တိမ်လွှမ်းသောကောင်းကင်
အပိုင်း (၁)"တိမ်တိုက်မြူ! "
မိခင်ရဲ့ခေါ်သံကြောင့် သူမရဲ့ခန္ဓာကိုယ်လေးတုန်ခနဲ။ ပုံမှန် ပူတင်းလို့ချစ်စနိုးခေါ်တတ်ပေမယ့် နာမည်ကို အပြည့်အစုံတက်ခေါ်လာပြီဆိုကတည်းက မေမေစိတ်ဆိုးဒေါသဖြစ်နေပြီဆိုတာအသိအသာ။
နဂိုကတည်းက သေးသွယ်ပိန်လှီနေတဲ့ကိုယ်လုံးလေးက နောက်ကျောဆီမှအကြည့်စူးစူးတို့ကြောင့် ပိုသေးငယ်သွားသလိုခံစားလိုက်ရသည်။ ခုနှစ်နှစ်ဆိုတဲ့အသက်အရွယ်မှာတောင် ထိုအဖြူလုံးလေးကတော့တကယ့်ကိုညက်စိလေး။
"သမီးအခုအဲ့ဒါဘာလုပ်နေတာလဲ?! "
လေသံခပ်မာမာက ဒေါသအမျက်ချောင်းချောင်းထွက်နေပုံမို့ ချောကလတ်ခဲဆုတ်ကိုင်ထားတဲ့လက်သီးစုတ်လေးက တင်းကြပ်ကြပ်။
"မေမေကိုမညာနဲ့! အမှန်အတိုင်းဖြေ! "
အစကတည်းကလိမ်ညာဖို့စိတ်ကူးမရှိပေမယ့် မေမေရဲ့မျက်နှာထားတင်းတင်းကြောင့်သူမနှုတ်က အဖြေမထွက်ရဲ။
မေမေဒေါသထွက်နေတယ်။ သူမကမေမေမကြိုက်တာလုပ်မိထားတာမို့ အရိုက်ခံရတော့မယ်။ ကလေးအတွေးကဒီလောက်သာ။
စိတ်သဘောထားပြည့်ဝပြီးသဘောကောင်းတဲ့မေမေက စည်းကမ်းအရာမှာလည်းတင်းကြပ်တာမို့ သူတားမြစ်ထားတဲ့အရာကိုချိုးဖောက်ရင် သူမရဲ့ခြေသလုံးဖွေးဖွေးလေးတွေကို အချိုးရာထင်အောင်ရိုက်ဆုံးမတတ်သည်။
“မေမေက ညာတာမကြိုက်ဘူးနော်...”
မရိုက်သေးပေမယ့် မကြာခင်ရိုက်ခံထိတော့မည်သိနေတာကြောင့် ဝမ်းနည်းအားငယ်စိတ်နဲ့မျက်ရည်ဘူးသီးလုံးလောက်ကြီးတွေအရင်ကျလာသည်။
"အဲ့ဒါဘာလို့ငိုနေတာလဲတိမ်တိုက်မြူ... သမီးကိုမေမေဘာလုပ်ရသေးလို့လဲ?! "
"အင့် အဟင့်..."
တိမ်တိုကငိုနေသည်ကိုကြည့်ကာ လျှာထုတ်ပြောင်ပြနေသော မေမေ့ဘေးကအကောင်ပေါက်က မျက်မုန်းကျိုးချင်စရာအတိပြီးပေမယ့် အမြင်မကပ်နိုင်ခဲ့။
"မငိုနဲ့! တိတ်စမ်း... အမှားလုပ်ထားတဲ့သူက ကိုယ်လုပ်တဲ့အမှားကိုသတ္တိရှိရှိဝန်ခံရဲရတယ်၊ရင်ဆိုင်ရဲရတယ်။ ငိုနေရုံနဲ့ဘာမှဖြေရှင်းလို့ပြီးသွားမှာမဟုတ်ဘူး..."
YOU ARE READING
တိမ်လွှမ်းသောကောင်းကင်...
Romance"ငါ နင့်ကိုချစ်တယ်အလင်း..." "ငါကတော့ နင့်ကိုမချစ်ဘူး... လက်လည်းမထပ်နိုင်ဘူး... ငါအပျော်တွဲတဲ့ရည်းစားဟောင်းတွေတောင် နင့်ထက်အပုံကြီးသာတာ... နင်လိုငတုံးငအကို ငါက ဘာလို့ဘဝလက်တွဲဖော်အဖြစ်ရွေးချယ်မယ်လို့ ထင်နေတာလဲ? မိဘစကားကိုနားထောင်ပြီး လက်ခံမယ်ထင်ရင် နင...