وقف الجد عن مقعده قابضًا على رسغ فيصل برفق ثم صعدا سلالم الدرج حيث غرفة حفيدته و هو يقول :
- تعال بقى شوف الشغلانة اللي جايبهالك على ما الحجة و حياة يخلصوا الغدا
رد فيصل بنبرة مرحة و قال:
- أنت جايبني لمصلحتك مش مصلحتي
وقف الجد يشير بعكازه تجاه السور الخشبي و قال:
- السور دا كله كان هيقع بحياة
رد فيصل بجدية و قال:
- إمتى الكلام دا ؟! أنا أول اعرفه
- حصل من كام يوم بس ربنا سلمها
تابع حديثه و هو يلج الحجرة ثم قال
واخد لي بالك أنت بقى يا فيصل هنلف السور دا كدا بالحديد وهنا هنعمل منشر للغسيل و تظبط الدنيا بقى على كيفك و عرفني مصناعية ايدك هتبقى كام و قول و متتكسفش
فنجان قهوة و تلاتة نظرة شرعية
إيه دول
دول مصناعية ايدي أنت اللي قلت اطلب ومتتكسفش معندكش قهوة نخليهم أربعة نظرة شرعية كل نظرة بربع ساعة على الاقل
وعشان تبقى عارف اسعاري دي مستحيل تلاقيها عند حد برا دور ولو لاقيت حد بيعمل كدا أنا هتنازل عن الشغلانة كلها
هو انا فانوس احلامك أنت جاي تحقق احلامك عندي ولا ايه ؟!
أحلام إيه دا أنت خلتني احلم ولا احلام المراهقين أنت توبتني على كل حاجة عملتها ومعملتهاش احنا لو فضلنا كدا مش هنكمل مع بعض
يبقى احسن و الله و بقولك ايه مش هعمل بلكونات ولا غيره هي كلها سنة وتتجوزك اصلا بلاها مصاريف احسن بقى ها
خد بالك احنا اتفقنا على ست شهور و أنت كل ما تشوفني تمد المدة أنا كمان يومين وهتجوز في الاخرة أنا كدا هستعمل معاك العنـ ـف و امنعك دخول الشارع بتاعنا
رد الجد و قال:
- قال يعني هتمنعني من دخول الجنة اخلص خليك تأكل و عرفني مصنعيتك كام ؟!
حك مؤخرة رأسه و قال بجدية
-أنا هاخد يومين بأمر الله والشغلانة دي تخلص و بالنسبة للمصنايعة فـ أنا مش عاوزها
- يابني دا حقك هتشتغل ببلاش ؟!
- و أنت زعلان ليه ياعم حقك ولا خقي انا ؟!
- حقك بس متعملش عليا ناصح عشان اوافق تشوف البت ريح دماغك
رد فيصل وهو يجلس على حافة الفراش وقال:
- اشوفها ايه لا يا جدي أنا مش عاوز اشوقها أنا عاوز اكتب كتابي بعد اسبوع عشر ايام بالكتير ياجدي ! والدخلة تبقى بعدها باسبوع عشر ايام بردو و متقوليش أحلام و الكلام دا انا بتكلم جد انا مش ماشي معايا حوار الخطوبة دا فـ خلينا نقصر على بعض المسافات و نعمل كتب كتاب علي طول
رد الجد بتساؤل :
- طب و أنت جاهز للكتابة دي حاجات محتاجة ترتيبات و ليلة طويلة !
- متقلقش كله هيترتب.
في المساء
وقف فيصل امام منزل والده و قال بهدوء
- يوم الخميس بأمر الله هكتب على حياة
اللي عاوز يجي يجي واللي مش عاوز هو حر
ردت شادية قائلة
- و أنا معزومة ولالا يا فيصل ؟!
ابتسم لها و قال بسخرية
- لو عندك دم متحضريش انما بقى لو ماعندكيش تعالي مافيش مشكلة
استدار ليصعد لشقته استوقفته قائلة:
- والله و كترت مباركاتك يا فيصل هتتجوز و هيجي لك عيل في نفس السنة لا و الاتنبن اسمهم حياة
استدار بجسده كله لها و قال:
- أنتِ بتقولي إيه ؟!
ردت بإبتسامة ساخرة
- أه كسرت لك فرحتك معلش مكنتش عامل حسابك على كدا صح ؟!
الفصل ال9 نزل ع المدونة اكتبوا ع السيرش. اسم الرواية هتظهر ع طول يا بنات
وحاجة بس صغيرة للي بيقول أنا بتأخر فين التأخير دا أنا بكتب وبنشر يوميا أو كل يومين. اللي مش قادر يستنى الفصل ينزل ع الواتباد يدخل جروبي اسمه قصص وروايات هدى زايد دا بينزل عليه كل حاجة تخص الروايات بتاعتي. واخبار ومواعيد الفصول الجديدة كمان الواتباد مش بتأخر ولا حاجة في تنزيلهزمجرد ما فترة الحصري بتاعت الفصل بتخلص اللي هي يومين بنزل بالجديد
عموما اللي مستعجل يروح يكتب في جوجل زي ما قلت وهيقرأ احلى فصل النهاردا
