*مرحبا طبعاً اولا عظم الله اجرنا وأجركم
ثانياً تاخرت هاي اليومين لأن چنت حيل مريضة
واهل الانستا يعرفون ، ثالثاً تلفوني احترك والله 💔
سلمها العزيز 😔 راح اجدي تلفونات
منا لحد ما اشتري تلفون رابعا رحم الله والديكم
صوتوا ⭐ وعلقوا والي معجبته القصة
فدوة يلغيها ويروح والله ممجبورين ولا جابرتكم
ومخلية السيف على رگبتكم الا تقروها
يعني الكلام حيل يأذي حتى الإنتقاد بي آداب 💗
......
اساسك غشني
ليش من اولك تخدع
يخيط العنكبوت بطلعتك تلمع
لـ سجاد رحيم 💙
لـروايتي:
#خصمُ_الكلامِ_انتِ
#بقلمي_بصره_الربيعية
#البارت_14
....
_ ليش هيچ مزخرفة شعرچ؟!!!
_ نظرتله نظرات لا مبالية وگلبت عيوني وگتله ببرود
: عجبني !
بعد وجهه كأنه أبتسم ،يستهزئ لو شنو؟!
رجع التفتلي وگال:
_بس أنه ما عجبني
_ أنت شكو ؟!
چنت احچي باندفاع وبدون تردد أحس داخلي
معصب منه بشكل مقلق بالنسبة إلي
بحيث چنت مقررة احرگ أعصابه واتعارك ويا
علمود شنو ما أدري بس يمكن اريد اخرب صورته المثالية الي الكل تمدح بيها وكل حچاية والثانية وكالو
"بهاء ماكو مثله" ما أعرف بس شعور زاعجني
احسهم يستصغروني گدامه وكأني راح اعيش ملكة
لأن انخطبت إله بعد ما چنت لا شيء هاي حسب تفكيرهم الهمجي !
بعد ما نطقت بهالكلمة احسه انطعن وجهه
بالعادة أعرف من خلال عشرتي ويه أمي وابويه
انُ اي كلمة مثل هاي الكلمة الي گلتها إله تعتبر إهانة بحق الرجل؛
وگف گدامي وگال :
_ شلون أنه شكو ، يعني ابد ما معبرتني أنتِ
_ مو حنفسخ بعد لويش....
قطع كلامي لمن تقدم عليه وصار بوجهي
وبخفة ايد سحب الشباصة من شعري وفتحه
ورفع ايده لزم فكي ورفع وجهي خله عيوني بعيونه
وگال:
_ يجوز انه ما اريد افسخ ليش هيچ واثقة أنتِ!
_ ما ادري ليش استهضمت ورجف فكي
بس حچيت ما سكتت وبعد محسكت عن حقي
دفعته عني وابتعدت وگتله :
عرفت بيك چذاب بعد متكدر تخدعني
_شبيچ مصخنة من جديد شنو هالحچي شنو چذاب؟!
_ اعرف چنت رايد تحتبرني لتريدني ولا تشتهيني ولا غيره مثل مچنت تدعي لأن حضرتك شبعان متحتاجلي
_اكلي ن** واحچي عدل گلنه تچفصين وعبرناها بس مال ادوسين بمصارين بطني لا وعلي اعرفچ ويه منو جاي تحچين
_عفت كل تهديده وسألته ببرود
: چنت دتختبر مدى خبرتي بالموضوع وعجبك الوضع فـاستغليتني؟!! لتنكر واضح من طريقة تهجمك هسة
أنت متعلم ترد هيچ !
_ اگول روحي ب*** ونامي وغطي راسچ زين
الظاهر عقلچ مجمد كلش؛
طلعت بسرعة من عنده بغضب على رده وعلى كلشي واني لا ادري بدموعي الي دتنزل ولا بگلبي الي ديوجعني ولا بحالتي الي صارت مزرية احس بنفسي بلا چارة ؟!
أنت تقرأ
خَصْمُ ألكَلامِ أَنتِ {مستمرة}
Comédie#شيوخ رضخت هي لعاداتهم واعرافهم غصبا لم تعرف ماذا تفعل احاطها الجميع بالتآمرِ عليها لتستر فعلة اختها، كانت تنظر له بغضب وكذلك حال القابع أمامها ! حتى زمجر هو وقال: إذاً #خصم_الكلام_انتِ #بقلمي_بصره_الربيعية
