مرحبا حبايبي العسل شلونكم ❤❤
#احببت من لا يبالي
#للكاتبه براء وليس الي
براء : الكل ضل يباوعلي .... والله ماطبيت لغرفتج انتي ليش تجذبين
نازك : يمه منج ولج مو جنتي جايه لغرفتي حتى تعتذرين مني على اذيتج الي وحتى نبدي صفحه جديده
براء : انييي
نازك : جاا امي ... يله طلعي ذهبي حراميه
زين : بعصبيه احترمي نفسج شنو تطلع الذهب شنو حراميه هي بعازه ذهبج لو محتاجته حتى تاخذه عرفي شلون تحجين ذهبج هذا الخابصه روحج بي نعال جوه رجلها مااخلي
جهاد : شجاك بويه اطينه مجال نفهم السالفه
زين : يامجال هذا يابه .... حضرتها جايه بكل عين صلفه تتهم مرتي لا وتريدني اسكت شنو شايفتني اثول حتى اصدك مرتي ماخذه ذهبها هي الي بالغرفه ماتلبسه تريدها تلبس ذهب هاي
نازك : بجت انت ليش تحاجيني هيج حرام عليك ... جاي اكلكم هي الي اخذته والا وين راح تبخر
لؤي : نازك لوتضلين تحجين منا لباجر محد راح يستوعب كلامج لان براء صارلها اربع تشهر كاعده ويانه بالبيت ولا مره ضاعت عدنه حاجه بوجودها
جهاد : بويه حجيج مايصير عيب تتهمين مرت حماج اكيد يجوز انتي شو وين شايلته وناسيه
نازك : والله مااعرف يايابه كيلو ذهب وين راح ومحد دخل لغرفتي غير براء
زين : بحده واذا دخلت لغرفتج يعني هي ماخذته خوش سالفه هاي على هالحجي انوب اي واحد يدخل غرفتي ويطلع اجي الكه شي ضايع اصيح هو بايكني
براء : بدموع زين والله العظيم مادخلت لغرفتها اصلا من يوم العرس لليوم اني ماشايفه حتى شكلها للغرفه ... وبعدين هي الي اجتني واعتذرت على الي سوته بالعقد اني مو سولفتلك شسوت وبالعلامه انطتني اسوار ومقبلت اخذه وكلتلي هذا مو ذهب ياله قبلت اخذه
زين : مسح دموعها ... جم مره كتلج لاتبجين ... انعل امه وابو الي يفكر يتهمج بشي انتي ما مسويته
نازك : كام يطلع دخان من اذاناتها من العصبيه .... بصياااح لج جذابه مو انتي الي اجيتي تتوسلين حتى انطيج هذا الاسوار تلبسي وترجعي
زين : لجلاجه بسنج خليني معتبرج اختي ومحترمج احسلج فتهمتي
نازك : بجت .... انتو ليش تعاملوني هيج شمسويتلكم اني
سجاد : والله ياخويه اذا تردين تحسبيها بالعقل .... فمن ناحيه الحاله الماديه فزين اغنى واحد بهالبيت وعنده امكانيه يشتري لمرته بدال الكيلو ذهب عشر كيلوات فليش حتى مرته تفكر تاخذ منج شي وهي عدها الاحسن منه
نازك : طلعتوني جذابه لان غريبه ومالي احد لو لان رجلي ماهو
مريم : يمه شبيج انتي شهالحجي علساس نسوان حموينج قريبات حتى تصيرين انتي غريبه
