Love Me Like U Do (Chalk & Heartstrings Series #2)

4th

Chapter 4

Maaga akong nagising dahil sa lakad namin ngayon ni Zette. Ayaw sumama ni Hail dahil mag-m-me time siya. Dami niya raw hahabulin na mga series. Akala ko pa naman output.

Nagpaalam ako kay mama at tuwang-tuwa siya habang ang kapatid ko nakabusangot dahil sa nag bantay sa tindahan. Pero dahil linggo kasama naman niya si mama.

"Ma, una na ako."

"Sige na. Ingat kayo." Dahil sa negosyante ang kapatid ko kinuha niya ang mga inalis ni Zette sa damitan ko at ioonline ukay niya.

Hindi pa naman kasi iyon sira at mapapakinabangan pa. Dapat nga meron ako sa kikitain niya kaso binigyan ako ni mama ng 4k kaya sabi niya kaniya na lahat dahil binigyan ako ng pera ni mama.

Ayaw ko man tangggapin pero ipinilit ni mama. Hindi naman din kasi talaga ako palahingi. At sa ngayon ang gastos ko talaga ay pamasahe. Balak ko rin sana bumili ng secondhand na motor para kahit papano hindi hassle.

"Ma, palagay na lang sa ref iyong mga ginawa kong yelo." Tumango siya bago ako tuluyang umalis.

Dinadamihan ko talaga ang paggawa ng yelo para na rin sa pambayad namin ng tubig at kuryente maging internet namin buwan-buwan. Dahil medyo malapit kami sa palengke ay madami benta namin doon. Hindi na masama.

Sa ukayan kami pupunta dahil mas okay na iyon marami akong mabibili at kasama naman si Zette na maporma.

Nagkita na lang kami ni Zette. Kumain muna kami dahil nagugutom siya sa isang fastfood restaurant. Hindi naman na masama dahil libre niya. Matapos namin magpahinga ay pumunta kami sa kung saan maraming tindahan ng ukay.

Sa pants kami nagsimula. At manghang-mangha ako sa mga nakikita ng mga mata ko. Mga bago pa kasi iyon. Binilhan ako ng mga square pants, slocks, trouser, at cargo pants ni Zette. Hindi iyon ganoon kamahal dahil pumili kami ng mga mura at okay paisuot. Sa damit naman ay bumili siya ng mga polo short, plain loose shirts, at iilang long sleeves at short sleeves. Dahil may unifrom sa school sakto lang iyon kapag may lakad dahil ang badoy ko raw. Luma na ang taste ko pang jejemon pa. Basher na rin siya katulad ng kapatid ko.

Enjoy na enjoy si Zette samantalang ako hindi ko maipaliwanag ang pagod ko. Nakakapagod kaya pero ang energy ni Zette hindi ko kinakaya.

Kanina pa ako uwing-uwi.

"Napagod ka?" tanong niya.

Tumango naman ako. Hindi na ako nagsinungaling dahil halatang-halata na sa mukha ko na pagod na ako. Naupo muna kami sa isang park para makapagpahinga. Medyo gutom na rin kasi ako.

"Diyan ka lang. Bili ako pagkain. Ano gusto?"

"Ikaw na bahala. Wala naman kaso sa akin kahit ano basta pwede makain at hindi ako malalason." Natawa siya sa sagot ko.

Gala naman ako pero gutumin pero tamad.

Matapos noon ay pati si mama sobrang nagpapasalamat kay Zette. Binago raw nito ang style kong bulok. Ewan ko ba sa kaniya.

Masaya siguro si mama dahil si Zette ang unang dinala ko na halatang matino kaagad unang kita mo pa lang sa bahay. Aliw na aliw tuloy si mama sa kaniya.

"Send ko mga todo list ko every chapter sayo mamaya." Nginitian ko si Hail saka tumango. "Para kang aso."

Okay lang na matawag ako sa recitation. Magagawan pa ng palusot pero iyong mga output na kailangan ipasa ay talagang hindi ko maatim. Si Hail ang parating naka-organize ang ginagawa. Sa aming dalawa siya ang tagabigay ng mga kailangan namin ipasa at maging ang due nito ay nakalagay na.

Mas nagwowork ang utak ko kahit hindi ko alam kung meron ako noon kapag pasahan na.

"Nga pala... nakita ko si Zette. Sinundo ng naka-car."