46
مرحبا حبايبي العسل شلونكم ❤❤
#احببت من لا يبالي
#للكاتبه براء
زين : طلعت من الحمام بدلت وصليت وطلعت ... مريت من غرفه قصي اني من البارحه ماشفته ... فتحت الباب ودخلت ... باوعتله كاعد على الجربايه ... فتح عيونه .... بعصبيه لك انت صدك تحجيييييي
قصي : رفع الكلاص لشفايفه .... زين مالي خلك الحجي رجاءا عوفني وحدي
زين : بحده لك انت غبي ... بدال ما تلجئ لله تكعد تشرب صدك تحجي
قصي : يمعود هي بقت على الشرب هي الدنيا خلصانه
زين : تقدم جار الكلاص من ايده ذابه بالزباله انت راح تضل طول عمرك غبي
قصي : بعصبيه لييييش تصرف بكيفك
زين : بحده لاتضيع نفسك قصي الي جاي تاذي نفسك على مودهم مايستاهلون .... ماكو شخص يستاهل تغضب ربك وتدمر نفسك على موده المفروض الي صار يخليك توب وتلجئ لربك اكثر من قبل مو تكعد تشرب وتسكر عبالك الشرب يفيدك ... اصحه على روحك قصي الشرب مايفيدك لا تعتبرني اخوك وجاي احجي اعتبرني دكتور وجاي يطيك نصيحه قصي المشروب يدمر الرئه يدمر المعده يدمر النفسيه يدمر الجسم كله عوفه
قصي : همس زين اني تعبان اريد شي ينسيني
زين : صدكني الشرب بكلشي مايفيدك ممكن ينسيك ساعه ثنين مو اكثر .... تريد علاج ... صلي اقره قران روح زيارات اكعد اقره كتب اشتغل سوي شي يلهيك صدكني راح ترتاح نفسيتك .... هاي نصيحة مجرب ... عوف الشرب ياقصي ... لو الشرب يفيد جان شفتني اول واحد اشرب بس بكلشي مايفيد
قصي : رفع راسه .... بس سؤال واحد اني شنو عيبي حتى تخوني شنو البيك وماموجود بيه حتى تحبك الك ؟
زين : تنهد انت احسن مني قصي اني لايمكن اكدر اوصل الك انت شخص رائع انسان مثقف وواعي يمشي على مبادئ عمره ماتعداهن ... اما اذا تسأل عن سبب الخيانه ... فمو دائما تكون بسبب المقابل مرات الشخص هو نفسه وصخه ومريضه بحيث مايكدر يسويله شي نظيف لان هو طينته وصخه وقذره ... لا تهتم باجر عكبه الله يعوضك بلي تسواها وتسوه كل النسوان لاتيأس هذا اختبار
قصي : تسوه كل النسوان مره وحده؟
زين : ببرود ... طبعا ماعدى مرتي خط احمر
قصي : ضحك
زين : ابتسم اضحك الدنيا ماتسوه وهسه يله تعال نتغده اني ميت من الجوع وتاخرت من وراك يله تعال
قصي : مااريد زين
زين : تقبل امي تبجي من وراك
قصي : اكيد لا
زين : جاا كوم انزل حتى ماتضوجها
قصي : هز راسه جاي وراك
زين : ضرب متنه عفيه بالسبع هيج اريدك ... عفته ونزلت لكيتهم كاعدين على الميز
