اسكريبتات

{وحياة امك}!

-هو انت بجد كنت خايف عليا
=اه والله لما عرفت انك هتتاخري قولت اجي اوصلك
-قول وحياة امك كده
=في ايه يابنتي ده طبيعي ، ها حلوه الفراولة
-امم امم اه حلوة
=في ايه مالك بتبُصيلي كده ليه
-اصل ده حلو اووي
=هو اي ده
-قميصك وشعرك وجزمتك والساعة الساعة حلوة
=لا متبالغيش مفيش احلى من الساعة اللي بقضيها معاكي
-قول وحياة امك كده
=في ايه وحياة امي ، يابنتي انا لما بحب حد بعوز افضل معاه طول الوقت
-يعني انت بتحبني؟
=قد ما انتي بتحبي الفراولة
-بس انا مش بحب الفراولة انا بحب القصب بس طلبت فراولة زيك عشان ابان اننا بنا حاجه مشتركة
=طب ليه كده ما كنا طلبنا قصب
-ده عشان يبقى بنا حاجه مشتركة
=لا كنا طلبنا اللي بتحبيه وخلينا الحاجات المشتركة اللي بنا دولاب تسريحة مطبخ عيال كده يعني
-يعني ايه
=يعني  بقول كفاية استعباط واستهبال بقى ونتجوز ولا ايه رايك
-ايه بجد قول وحياة امك كده!

(منقول)