اسكريبتات ..

{الخير}

-ها يا بنتي وبعدين

=من ساعة ما رجع من السفر هو عمال يقولي مينفعش لبس ضيق ، مفيش ميكب زهقت ياريته مارجع

-لأ اخوكِ دا خنيق اوووي فعلًا يا سما ، بس إزاي أنتِ خرجتي بميكب كدا وبلبسك العادي يعني

=ما أنا بلبس دريس واسع من الدريسات إللي هو جيبهوملي وبكون لابسه لبسي تحتيه وباجي هنا الجامعه أغير في الحمام واحط ميكب وقبل ما امشي بلبس الدريس تاني وامسح الميكب سهله

- يخريبت دماغك كارثه يا بت ، طب بقولك أنا راحه مشوار تيجي معايا

=لأ أنا هقعد شويه في الجامعه وهمشي

- طب براحتك يلا بااي

= بااي

~السلام عليكم ممكن أقعد

نظرت سما إلى الفتاه التي كانت ترتدي الملابس الفضفاضه بتعجب وقالت بلامُبالاه

=اتفضلي

~أنا سمعت كلامك أنتِ وصحبتك بس والله مكنت قصده دا ، اخوكِ بيخاف عليكِ وعايزك أحسن ، مش عايزك من الكاسيات العرايات مش عايزك تدخلي النار هو عايزك تدخلي الجنه ، وقولي الحمدلله إن عندك اخ ذي دا ، في ناس تانيه معندهاش حد يوجهها ،ويعرفها الصح من الغلط ويخاف عليها و.......

قاطعتها سما بغضب وقالت

=وأنتِ مالك أنتِ ، ما تخلي نصايحك لنفسك مش تتصنتي عليا وجايه تقوليلي إنك أحسن مني

~لأ والله أنا مش قصدي كدا أنتِ ذي اختي وكنت بنصحك

= لأ خلي نصايحك دي لإخواتك وعيلتك وملكيش دعوة بيا

حزنت الفتاه وكادت أن تبكي ثم ذهبت مسرعه وجلست سما بعضب وضيق من نفسها
تسأل نفسها لماذا ثارت عليها هكذا ؟! لأنها تشعر أن الفتاة على صواب وأن ما تفعله خطأ كبير ؟!!

ذهبت الفتاة التي تدعى أميرة إلى بيتها الذي ليس به أحد فمثل هذا اليوم تركتها عائلتها وأخذت تتذكر أحداث ذلك اليوم

~ يا بابا استناني أخلص الامتحان وبعد كدا نروح لجدو

: مش هينفع يا حبيبتي جدك تعبان اووي ولازم اكون جمبه ، روحي الامتحان وتعالي على بيت خالك وهو هيوديكي

~ خلاص يا بابا أنا مش هروح الامتحان وهاجي معاك

: مينفعش يا حبيبتي دا أخر امتحان ليكِ وتبقي خلصتي امتحانات الثانويه العامه البُعْبُع

ضحكت وضحك الأب معها
: ولو كدا خلي ماما معاكِ ، هي مش راضيه تسيبك لوحدك اصلًا

~لأ خلاص يا بابا خليها تروح وأنا هروح مع خالوا عشان عمرو أخويا مش هيسكت من غير ماما وجدو عايز يشوفه

عانقها بشدة وقبل رأسها وقال
: ربنا يحفظك يا حبيبتي ويجبر بخاطرك جبر يتعجب له أهل السماء والأرض