أنا آسف يا أيوب بس أنت اللي عملت في نفسك كدا مش أختي !
اردف " كارم" عبارته و هو يلملم متعلقاته الشخصية من غرفة بأعلى المنزل، كان يتابع حركته في صمتٍ تام، حتى استفزه بالحديث قائلًا:
- لو عاوز تطلق أختي مافيش مشكلة و لو عاوز تكمل بردو مافيش أي مشكلة المشكلة عدك أنت أصلًا أنت مش عارف أنت عاوز إيه !
رد" أيوب" و قال بغضبٍ مكتوم
- لا أنا عارف كويس أنا عاوز إيه بس اللي أنت مش واخد بالك منه إن أختك عملتني كوبري لامؤاخذة
- كوبري !! إيه الكلمة الكبيرة دي يا أيوب مستحيل أختي تعمل فيك كدا طبعًا !
رد " أيوب" بعصبية و قال:
- و هو لما تتجوزني عشان تخلف قبل العشر سنين ما يروحوا عليها دا اسمه إيه لما تقعد مع الست والدتك و تقول إنها مجرد جوازة و السلام دا اسمه إيه لما ترفض تنزل اللي بطنها دااسمه إيه ؟!
رد " كارم" و قال:
- اسمه اللي اسمه يا أيوب أنت إيه مشكلتك دلوقتي ؟!
- مش عاوز اللي في بطنها يكمل و يشيل اسمي
- و أنا مقدرش اقول لأختى اقتلي ابنك قبل ما يشوف النور لو أنت ترضاها على أختك
رد " أيوب" مقاطعًا بعصبية
- متجبش سيرة أختي على لسانك أنا أختي اشرف من أختك الف مرة
التزم "كارم" الصمت لعدة دقائق قبل أن يرد بحزنٍ دفين:
- كتر خيرك يا أيوب و على فكرة أختي أنا كمان شريفة و مش محتاجة اقول عنها كدا و ادافع كفاية إني واثق فيها.
حمل حقيبة سفره و غادر الغرفة دون أن يرد عليه بكلماتٍ أكثر، اغتاظ "أيوب" من تجاهله له
ود لو يصفعه و يقيده كما كان يفعل بالسابق
أما " كارم" هبط سلالم الدرج بهدوء اتجه حيث شقته ما إن ولج تقابل مع أخته سألته بلهفة
- عملت إيه مع أيوب ؟!
- سيبك من اللي عملته و قولي لي كلمة واحدة بس عاوزة تكملي مع أيوب و لالا؟!
- اكيد مش هسيب ابني يتربى بعيد عن أبوه
- يبقى خليني احطك في اختيار محبتش احطك في من البداية واقولك يا أيوب يا أبنك ؟!
- قصدك إيه ؟!
- زي مافهمتي كدا بالظبط ، حياة ابنك قصاد حياتك مع أبوه
- ابني طبعًا مش هتنازل عن ابني
- يبقى لمي هدومك و تعالي معانا نرجع بيتنا .
- مش هرجع هفضل هنا يمكن قلبه يحن في يوم و يعترف بابنه
- ايوب لو شاف ابنه بيكبر قدام عينه هيعيد التاريخ نفسه و هتبقي أنتِ شادية و هو فيصل يا كارما
ردت من بين دموعها و قالت:
- مستحيل اللي داق الظلم يظلم مستحيل !
- أنا م عاوز اصدمك أكتر من كدا بس أيوب مبقاش أيوب اللي عرفناه أيوب اتحول و بقى فيصل يا كارما و أنا مش هسيبك لحد ما يحصل فيكي زي ما حصل في أمه .
- و أنا مش هسيب ابني مش هسيب ابني فاهم !!
#اقتباس_آخر
أنا بتنازل عن القضية يا ريس، بتنازل عن قضية ضم الحضانة ابني سند أيوب فيصل
وقف "كارم" و قال بصراخ
-لا يا ريس اختي مش هتتنازل اختي تم تهديدها بـ ابنها
- أنا هتنازل يا ريس أنا اتصالحت مع ابو ابني خلاص
بعد مرور عدة دقائق
طلعتي شاطرة و بتسمعي الكلام يا كارم و عشان كنتي قد كلمتك دي أنا كمان هبقى قدها
وهتشوفي ابنك مرتين في السنة مرة في العيد الصغير و التانية في العيد الكبير و متحلميش بأكتر من كدا
أنت بتقول إيه أنت قلت لي إني هعيش معاك و هربي ابني أنا هبقى خدامة عندك بس رجع لي ابني و مش عاوزة منك اي حاجة ولاهطلب منك فلوس انا عاوزة ابني بس مش أكتر
ابتسم لها و قال:
- ابنك دا مش هتحملي تشوفي يا كارما أنتِ طلعتي ماشية في الحرامو أنا سترت عليكي واحد غيري كان عملك قضية زنا بس أنا مش هعمل كدا و كفاية إني هاخد ابني منك يتربى بعيد عنك و عن نجا ستك
سند تعال يا سند
قبض على ذراعها بعنف و قال:
- مبقاش اسمه سند اسمه فيصل و هخلي يطلع يكره أمه لأنها زا نية فيصل هيبقى عاق لأم زيك و دا أفضل كنير من إنه يكون بار مع واحدة متستحقش يكون عندها عيل زي فيصل
مش هسيب ابني مش هسيب سند ولو حكمت اقتلك ياأيوب هعملها و مش هسيبك تبعد ابني عني مش هخليك تعيد التاريخ أنا أشرف منك و من أمك مش كل الستات شادية و لا كل الاطفال زي سند ابني مش هيعيش اللي أنت عيشته
دفعها بعيدًا عنه و اغلق باب الشقة بعدما حمل ولده و دخل به الشقة، جلس على الأريكة و قال:
-فيصل دا اسمك لو عاوز تعيش معايا في أمان تسمع الكلام وتقول حاضر و بس إمك مش هتشوف تاني غير لو سمعت الكلام اسمك إيه ؟!
نظر الصغير لأبيه ثم بهدوء
- فيصل أيوب فيصل
رد " ايوب" بتساؤل و قال:
- اومال مين اللي بتنادي برا دي و بتقول يا سند ؟!
بلع لعابه و قال:
- واحدة معرفهاش
بقول كفاية عليكم كدا و نبدأ نتفاعل بقى عشاناكتب لكم الفصل الجديد يلا مين متابع الرواية و مين لسه، عارفة اني اتأخرت عليكم جامد اوي بس اللي متابعني على الفيس هيعرف اني كنت تعبانة. الحمد لله بقيت احسن نرجع بقى للرواية و احداث المشوقة الي هتعجبكم اكيد مواعيدنا هتبقى بعد امتحانات الثانوية العامة عشان التفاعل حاليا واقع خالص. و عشان ميبقاش ليكم حجة
اسيبكم بقى عشان رغيت كتير 😂😂
اه الروايةهتنزل حصري ع البيدج بتاعتي و هي قصص وروايات هدى زايد و بعدالفصل ماينزل هناك بعدها بيومينهاينزل ها عشان التفاعل بس يترفع هاك لأن الريتش واقع جدًا 🙆🙆🙆
اشوفكم على خير يارب ❤❤
