اسكريبتات ..

{الامان}

= هو إنت إزاي كدا؟!
_ إزاي اللي هو إيه!!
= أنا كُنت خلاص فَقدت الأمل إنّ في أشخاص بالجمال دا
إبتسم _ أعتبر دي مُعاكسة .
بصيت له بحُب= مُعاكسة، حُب، أي حاجة، بس المهم تبقي عارف إنك جميل.
_يا سيدي يا سيدي، إحنا مكتبناش الكتاب من بدري ليه !!
ضحكت عليه= مُش كدا برضو؟!

__________________________

= ياسين.
_ عيونه .
= أنا عملت مُصيبة.
_ إيه المشكلة، أمال أنا موجود ليه؟!
= بجد يا ياسين، بس هي كبيرة شوية.
_ حتي ولو إيه، متخافيش.
" رَد فعله عجبني، وبصراحة بقي it's My favourite tiyp,
وبالرغم من إن مفيش مشكلة ولا حاجة، بس حبيت أشوف رد فعله، وحقيقي أنا گ بهير إنبهرت، حبيب عيوني ياسين دا "

_________________________

_ فرح إنتي بتهزري إزاي لسة مخلصتيش؟!
= إنت بتزعقلي يا ياسين.
_ يا فرح الفوتوغرافر هيسيبنا ويمشي.
= وأنا أعمل إيه، الميكاب أرتست إتأخرت على ما خلصت.
_ طيب يا فرح.
= كمان طيب يا فرح، متكلمنيش تاني يا ياسين.
_ عايزة تخاصميني يوم فرحنا.
= وإنت بتزعقلي يوم فرحنا يا ياسين عجبك كدا، دا أنت معملتهاش فى الآيام العادية.
_ حقك عليا يا حبيبي، إنتِ عارفة مقدرش أزعلك.
= وعملتها يا ياسين، إقفل بقي.
" وقفلت أنا من عندي، وعارفة إن أنا اللي زودتها، هو بصراحة عنده حق، إتأخرت جداً عليه والسيشن معاده هيفوت..
بس دا يمنع من شوية نكد يعني، لأ طبعاً.. I'm just a woman
دا كدا كدا نكد.."

___________________________

جنب بعض في الكوشة ..
_ بتقفلي في وشي يا فرح، دا أحنا ليلتنا فرح النهاردة .
= ممكن متنكدش علينا يوم الفرح وتسيبني أفرح الكام ساعة الباقيين، قبل ما أدخل القفص.
_ أنكد!! وأنا !! وقفص !!
فين فرح، أنا عايز فرح مراتي، بدلتوها ولا إيه وإنتوا جايين!!.
ضحكت عليه.. خلصنا ليلتنا، وروحنا بيتنا، ودخلت القفص يا ولاد خلاص بقي، راحت آيام المرقعة والوقت الفاضي بالهبل، ودخلنا للجد برجلينا..
والله الله على الجَد، والجَد الله الله عليه .."

_____________________________

= ياسين هات الكوتشينة وإنت جاي .
_ متجوز بنت أختي أنا، شارية كوتشينة فى الجهاز !!
= أومااااااااااااال .
تعال بقي نلعب، هنلعب الشايب والخسران التاني هيحكم عليه .
_ وأنا موافق يالا بينا.
" بدأنا نلعب واللعب بيحلو، شوية ياسين هيكسب وشوية أنا اللي باين هكسب، وفضلنا كدا لحد ماااااا....
= أووه، أوووووه يا ياسين،
وبدأت أغني: والله وعملوها الرجّالة ورفعوا راس مصر بلدنا.
_ أنتي محسساني كسيبتي الدوري الأفريقي، دا دور كوتشينة!!
= وإنت مستهوّن بدور الكوتشينة اللي هيخيليني أحكم عليك يا ياسو يا قمر أنت.
_ والله؟! إتفضلي يا أُخت فرح.
= إممم، سيبني أفكر شوية.
_ تفكري، إمم ومالوا.
= مش عشان ألاقي حُكم يليق بجلالتك .
_ أيوا طبعاً أتفضلي أبهريني .
= لاقيتها، وخُد بالك أنا بضحي
تفسحني بكرة فى وسط البلد، سينما، بعد كدا آيس كريم حلواني العبد، نطلع على كورنيش النيل، ناكل ترمس، وتشهيصنا كدا.
_ أومال لو مبتضحيش بقي!!
= ياسو حبيبي،
بصيت له ببراءه= يااسييين عشان خاطري .

" ومش محتاجة أقولكم إني إنتصرت، وخدني تاني يوم إتفسحنا، وقُضيَّ الحُكم عليه .."