#احببت_من_لايبالي
زين : كاعد بالمكتب اسوي تقرير لمريض ... دك موبايلي ... شفت اتصال من رقم غريب ... خير ... الوو
المديره : الوو انت زين جهاد زوج الطالبه براء غيث
زين : باستغراب اي ... منو حضرتج
المديره : اني المديره ... ياريت تجي للمدرسه هسه
زين : بخوف ... خير خو مابيها شي براء
المديره : من تجي تعرف يله مع السلامه
زين : كمت ... الله يستر ... رحت ركض اخذت اجازه وطلعت ... اسوق بسرعه اريد بس اوصل ... عقلي طار الف حسبه اجت على بالي ... والمديره متقبل تكلي شكو ... وصلت ... نزلت بسرعه كلت الحارس يطي هويتي للمديره حتى ادخل ... وره عشر دقايق دخلت لغرفه المديره ... شفت مجموعه مال مدرسات ووياهن طالبه ... اباوع لبراء واكفه ... ومبنده من البجي ... رحتلها ركض ... شبيج .. ليش تبجين ... متخربطه ياذيج شي براء بس سولفيلي شكو ... متقبل تحجي بس تبجي
مها : بكلبها ... خرب يومج براء هذا وين لكيتي
المديره : تفضل استريح واني افهمك الموضوع
زين : اسمعج
المديره : اليوم اجتي طالبه تشتكي مبيوكات فلوسها وطبعا هاي مو اول طالبه كل مره تجي وحده تشتكي ... المهم رحنه فتشنه الجنط حتى نعرف منو الي ديبوك البنات
زين : باوعلها صفح ... وبعدين
المديره : لكينه الفلوس بجنطه براء
زين : ببرود والمفروض اصدك كلام حضرتج هسه
المديره : اني ما جاي الفق عليها ... هاي كدامك المدرسات شاهدات على هالشي
زين : باستهزاء يعني اذا لكيتي فلوس بجنطتها يعني هي الي بايكتهن افترضي هنه ملاتها لو هاي الطالبه تستخدم نوع يتخلف عن الي نستخدمه احنه زائد ممكن يكون .. احد حطهن بجنطتها .. اعتقد انتي مديره ومخرجه اجيال ... اكيد ماره عليج هيج حركات
المديره : انت ليش متصدك مرتك هي الي بايكه الفلوس
زين : بحده ... اعتقد انتي ما شفتيها بعينج جاي تاخذهن متكدرين تتهميها استنادا على وجود فلوس بجنطتها
براء : ببجي زين والله ما ماخذه شي ... وما اعرف اصلا ... شجاب الفلوس لجنطتي
زين : باوعتلها بنظرات مطمأنه ... ادري بيها مستحيل تمد ايدها وتاخذ ... لان فلوسي مشمورات كبالها بالغرفه مافد يوم لكيت ربع ناقص منهن ... ولو اشوفها بعيني هم ما اصدك
المدرسه : سكتي لج ... هم الها عين وتحجي ... شلون صلافه
زين : بحده ... لتعلين صوتج عليها
المديره : انت واكف بصفها بدال متحاسبها وتادبها ... على العموم اني راح افصلها كعقاب الها حتى متصرف هيج مره ثانيه
