🏴LOVE GAME🏴||SUNSUN|| Ss1 (Khmer)

Chapter6

ល្បែងបង្វែរស្នេហ៍

(ប្រុសមិនសុទ្ធទេដឹង?)

ក្រោយជុងហ្គុកនាំខ្លួនចេញទៅបាត់ ស៊ូនូក៏ប្រញាប់លើកទូរសព្ទ័ចុចបើកវីដេអូនិយាយទល់មុខជាមួយនឹងលោកប៉ាយ៉ាងប្រថុយប្រថាន តែអ្វីគ្រប់យ៉ាងវាមិនអាក្រក់ដូចជាគេបានគិតនោះទេ លោកប៉ាគេកំពុងតែសម្រាកនៅលើគ្រែបន្ទប់មានផាសុកភាព អ្វីដែលធ្វើឲ្យស៊ូនូរលីងរលោងនឹងស្រក់ទឹកភ្នែកដកឃ្លាមិនបាននោះគឺមានគ្រូពេទ្យម្នាក់កំពុងតែអង្គុយបញ្ចុកអាហារឲ្យលោកប៉ាគេ។
"ប៉ាពិសារបាយជាមួយអ្វីហ្នឹង?"
(គឺថ្ងៃនេះគ្រូពេទ្យប្រាប់ប៉ាឲ្យកម្ម៉ង់ ប៉ាមិនដឹងក៏ប្រាប់ថាចង់ហូបបាយសម្លក្ដាម ហើយកូនមើលចុះបានមកពិតមែន នេះកូនចំណាយថ្លៃពេទ្យថ្មីនេះមួយខែប៉ុន្មានទៅ? កុំថ្លៃពេកអីកូន ប៉ាសម្រាកនៅមន្ទីរពេទ្យមុនក៏បានណា ព្រោះថាបន្ទប់នេះ ពេទ្យនេះមើលទៅថ្លៃណាស់)
លោកអាស្ទឺឡារវល់តែខ្វល់ខ្វាយរឿងលុយកាក់ពេទ្យដែលកូនចំណាយ តែស៊ូនូឯណោះក៏សប្បាយ សប្បាយដល់ស្រក់ទឹកភ្នែក ព្រោះតែអ្វីដែលលោកម្ចាស់ថ្មីគេបានរៀបចំជូនប៉ាស៊ូនូ ទាំងនេះវាជាផ្នែកមួយនៃអនាគតដែលកាយតូចចង់បាន គេចង់ឲ្យប៉ារស់នៅសុខសាន្តនឹងទទួលការមើលថែព្យាបាលម៉ត់ចត់បែបនេះ។
"រឿងលុយកាក់ទាំងអស់នោះប៉ាកុំបារម្ភអី កូនមានលុយច្រើនគួរសមឲ្យអាចពួកយើងរស់នៅសុខហើយណា៎" ស៊ូនូបញ្ឈប់ការនិយាយបន្តិចរួចដកឃ្លាក្រលៀសភ្នែកមើលទៅអ្នកដែលមើលគេពីមាត់ទ្វារមក ស្នាមញញឹមពួកគេក៏បាញ់រកមើលគ្នាមួយភ្លែត មុននឹងកាយតូចឯណោះបែរនិយាយជាមួយលោកប៉ាដែលនៅពេទ្យវិញ។
"ញញឹមយូរបែបហ្នឹងតិចស្ងួតជើងធ្មេញអស់ទាន៎" នៅពីក្រោយខ្នងបុរសជោគជ័យម្នាក់ក៏តែងតែមានកូនចៅម្នាក់ដែលពូកែចាក់ចុចនឹងនិយាយឥតប្រយោជន៍ដូចជាវេកាស ដៃស្ដាំស៊ុងហ៊ូនម្នាក់នេះឯង គេមកញ៉ោះចៅហ្វាយមិនលោះថ្ងៃ មិនដែលគិតភ័យខ្លាចចៅហ្វាយសំពងទាល់តែសោះ។
"ហើយឯងមិនគិតទៅដេកនៅអីទេហ្អេស៎? ម៉ោង12-1យប់ឥលូវហើយ" ស៊ុងហ៊ូនក៏ចាក់បណ្ដោយទាំងមុខក្រម៉ូវដាក់កូនចៅវិញ វេកាសខាំធ្មេញចងសើចបន្តិចតែក៏នៅរក្សាទឹកមុខមាំដដែល ព្រោះគេមិនចង់ឲ្យចៅហ្វាយដឹងថាគេកំពុងតែលេងសើចទេ។
"ចុះចៅហ្វាយមិនសម្រាន្តទេបានជាមកនៅឈរមើលមុខកូនកំលោះគេបែបនេះ?"
"យីស! អាស្អីគេនេះ ឯងមកចេះដឹងរឿងយើងបានការស្អី? ឆាប់ទៅដេកទៅអាចង្រៃយ៎" ស៊ុងហ៊ូនសម្លុតវេកាសចង់ប៉ើងសក់ នាយសង្ហាយើងក៏ប្រញាប់ដាក់មេប្រូចរត់ទៅផ្ទះអ្នកបម្រើបាត់ ព្រោះមិនអញ្ចឹងអាចបាត់ក្បាលភ្លាមៗព្រោះតែចៅហ្វាយប្រុសនេះជាមិនខាន គេអាចនឹងទន់ភ្លន់ជាមួយស៊ូនូ តែគេមិនទន់ភ្លន់រឺលើកលែងឲ្យនរណាផ្សេងទេ?
ព្រោះតែគេមានឈ្មោះជាខ្លានរកនៅម៉ាកាវឯណោះណា៎..