدام عيال اخوانها واقاربهم ...
في المستشفى
كان عنده موعد عند دكتور القلب لانه برمضان مسوي قصدره ولا احد يدري والحين يكشف عليها عند دكتور بس يوم شافه الدكتور أنصدم من حاله وشاف حالته متدهوره واغمى عليه وبعدها بوقت صحى إلا كل شي سليم
وصرخ ع الدكتور : أنا وش جايبني هنا م فيني شيييي تحول لكائن ثانييييي
والدكتور يحاول يهديه قد ما يقدر : ياعم هد كلشي سليم الحمدلله يوم جيتنا أغمى عليك
ونطق الجد هزاع : يبوني لازم ارجع لاززززم
وغمز الدكتور للمرض يحط له ابوه منوم وقال الدكتور : مين يبيك
وهو خلاص بدأ المفعول ع الجد هزاع : هي تبيني اموت ولدي س... وغفى
الدكتور خاف من كلامه بس قال يمكن حلمان
وش رأيكم في البارت ؟
