رائيكم و صوتوا رجاءا لانو دا اتعب احبكم هواااي🫶🏻💋
كالقمر انت تضيئ قلبي ❤❤
براء : فتحت عيونها ... شنو
زين : تنهد .... جان عمري 18 سنه جنت باخر سنه بالثانويه وقتي جان كله دراسه وتعب ماانام ومااطلع وقتي عباره عن دراسه بس حتى اكدر اثبت نفسي ... بيوم من الايام اجتي طالبه للمدرستي صدفت الاستاذ خلاها تكعد يمي طبعا هي جانت جدا متفوقه والكل متعجب على ذكاها هواي شباب جانو يحاولون يصادقوها بس ترفض الا اني جنت احسها غريبه اطوار شكلها غريب لبسها اغرب المهم بيوم جان عدنه بحث والاستاذ خلانه سوه لان نفس المستوى تقريبا ... اتفقنه نلتقي ببيتها حتى نكمل البحث ... اخذت كتبي ورحتلها دخلت واستقبلتني وكعدنه ندرس وندردش شويه فسالتها شلون تكدر تقره وتجيب درجات كامله بكل ماده ... بدون متجاوبني كامت طلعت شريط حبوب كالت وره كل ماده تقراها تاخذ حبايه من هالشريط لان ترفع من مستوى الذكاء ومتخلي الواحد ينسى ... ومن شده غبائي صدكتها وطلبت منها اجربه ... كعدنه نقره ومن كملنه اخذت حبايه منها ... حسيت جسمي يرتخي احساس مااكدر اوصفه .. طلعت من عدها ووره يومين سلمنه البحث واخذنه علامات كامله .... كمت باستمرار التقي بيها وطبعا طلبت منها تدبرلي كميه من هالحبوب كلتلي انو مو هي تجيبهن اكو شخص يدبرهن الها ... اطيتها مبلغ جبير وكتلها تكله اريد كميه ... جابتهن الي وره اسبوع كمت اخذ هاي الحبوب باستمرار ومستوايه الدراسي صعد بس مستوايه الصحي تراجع كمت اضعف بدون سبب مااكل نهائيا غير نادرا ... مرت فتره طويله واني هالحبوب صارت جزء من جسمي اذا مااخذ اقل شي اربعه باليوم اتخبل وطبعا لقائاتي بيها ما انقطعت صرنه شبه اصدقاء بيوم جنه كاعدين وكلتلي انو الشخص الي يجيبلها الحبوب لكه نوعيه احسن من الحبوب هاي وبفعاليه اكبر طبعا ما ترددت وكتلها تجيبلي اجرب ... ثاني يوم رحتلها وتفاجات من طلعت ابره وخلت بيها محلول ... استغربت سالتها شنو هذا كالت هي هاي الماده احسن من الحبوب بس تنزرق بالجسم ... هنا طخت عندي انو هاي الي جاي اخذها مو حبوب ترفع مستوى الذكاء وانما مخدرات ... كمت مفزوع واني اكل لايما ( ايما اسم البنيه ) انو هذني مخدرات بس فاجأتني من كالت انو هي تدري هذني مخدرات بس متكدر تعوفهن وكلتلي حتى اني بعد ما تعودت عليهم مستحيل اتركهن ... عفتها وطلعت مانب نفسي على الي سويته ووعدت نفسي بعد مااخذ هالحبوب اول مارجعت ذبيتهن بالزباله بس يوم واحد ماكدرت اتحمل بدونهن رجعت أشربهن والاتعس كمت اتردد لايما طالب منها ابر ومنا بدت معاناتي كمت ازرق مخدرات بجسمي ... اهلي لاحظو تغيري بهاي الفتره عفت الدراسه عفت كلشي صارت حياتي عباره عن ممنوعات كطعت الاكل كطعت علاقتي حتى ويه اهلي .... حتى صلاتي كطعتها بعد ما جنت جدا ملتزم .. كمت حتى دوام ماادوام ... اغلب وقتي اطلع ويه ايما لمكانات قذره ... نوادي ليله حانات بنات شرب مخدرات شكو شي سيئ يخطر على بالج
براء : تباوعله يحجي بانكسار ودموعها يجرن ... كافي زين لتكمل اذا هالموضوع تحسس منه خلص مااريد اسمع
