#شيوخ
رضخت هي لعاداتهم واعرافهم غصبا
لم تعرف ماذا تفعل احاطها الجميع بالتآمرِ عليها
لتستر فعلة اختها،
كانت تنظر له بغضب وكذلك حال القابع أمامها !
حتى زمجر هو وقال:
إذاً #خصم_الكلام_انتِ
#بقلمي_بصره_الربيعية
_وانه واكفه يم شارع السوك سمعت صوت مو غريب عليه حتى التفتت وصارت عيني عليها انصدمت من منظرها بعد ماكدرت التفت عنها واكفة وحالها حاله العباية المشگكة الملحة والشحاطة التك وتك وشكبرها على رجلها عبالك وحده مجداية وهذا كله وصوتها يدل على وحده بت ش****
هاي اني الي اعرفها وهيچ اكول شحال الي ميعرفها شراح يفكر طبعا يكول مسودنه!!
شفتها دارت وراحت گعدت على الرصيف وصاروا المارين يخلون يمها فلوس تكوم هي تشمرهن عليهم صايرة شرسة!! الله اعلم شصار وياها حتى وصلت لهالمواصيل!!
........
#المقتطف_2..
ساعة بالأربعة الفجر!....اي هيچ تقريباً
لان قبل شوي أذن اذانه
چنت كاعدة على فراشي اخاف اكوم لان ظلمة وزيد نايم يمي هذا الطفل الصغير انه احتمي بي فهالسبب اخلي ينام يمي
اريد اكوم اتوضا حتى اصلي اشو اباوع للباب وخايفة
شوي وانفتح الباب واطفر جوه البطانية حتى النفس كطعته..
احس انفتح الضوه "صوت مفتاح الكهرباء"
سمعت صوتها تهمس باسمائنا اطمنت "امي"
_ها ماما كاعدة ..زين حتى إذا هاي كومي بدلي راح نطلع لـلنجف
:طفرت ..هسة! :اي هسة ...اختج هم كعدت :بس كالت اختج دخلت اختي الچبيرة المتعززة ذات النفس الكريمة وام المصائب المتسترة
چنت قبل شوي طالعتله من يم البنات لان دزلي إشارة ورى البيت بالبستان نلتقي وصدفة الديوان قبل البستان بالنص صاير وخلاني اسمع كل كلامهم من صوتهم العالي وهمه فرحانين ويسولفون براحتهم دون مايفكرون ببنتهم وقرارها ومشاعرها ليش احنا هنااا ليش ما عشنا بغير مكان حتى لو كنا جنوب واجينا لكربلاء
عمامي هذا طبعهم وهاي عقليتهم ماراح تتغير بتغيير مكانهم راح يظلموني وهمه مايدرون ليش بس لانه رادني ولأنه الچبير من بعد جدي الكل وكف وياه وحياه وفرحله لو غيره مثلا هم راح يقبلون بي!!
الي اعرفه شي واحد براسي الي يحب يقاتل للأخير وأني راح اسوي كلشي حتى اعكر صفو مايهم ولا اخليهم يمشون سانيتهم عليه!!...
........ #المقتطف_4..
:ادري انتن وين من غابت من جدام عيونچن چااا هي هيته بنية بحِل الورد تمشي هيج وتغادر
وووين راحت بنيتنا ....احچننن شردددت؟!! ماراضية؟! لو انخطفتتتت؟!!!
ولكم احچووو راح يوكف گلبي
_جدي صلِ على محمد هسة تجي يجوز تاهت بالبستان نتاني شوية
حچه ابو الغضب ببحة طغت على مسمع الكل _مبين اكو شي براسها بس الا ما تطلع وتلغي وين تروح بس ذيج الساعة لو شفتها گبالي الا اخليها تنسى حتى اسمها!!
_لا لا مو هيج هاي بتي واني اعرفها ماعدها هيج سوالف اني ربيتها شنو تشككون بتربيتي !!! لا تحطون حد عليها وانتو بعدكم ماعارفيها وين!
جدي رد: _أنتِ ربيتيها شكل والجامعة ربتها شكل ثاني چاا انه ليش ما ارضا للبنية تكمل دراسة من هيچ
ابوي الي كاعد ومحندب ضهره وأيده على عيونه واخيرا رفعها يستنكر كلام جدي ويكله: چاا بويه فدوة رحتلك انه المن جبتها وخليتها تروح وتجي جدام عيونكم
جدي: چاا احنا هنا يمها بعد ندري بالي تسوي هناك
_اباوع للكل شلون معصبين وواحدهم يلوم بالثاني يروحون ويرجعون على التعليم مايدرون حدودهم وتربيتهم الغلط هي السبب بس مايعترفون بغلطهم ويضنون نفسهم انُ همَّ بس الصح جدي چان لازم گلبه ومنسدح على الكرسي براس الديوان وهذا ابو الغضب عاكر النونة والوجه نمونة يحچي شاطي باطي وشي تأيده وشي تنهي!
ومامعروف الصدك وين الا ان حچه جدي وهو يأشر عليه رحت يمه وصدمني ما توقعت يجي هيج يوم اكره اهلي بسببه
شلون يكلي :نمسح العيبة عن وجهناا لو صرتي أنتِ العروس بمكان اختج!!
انتفض الكل ومنهم ابو الغضب : _شـــــــــــنوووو؟!!!
🦋🦋🦋 #خصم_الكلام_انتِ #بقلمي_بصره_الربيعية #قريبا ضيفوها لمكتبتكم من خلال حسابي 👈🏻 20nana29
تصميم الغلاف من ايد المبدعة Baghdad_noor
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
