اسكريبتات ..

{هرمونات}

_هو لو مُت هاتتجوز بعدي ولا هاتستنى حور العين!
=امممم اعتقد مش هارتبط بعدك، يبقى هستنى
_اممممم يعني أنا مش مالية عينك!
=لا والله، ها...
_و عايزني أموت!
=ياستي..
_ انت شايفني كركوبة!
=يا حبيبتي..
_ماتقوليش حبيبتي!
= قال بزعيق:الله!
سكتت شوية و بعدين قالت برقة:
_مصطفى
=نعم!
_بحبك أوي
=ابتسم: و أنا كمان جدا
_مصطفي
=برومانسية: عيونه و قلبه...
_بحزن: عايزة أعيط
=يابت هاقل أدبي عليكِ!
_عيطت: الدولار غلي يا مصطفى و مش هانعرف نتجوز
=اتنهد: سيبيها على ربنا و هاتتدبر
سكتت شوية و بعدها قالت تاني:
_مصطفى
=اشجيني!
_فاكر أول يوم شوفتك فيه!
=ابتسم: أحلى يوم و أحلى قدر يا بنت قلبي
_بحاجب مرفوع:كنت بتكلم بنت يومها و منشكح أوي، مين دي يا فلاتي يابو عيون زايغة!
=الصبر من عندك يارب!
_اسمها إيه يا خاين يا غشاش!
=بحدة:اتهدي يابت و إلا انتِ عارفة!
سكتت شوية و بعدها قالت:
_مصطفى أنت مش بتخرجني ليه!
=اومال إحنا بنعمل إيه دلوقتي!
_كملت: و ماجبتليش ليه بوكس هدايا لعيد ميلادي
=مش أنتِ رفضتي و قولتي نحافظ على كل قرش عشان الجواز!
_و ليه بتسبني اعمل اللي أنا عايزاه و مش بتعارضني!
=حسبي الله ونعم الوكيل!
_كملت: أنت ليه دايما متفاهم و مش عصبي كدا و حِمش!
=نعم ياختي!
_ليه مابتزعقليش و لا تقولي عليا الحلال مانتِ خارجة!
=بمهاودة:المرة الجاية عنيا
_انت ليه مش متملك و تقولي اللبس دا مايتلبسش! ليه كيوت كدا!
=حاضر هاكهربك و ابهدلك و اهريكي ضرب و قلة ادب..
بعدها اتنهد:يارب عالم بحالي
_انت بتاخدني على قد عقلي!
=معلش
_شايفني مجنونة!
=بسخرية:فَشر
_أنت مابتخدنيش على محمل الجد ليه!
=منا باخد اهو
_بعصبية: أومال هاتعمل إيه معايا قدام العيال! هاتعلمهم عدم احترامي!
=عيال مين!
_عيالنا! كريم و كارما
=يارب الصبر!
سكتت شوية و بعدها بصتله برومانسية و قالت:
_تعرف أني نفسي عيالنا ياخدو كل حاجة فيك!
=ودا من إيه بقا!
_بحبك أوي يابو كريم
=ابتسم: و ابو كريم بيموت فيكي يا تعباه
_فجأة عيطت: مصطفى أنت هاتسبني!
=لا إله إلا الله!
_لو طلعت مابخلفش هاتتجوز عليا!
=ياصبر أيوب!
_بعصبية:طبعا هاتسمع كلام امك و تتجوز مهي مش بتحبني!
= بعصبية:ياشيخة على ابو الجواز و سنينه! اوعي من وشي!
_اتهرب اتهرب مانت ماصدقت ياخاين
= مشي بعصبية: على ابو الهرمونات ياشيخة!
(منقول)