مرحبا حبايبي شلونكم ❤
#احببت_من_لايبالي
نازك : موافقه بس عندي شروط
مريم : اسمعج
نازك : اولا اريد المقدم 20 مليون ويا كيلو ذهب والمؤخر 50 هاي مبدئيا
مريم : باوعتلها هازه راسها مستنكره ... كملي
نازك : ثانيا اريد اكون المسيطره بالبيت يعني رئيي الي يمشي فوك كلشي
مريم : ماعندي مسيطر بالبيت الكل سواسيه والكل اله رائيه واله احترامه تعذريني طلبج مرفوض
نازك : كلبت عيونها ... اريد بدلات العرس كلهن توصيه من بره يعني تركيا لبنان وغيرها
مريم : ادللي
نازك : والعرس يتسوه بافخم واغلى قاعه
مريم : صار
نازك : واخر شي اريد اكبر غرفه بالبيت تصير الي وطبعا لازم من تتفرغ تنملي باثات ملكي فخم
مريم : مااكدر الغرفه الجبيره ماخوذه وساكنين بيها
نازك : عادي طلعيهم مو فد مشكله
مريم : ترديني اروح اكللهم طلعو والله اخوكم يريد يعرس بغرفتكم تره زحمه وعيب شنو قله غرف بالبيت
نازك : ليش منو كاعد بيها حتى هيج ماتكدرين تحاجي
مريم : استغفر الله ....بنتي زين ومرته كاعدين بيها
نازك : حست سجينه ودخلت كلبها .... باوعتلها زين مزوج
مريم : هزت راسها
نازك : بصياح ... ليش ما كتيلي جنتي تريد تضلين ضامه عليه السالفه موووو
مريم : الكل ضل يباوعلهم .... لا اكيد بس وضع وحياة ابني زين ماتخصج احنه العلينه بقصي وبحياتكم و بس
نازك : لاتسوين روحج غبيه وماتعرفين الي صار فتهمتي
مريم : اشكرج وهاي من اخلاقج لو امج تجاوزين وتحجين وياها بهالاسلوب
نازك : اسفه بس انتي نرفزتيني
مريم : تنهدت ... يعني هسه بس هاي طلباتج
نازك : مبدئيا اي
مريم : يمه لاتشلعين كلبي كليلي اي هاهي لو اكو بعد عندج شي
نازك : هاهي موافقه
مريم : خوش جاا ابلغ ابونه حتى يفاتح والدج بالموضوع
نازك : تدنت باست راسها اسفه عذريني والله مو قصدي اتجاوز عليج انتي بمقام امي واني من حركه كلبي حجيت هيج
مريم : طبطبت على ايدها ماصار شي حبيبتي
نازك : يله اني رايحه يم البنات رايده شي
