*مرحبا غوالي ♥️
تعرفون چانت هاي البارتات شكد هادئة
حتجي عاصفة تقلب موازينهم
نكدر نطلق عليهن لقب تحت مسمى:
(الهدوء ما قبل العاصفة) 😁
وراح يكون تنزيلي بهاي الأيام ضعيف
لأن جداً مشغولة والله وهاي الأيام ثمينه وغالية
ومهمه بالنسبة إلي واكيد انتم تفهمون عليه
والي يحب اذكره بدعوة خاصة يكتب بللتعليقات
وإن شاء الله كلكم بالذكر ما انساكم
ومن بين كل الي شاغلني،
منسيتكم وجاي انزللكم بارتات.
فدوة بس لا تنسون التصويت ⭐
والتفاعل ويه القصة 🦋
....
سراكي الباب جذابه
اسدها بخوف كل ليله
ولف روحي طفل بردان
كل ضني الامان ابرزه البيبان
لـ سجاد عادل💙
لــروايتي:
#خصمُ_الكلامِ_انتِ
#بقلمي_بصره_الربيعية
#البارت_12_
....
تجاوزت صدمتي بيها لأن سمعتنه ودگلها لا تحچين
لاي احد بس ميادين هنانه حاچتني:
ميادين_ ريناد شوكت تحفين وجهج صاير مينشاف من الشعر عندي خوش صالون دائما اروحله ويه أمي
امشي وياي نروح سويه إله
ريناد_ لا ما اريد هسة عندي دوام
ميادين_ وقبل الدوام شنو چان عندج مو من الخطوبة حفيتي؟!
ريناد_ يمكن اجه محرم لو نسيتي
ميادين_ نضافة هاي شكو بيها
ريناد_ أنتِ ما عندج شي بيها بس بيبيتي تحچي
ميادين_ قبل لتحچين حفي وبعد ماتحفين هم لتحچين
خليها وإذا حچت ما تسكت قابل بعد
باوعتلها بعيون مستفزة وگتلها:
أنتِ عندج عادي واحد يحچي عليچ
بس اني مو عادي ،
شلت الصحن واخذته للمطبخ غسلته
واني دارجعه ما اعرف ليش خطر ببالي
هو گايل إلها يعني شلون يربي افكر هيچ
لا بس ما مبين هو من هذا النوع
الي يشكي لخواته وأمه على مرته،
مررته !! مرته شنو؟!
اخذتي الدور كلش ريناد
نفضت راسي وغمضت عيوني بأسى
شوكت تنتهي هالمحنه الي دخل بيها عقلي وگلبي حرب والمحايد بينهم لساني؛
قريب المغرب واجانه استدعاء من رئيس الجمهورية
(بيبيتي الهنوف) تعالن نسوي عشى قبل الليل
گعدت اني گشرت بتيتة ويانه بيبي بسعاد
گاعدة تلف كبة خطية وهي ما بيها من قبل مريضة
سكر هي وصار بيها گنگري وكصو رجلها لأن صار يصعد عدها أذكر سمعت امي لمن چانت تحچي ،
تكول بيبي الهنوف چانت تعرف بيها مريضة وتخليها تشتغل وتغسل ودائما بالمي حيل ظلمتها هسة لمن كبرت وشافوا المرض شلون اكل طرف من أطرافها الا عتقوها وهي شكد طيبة ومسالمة تگدر تسمع صوت الكل الا صوتها حتى من تحچي بهدوء ومرتبة ورغم على عكازة تمشي بس ساعات ما تگدر لازم تساعد وتحب تجتمع ويانه بس كلام بيبيتي يبز العظم
هذا كبرها هالهنوف وبعده سمها طازه؛
صار الليل وبعد العشى جهزنه الصالة
نضفناها وعطرناها للمجلس وبعد المجلس هم رجعنه نضفنه فـ تعبنة وضربنه الجوع ،
أنت تقرأ
خَصْمُ ألكَلامِ أَنتِ {مستمرة}
Mizah#شيوخ رضخت هي لعاداتهم واعرافهم غصبا لم تعرف ماذا تفعل احاطها الجميع بالتآمرِ عليها لتستر فعلة اختها، كانت تنظر له بغضب وكذلك حال القابع أمامها ! حتى زمجر هو وقال: إذاً #خصم_الكلام_انتِ #بقلمي_بصره_الربيعية
