أدري بيّه الشوك مطفي
وآدري مثل البيّه بيــك
لــ عبد الكريم القصاب|
لــ روايتي:
#خصمُ_الكلامِ_انتِ
#بقلمي_بصره_الربيعية
#البارت_13_
...
رقية_ ميلاد متصلة على ابوچ ومستلم التلفون من ابوچ علي ولاعب جولة ، گايلة لخالو حسين
"اني متأذية وياهم كلهم مو زينين يابه"
وتبچي خالو بس گايللها أنه ما عندي هيچ بنية
وچان علاوي يمه مأخذ التلفون منه
ومنزللها كله حچي فاشوگي على گولته بحيث مهددها إذا يشوفها لو يلمحها هنا يقتلها ، أنه اجيت اهدأ بي
وهو يحچيلي نزل عليه بالصياح
وحچي مو يمي ،زين اني شكو؟!
ريناد وياي!..
ريناد_ مسحت دموعي وگلتلها ، وياچ!
لعد مو تكولين اجت وين اجت
رقية_ اي هذا الي سمعته منه يعني على حسب صياغة حچية ،هو انه لو ما أنتِ تنتظرين جواب علي بخصوص الي حچيتي وياي فـ لا احچيلچ؛
ريناد_ فهمت عليچ
رقية_ يالله عمري أخذي راحتچ خلِ اروح .
ريناد _ باي.
سديته من رقية ورجعت راسي على المخدة
أفكر بيها ، تبقى اختي من دمي ولحمي
وصديقة دربي لهذا عمري منو ما يشتاق لأخته
حتى لو كانت عدوته اكيد هسة ندمت
ولا ليش اتصلت ومنو يكول ما جتي لهنانه صدك!
بس همه تبروا منها مستحيل بعد يستقبلوها
عدهم حتى بعد ميحسبوها بتهم هذا علاوي
حاد سنونه عليها ، على أساس هسة هو معصوم من الغلط ،
امي اكيد ما تدري ومحد يحچيلها والا چانت حچت
وخبصت ابويه ،بس تذكرت عمتي تينة اي هسة عرفت قصد عمتي من كالت ما نخلص من هالطلايب وليش چانت ضايجة حتى على جيتنه للنجف، بس كلت
ما احچيلها لأن حلفت لرقية ،
تحسنت وتعافيت الحمدلله وباچر ارجع لدوامي
وهم بصعوبة درست شغلت بالي ميلاد ،
دز عليه ابويه كال سايقكم عنده فاتحة ما يجي
باجر ، شبي هذا مايعرف يدز احد بديل مكانه
گتله لابوية هذا السايق بعد ما ابقى ويا
هاي طبعاً بليل گال الله كريم،
يعني باچر هم راح ارجع اروح مشي
زين والچلاب هذا زويد سادس ونهاري دوامهم
مو مال أخذه يعوفني بنص الجلاب ويرجع
ما أعرفه ،
گعدت الصبح وامي گالت توصلني للمدرسة ،
شايلة جنطتي وراي أمي داطلع من الباب الرئيسي
وبنفس اللحظة انفتح وصار بوجهي هو
گلت بگلبي اهووو بوجهنن صبحت
صبح علينه بس امي ردت عليه اني سويت نفسي
رديت بس تمتمت ويه نفسي بخفوت ،
گال لأمي ترجع هو ياخذني ، گلت ما يحتاج ورفضت
بس امي أخ يا أمي چانت عوازها بس تكتلني گدامه
بحيث غصبا عليه رحت ،
صعدت ويا وهو ساكت بعد دقيقة كسر صمته
وگال:
_ ايي شلونچ صرتي زينة ؟
_ الحمد لله ،
_ ابوچ دگلي البارحة گال يريد سايق الچ
_ انطعن وجهي هنانه ،لا يابه فدوتك صرت
توكل مهامك اتجاهي إله!
أنت تقرأ
خَصْمُ ألكَلامِ أَنتِ {مستمرة}
Hài hước#شيوخ رضخت هي لعاداتهم واعرافهم غصبا لم تعرف ماذا تفعل احاطها الجميع بالتآمرِ عليها لتستر فعلة اختها، كانت تنظر له بغضب وكذلك حال القابع أمامها ! حتى زمجر هو وقال: إذاً #خصم_الكلام_انتِ #بقلمي_بصره_الربيعية
