مرحبا حبايبي شلونكم ♥♥
#احببت_من_لا_يبالي
غيث : والله رايدك بشغله وياريت ماتردني خايب
زين : تفضل اذا اكدر اساعدك ما اقصر
غيث : رايدك بشغله بس متنحجه على الواكف خلي نكعد بمكان واحجي وياك
زين : تفضل ويايه رحنه للكافتريا ... طلبت جاي النه .... اسمعك
غيث : يمكن ماعندك علم بس ابن اخويه حسين قبل حوالي شهر اعتدو عليه مجموعه مال قطاع طرق وكسرو تكسر خطيه ماخلو مكان بجسمه صاحي
زين : ابتسم بداخله .... اي
غيث : مااعرف شلون اكلك والله خجلان احجي
زين : بكلبه ماخجلت من اجيت تحجي على الي دمر سمعت بتك كدام رجلها تستحي تكمل .... ماكو داعي للخجل كمل
غيث : والله الولد صار زين بس خشمه مكسور ويرادله عمليه وماعنده فلوس يسوي عمليه فكلت اجي احاجيك بلكي تقبل تسويله العمليه ببلاش وتكسب بي اجر
زين : رفع حاجبه ... هو اني الي كسرته تريدني اعالجه
غيث : شكلت
زين : ببرود كلت مااكدر اساعده جدولي متروس عمليات روح شوفلك غير دكتور
غيث : يعني ماتكدر تفرغ نفسك ابد شسالفه ياعمي
زين : ماكو داعي نعيد ونصقل بالحجي والحليم تكفيه الاشاره ياابو محمد
غيث : يعني مابيها مجال
زين : لا
غيث : زين عندي شغله ثانيه وياك
زين : ضم اديه تفضل
غيث : والله عمتك جاي تلح عليه هالايام تريد تروح للعمره وانت هالتدري اني على الراتب الشهري ماعندي اخذها فاذا تكدر تدايني مبلغ الروحه وارجعهن الك من يصير عندي
زين : تنهد شكد تحتاج
غيث : فد تلث ملايين
زين : سهله ... انشالله يومين هنه يمك
غيث : جدا اشكرك عرفت ماراح تردني والله خجلان منك بس شسوي انجبرت اجيك لان بس انت عندك وتكدر تسلفني
زين : ماكو داعي للشكر هذا واجبي عمه ناديه عمتي وبمقام امي
غيث : والله انت دره مال الله ماتندمت من طيتك جوهرتي
زين : بكلبه ستوها صارت جوهرتك ... الله يرحم موافقك الزباله وياها
غيث : كام يله من رخصتك تاخرت ... مو تنسه سلملي على الاهل هواي
زين : يوصل ... راح .. بس لو اعرف براء شلون جانت عايشه ويه هالكائنات هاي ... لا وجايني بعين صلفه يريدني اعالج ابن اخو السافل والله لو تصير حياته معلكه بايدي مااعالجه ... دفعت فلوس الجاي ودخلت
