لقيتك سندي بعد الغالي اللي فقدته❤️❤️

البارت العشرون

ابتسمت وعد و دخلت جلست و نطقت:اااا مابي شيء صراحه بس طفشت و عهد ما ترد و كلهم بجامعاتهم و قلت اجي اسولف معك اذا انت فاضي
ضحك عبدالله و نطق بهمس:ابوس راس عهد يشيخ
وعد كانت مستغربه و نطقت:قلت شيء؟
عبدالله:هاه لالا بس خلصتي قضيه لمار؟
وعد ب تحلطم:لا بسويها اذا رجعت البيت
عبدالله:اشبك طيب كذا متحلطمه
وعد:ماعرف احس كذا تعبت من كثر هاذي القضايا
عبدالله بضحك:هاذي بدايتك ما شفتي حاجه لسى
وعد:يوهه وربي تعبت حتى ما انام زينن ولا اكل و طول وقتي اشتغل حتى اهلي ما صرت اجل معاهم كثير
حاول عبدالله يفتح مواضيع ثانيه عشان ينسيها التعب والقضايا الي متراكمه عليه
_____________
بالجامعه :
انطرد عبدالعزيز مع لؤي ( خل نعرفكم على عبدالعزيز ، عبدالعزيز ذا خوي لؤي من يوم وهم بالروضه وقراب من بعض مره ويعتبرونهم اخوان لانهم مع بعض بكل شي وبكل المصايب سوا مستحيل يتفارقون ويحبون بعض مره واهل عبدالعزيز قريبين من اهل لؤي مره )
لؤي : اخيراً انتهى الكلاس الاول طفشت وانا برا!
عبدالعزيز : والله حتنى تعبت واقف وياخوفي انام بالكلاس وانطرد مره ثانيه
لؤي : لا لا خلاص اليوم علينا ثلاث كلاسات بس وراح كلاس يعني معد باقي علينا الا كلاسين
عبدالعزيز : يييوه يالؤي تحب تسولف اختصر الموضوع وقل ان باقي بس كلاسين وبس
لؤي : الشرهه مو عليك على الي يهرج معك يالنكدي
عبدالعزيز : شف شف خواتك طلعو من الكلاس
لؤي : خل نروح لهم
تقدمو لؤي وخويه للبنات وجت العنود جنب لؤي ، وهمست له : لحقت عالكلاس؟
لؤي : لا انطردت
ضحكت العنود واستغربت من الي واقف جنب لؤي من الجهه الثانيه ويوم ضحكت ضحك معها بخفه ولفت للؤي : منهو ذا؟
لؤي : خويي عزوز
العنود : كلكم مطرودين؟
تقدم عبدالعزيز ونطق هو ولؤي بنفس الوقت : اي
هزت راسها العنود وراحت تدق على سلطان علشان تسولف معه رد عليها سلطان ونطق : هلا بببحبببيبه روحي امريني ياغلاّي؟
العنود ابتسمت وقالت : مايامر عليك عدو يروحي
سلطان: وش بغيتي
العنود : والله ولاشي بس انتهى كلاسي والحين ماعندي شي وقلت ادق اسولف معك
سلطان : طيب اسمعي يروحي باخذك نهايه الدوام لاتروحين مع احد تمام؟
العنود : تمام
جلس سلطان يسولف مع العنود ويضحكون مع بعض ولفت العنود وجهها وانتبهت لعبدالعزيز الي يناظرها من اليوم واستغربت وابعدت عنهم وقالت : سلطان
سلطان : لبيه يروحي
العنود : لبيت حاج ، ياخي في واحد من اخوياء لؤي من اليوم يناظرني ومو راضي يشيل عيونه عني
سلطان : خير يناظرك ويدري انك متزوجه
العنود : ماظنتي انه يدري اني متزوجه
سلطان : بجي العن خيره
العنود : لا لا سلطان لاتجي لاتسوي بالولد شي
عصب سلطان وقال : تدافعين عنه!!!
العنود : لا سلطان مو قصدي
سلطان بعصبيه: لا بقصدك !
العنود : سلطان
سلطان : وشتبغين
العنود : خير سلطان من متى تكلمني انت كذا؟
سلطان بصراخ : العنود قولي الي عندك اخلصي مشغول
جت العنود بكيه وتجمعو الدموع بمحجر عيونها ونطقت : مابغى شي رح لشغلك وقفلت بوجهه
_____________
عند سلطان :
حس سلطان بتأنيب ضمير وان ليه يفصل عليها وهي مالها ذنب مُجرد انها قالت له ان خوي لؤي يناظرها وماحبت انه يجي علشان مايسبب مشاكل وهي مادافعت عن خوي لؤي بس غيره سلطان عليها سببت له اندفاع وخلته يندفع ويفصل عليها وهي مالها ذنب ابدا ورجع يدق عليها مره ومرتين وثلاث واربع وهي ماترد ومتعمده انها ماترد علشان مايدري انها جلست تبكي بسببه ولا كانت تبي تبين ان نقطه ضعفها الصراخ بعد المكالمه العاشره ردت عليه العنود ونطق سلطان : العنود
العنود : نعم؟
سلطان : العنود اسف اعرف اني.....
