احببت من لا يبالي

part 54

#احببت من لا يبالي

#للكاتبه براء

ديمه : اني ..... ماموافقه طبعا ...كتلك سابقا وارجع اكلك اني واهبه نفسي لزوجي ومستحيل اكدر اتقبل رجال بحياتي غيره

قصي : ديمه اني مااريد اصير زوج كامل الج ... اني اريد روحي تصير ويه روحج اريدج بحياتي ديربالج تفكيرين انو تفكيري بيج يتجاوز الحب ... اني اول مره بحياتي احد شخص حب نظيف .. اني حبيت كلشي بسسبج بحياتي ماتوقعت انو ممكن الكه الانسانه الي ادور عليها بس من شفتج عرفت انو الله دزج الي

ديمه : بهدوء استاذ اني اقدر مشاعرك بس كتلك صعب عليه اتقبلك واني احب زوجي سواء جان عايش او ميت صدكني اني ما اناسبك وعندي ايمان راح تلكه وحده تقدر مشاعرك وتكون احسن مني

قصي : ضغط على ايدها ... يحجي من بين سنونه اني مااريد احسن منج اني اريدج انتي مايهمني تكون من ناسبه او لا اني اريدج سواء جنتي مناسبه الي او لا ... انطي فرصه لنفسج كافيي طلعي من القوقعه الي عايشه بيها عيشي حياتج وفكري لو رجلج عايش وانتي الي ميته ما جان انتظر يعيش تلث سنوات بدون زواج صدكي جان راح يتزوج بيوم من الايام حتى لو ضل حزنان سنين هم لابد انو يجي يوم ويتزوج بي ويكون اسره سعيده وانتييي تنسين

ديمه : صاحت اخ ايدي عوفني ... انت واحد جذاب سامر مستحيل يتزوج عليه اني وياا تزوجنه عن حب دام خمس سنوات عانينه هواي ياله صرنه لبعض سامر مرد نفسه بالشغل والوظيفه بس حتى من يجي يتقدملي اهلي مايرفضو وهسه جايني انت تريدني بعد كل الي سوا الي انسى بكل بساطه واروح اتزوج واعيش حياتي وهو نايم بالكبر .... يااخي اني مااريدك عوفني بحالي

قصي : بعصبيه مو بكيفج غصباً ماعليج توافقين

ديمه : دفعته دوخر ... شنو هو اجبار يااخي مااحبك فك ياخه عني

قصي : قسم بالله ياديمه اذا ماوافقتي عليه اكتل روحي وداعتها لامي وساعتها دمي بركبتج ليوم الدين فتهمتييي

ديمه : هزت راسها انت مخبل قسماً بالله الي جاي تحلف بي ... تريد تموت يطبك مرض موت اني مايهمني شي فتهمت

قصي : دمعت عيونه ... صدكي اني مااستحق كل هالكرهه منج ولا استحق كل هالمعاناة كافيي شوكت ارتاح جنت مكتفي بمرتي وعلى استعداد انو اسوي كلشي بس في سبيل مااقصر بحقها عفت سوالف البنات وكرست حياتي بس الها جنت اشوفها حوريه ونازله من الجنه على الرغم ماجانت وصخه وخبيثه وصاحبه مشاكل ومع هذا جنت احبها ومن تالي طلعت تحب اخويه لا وتهمس باسمه وهي على فراشي ... طلكتها وخلصت ومن هنا بدت معاناه جديده والي هي نسيانها اشهر اني اعاني بس في سبيل اكدر انسى ولو ذره بسيطه منها بكلبها ....ومن بديت شبه انساها ظهرتي انتي بحياتي

ديمه : بهدوء واني شنو علاقتي بهالكلام هذا

قصي : حاب اوضحلج انو مو بس انتي الي عانيتي والي صار وياج لاشيئ بالي عشته اني ... نرجع لموضوعنه ومن ظهرتي انتي بحياتي رجعتيني لنقطه الصفر كمت اقيس تصرفاتج بتصرفاتها ... اكول ليش انتي بيج هيج صفه وهي مابيها ليش انتي ضليتي موافيه لزوجج حتى بعد موته واني كاعد وياها بنفس الغرفه وتخوني ليش شنو النقص الي بيه