طبعا الاغلبيه البارحه سألو الروايه حقيقه لو خيال ... حبايبي الروايه جامعه بين الحقيقه وبين الخيال + احبكمممم
#احببت_من_لايبالي
قبل ساعه ....
براء : خلصت الحفله واجت الزفه طلعنه لكينه السيارات واكفه بباب القاعه ... نزلت بوشيتي ومشيت ويه البنات .... وكفنه يم سياره حسن نباوع للولد شلون يركصون
جميله : ولجن شوفن حسن شلون ذب لحم ههه والله خوش يهز انوب اخلي يركصلي
براء : حطت ايدها على حلكها ضاحكه
شمس : هههه انتي شلون بيج
براء : اباوع الولد كلهم يركصون ماعدى زين واكف على صفحه ... طلع قصي ويه العروس الكل راح صعد بسيارته حتى تطلع الزفه ... ضليت واكفه وين سياره زين ... حسيت بايد لزمت ايدي فزيت درت وجهي شفته زين
ب
زين : ببرود دنكي وامشي كدامي يله
براء : مشيت كدامه وهو ورايه وصلنه لوره القاعه لان صاف سيارته هناك
زين : يله صعدي
براء : صعدت ورفعت البوشيه .... ليش موكف السياره هنا
زين : حرك ... احسن
براء : طلعنه بالزفه ... الولد يونسون يتسابقون منو يلزم الزفه اول شي
زين : شلونها الحفله
براء :حلوه
زين : خو محد ضوجج
براء : لا
زين : خوش
براء : باوعت لحسن يأشر لزين ... زين حسن يحاجيك
زين : نزلي بوشيتج راح افتح الجام
براء : نزلتها
زين : فتحت الجامه ... شتريد
حسن : بصوت عالي تتراهن
زين : ابتسم على شنو
حسن : الي يلزم الزفه اول واحد ويضل لازمها لحد مانوصل للفندق هو الفايز والخاسر ينطي 25 للثاني خوش
زين : حرك السياره ... حضر ال 25 ... داس بريك ماشي بسرعه
حسن : بصياح غشاششششش
زين : ههههه
براء : ضحكت زين خفف السرعه
زين : تردي يفوز عليه مستحيل
براء : اباوعلهم يمشون بسرعه ومحد ينطي مجال للثاني ولؤي وسجاد يتحارشون بيهم تحمست .... زين غلبه غلبه حباب
زين : داس بريك مو يأمر الحلو .... مشيت اسرع .... صحت اكوو ناس راح تخسر فلوس اليوم
حسن : بصوت عالي باحلامك شتكولين بباتي
مريومه : اي اي اثبقهم
حسن : هههه صار ... مشه اسرع
براء : راح يسبقونه
