°°وندليته حزني منين بس ماوچدت شيريد🌿
[عزيز عسكر]
لــروايتي:
#خصمُ_الكلامِ_انتِ
#بقلمي_بصره_الربيعية
#البارت_4_
#تابعوا_حسابي_لطفا💗👈🏻20nana29
....
ريناد_ حال البؤس واليأس والحزن حالنه مالگينة غير المطبخ نختلي بي نحس نفسنه مذنبين واحنه ابد ما ألنه غرض بس نظراتهم النه عبالك هيچ تحچي!
چنت متچية راسي على كتف مآب والبنات حوليه گاعدات ديحچن واني اسمع بهضم..
ماجدة_جدي گال خلي وحده منچن اسمعها مطلعة حچاية منا الا ما اصلبها بنص المزرعة نفس الشي للزلم مو زلمة الي يطلع حچاية منا يصير حاله حال النسوان
يعني مايريد احد يحچي بسالفتها
مدري شنو بباله
رقية_ انه احس روحي تفشلت وضجت وأنه مو يم الموضوع
رضية_ انه رايحة جوه بغرفة بيبيتي
زينب_ اخذوني وياكم خل نشرد
ريناد_كتلهن جرني وياچن فدوة بعد مالي طاقة اسمع شي
وفعلا رحنه لغرفة بيبيتي "بسعاد "عبرنا من الصالة چان كاعد علي ويحچي باعصاب ويمه مقدام عبرنا بسرعة مدنگيين ، من صوته علي چان يتحلف يموتها لو لگاها
ويسب وفاقد نفسه!
شمرت نفسي على الفراش الي چان بالأرض چانت غرفة عمو علي بعيدة شوي عن الصالة والمطبخ والديوان
يعني مينسمع كلامنه هنا
گعدن البنات يتناقشن بينهن وكالعادة اني بس اباوع بعيوني بس مآب عينها عليه ونادين هماتين گعدت بقربي وحدة تصبر عليه والثانية بس تباوع حقها اخوها هماتين شنو ذنبه ، دخلت هنا دارين وياها ميادين گعدن على جهة يحچن ودارين چانت لازمة كلنكس تمسح خشمها چانت تبچي ، شوي وبدت تحچي بلؤم:
دارين _ شنو من عائلة احنه بيها الي تسوي غلط تحكم على الكل بي ، هسة من وراها لا يقبلون نكمل مدرسة ونصير كلنه بعينهم وكحات كله من ورى اخت هايه
ريناد_وهايه ماالها إسم!!!
دارين _ چا ها چذب مو اختج راح تعم علينا؟!!!
ريناد_ ترى أنه أكثر وحدة راح تتضرر ،
والله لحد هسة ممصدكة ولا مستوعبة حچي جدي ،
ذيج الساعة من حچيتها بضرر چانت بس حچاية وراها شفت الضرر على حقيقته!
حچاية من دارين وحچاية مني دخلت ميادين كدافع لاختها تكامشنا!!
ما نسمع الا حس بيبتي تصيح
لحكوووهن تعاركن الملكوفات فوك ضيمنا
وبيبيتي بعد مشهودتلها شلون تشهر بينه يمهم
وغير دگتها ولطمها
مانحس الا علي فوك راسنا يرعد ويغلط
فقد أخوي وصار يضرب على الباب
خصه لمن سمع صوتي!
طلعن البنات وضل يصيح عليه دنكت احس تفشلت وتأذيت وأنه مو يمي السالفة والله
البچي صار عالي ما حسيت بنفسي الا واني محضونه من قبل أمي
أنت تقرأ
خصم الكلام أنتِ
ChickLit#شيوخ.. رضخت هي لعاداتهم واعرافهم غصبا لم تعرف ماذا تفعل! احاطها الجميع بالتآمرِ عليها لتستر فعلة اختها،اصبحت الضحية ..كانت تنظر له بغضب وكذلك حال القابع أمامها ! حتى زمجر هو وقال: إذاً #خصم_الكلام_انتِ #بقلمي_بصره_الربيعية