العنود قاطعت كلامه : لعد تعتذر مابيننا
سلطان : بس جلست اصارخ عليك لاول مره
العنود : مايهمني
سلطان : العنود اعرف انه يهمك وان هالشي يضايقك
العنود : دامك عارف ليه تصارخ؟ قوه؟
سلطان : ماكان قصدي يالعنود والله مو بقصد بس من غيرتي عليك انفعلت ولا مو بقصد
العنود : مو مهم سلطان
سلطان : وعد وعد انها اخر مره وعد ماتنعاد
العنود : طيب وترا بروح مع لؤي لعد تجي
سلطان : ليه ؟
العنود : مابغى اروح معك
سلطان وهو عارف ان كلامها الي قالته كله مو من قلبها وانها تبغاه بس زعلانه عليه وماشال بخاطرها عليه ابدا بس استغرب من دلعها هالفتره سكت ثواني وقال : العنود لاتروحين مع احد بجيك اخذك انا
العنود : يصير خير يلا بقفل محاضرتي بتبدا
سلطان : تمام يروحي يلا انتبهي لنفسك
العنود بضيقه : ان شاء الله
سلطان حس بضيقتها وزعلها منه وتضايق من نفسه ومن حركته الي مالها داعي
_____________
العنود قفلت من سلطان وهي متضايقه مره من سلطان وحركاته ودخلت كلاسها وبنص الكلاس حست بلوعه كبد واستأذنت من الدكتور حقها علشان تطلع ونطق الدكتور: خذي راحتك يالعنود
العنود هزت راسها وطلعت من الكلاس وراحت تاخذ لها اكل واشترت ساندوش دجاج واول ماجاها تقرفت وحست انها بتستفرغ ( الله يعز النعمه ، الله يكرمكم)
تركت الاكل وطلعت من الجامعه تمشي تغير عن نفسيتها وهي تمشي فجأه طرى ببالها ان ممكن تكون حامل! جلست تفكر وتفكر وقررت اذا طلعت من الجامعه تروح تشتري تحليل حمل وتتأكد وخشت الجامعه ترجع الكلاس وطول الوقت تحس بمغص ببطنها...
بعد أنتهاء جميع الكلاسات :
العنود قربت من جوري وخذتها على جنب وقالت: جوري
جوري : وشو
وبحكم ان جوري اقرب وحده للعنود وتقولها كلشي قالت : جوري جتني اعراض حمل و...
قاطعت كلامها جوري بصراخ وضحكت بصدمه وقالت: تمزحيين؟ يعني بتصيرين ام؟ مستحيل بموت وناسه
التفتو عليهم الدكاتره
وتفشلت العنود وقالت لجوري: يامهبوله اصبري اكمل كلامي لاتصارخين فشلتينا
جوري : طيب يلا يلا كملي
العنود : ابي تحليل حمل بس برجع مع سلطان وانا مابي سلطان يعرف علشان مايطلع كلامي غلط ويتحطم
جوري : قولي له انك تبين حبوب صداع من الصيدليه وانزلي جيبي تحليل حمل وحطيه بشنطتك وخذي حبوب صداع بعد
العنود: اييي تمام خلاص بسوي زي ماقلتي
جوري : والله اني ذكيه
العنود : انطمي بس
جوري : امشي عند لؤي وليان ولا يكثر
العنود : بدق على سلطان يجيني واجيكم دقايق
هزت راسها جوري وراحت للؤي وليان ودقت العنود على سلطان ورد سلطان وقالت : سلطان خلصت كلاساتي اذا بتجيني تعال الحين لان بدت تفضى الجامعه
سلطان : طيب يلا جاي
سلطان كان جاي بعد ماجهز السياره وجاب لها ورد توليب زي ماتحب وجاب لها سواره ذهب رضاوه
_____________
وصل سلطان واتصل على العنود ونطق: العنود يلا اطلعي انا برا
العنود : يلا دقيقتين وجايه
سلطان: تمام يلا
العنود قفلت من سلطان وراحت تجيب اغراضها وطلعت تركب مع سلطان وتفاجأت من التجهيزات والاغنيه الي مشغلها سلطان الي عباره عن اغنيه راشد الماجد:
" ولا تزعل ولا تتعب
شعورك ولا تأخذ
على خاطرك مني
ابتأسف الين ارضي
غرورك وبقول اني مقصر
غصب عني "
وابتسمت بخفه ونطق سلطان : مدي يدك
مدت يدها العنود ولبسها سلطان السواره وجلس يراضيها ورضت وبنص سوالفهم نطقت : سلطان وقف عند الصيدليه
سلطان : ليه عسى ماشر؟
العنود : ابي حبوب صداع
سلطان هز راسه ووقف عند صيدليه وجاء بينزل وقالت العنود : لا لا انا بنزل
سلطان : ليه
العنود : لا ابي لي كم غرض اجلس انت
استغرب سلطان ورجع يجلس والعنود نزلت وراحت تشتري تحليل حمل وحبوب صداع وكم غرض وحطت تحليل الحمل بشنطتها وركبت السياره واول مارجعو البيت بدلت ملابسها واخذت تحليل الحمل وخشت دورات المياه ( الله يكرمكم ) بدت تجرب تحليل الحمل وانتظرت الخطوط تبان وطولت شوي واستغرب سلطان ودق الباب ونطق: العنود فيك شي؟
العنود : لا لا بخير
وراحت بسرعه للتحليل يوم شافت الخطوط بدت تبان وطلع خطين وصرخت وخاف عليها سلطان ودق الباب بقوه : العنود العنود شفيك؟
طلعت العنود من دورات المياه ( الله يكرمكم ) وهي حاطه يدها على فمها وعيونها متغارقه دموع وضمها سلطان خايف عليها مستغرب وشفيها ومدت بوجهه تحليل الحمل انصدم من تصرفها واخذ التحليل ويوم شاف انها خطين صرخ ونطق : سألتتك بالله؟؟؟ تمزحين صح؟
العنود ببكي فرحه : والله مامزح والله صدق
ابتسم سلطان وراح يسجد سجود شكر لربي وبنص السجود نزلت دموعه لا ايرادي وقام ضم العنود بقوه ونطق : قبل كملنا ٩ شهور اثنين والحين بنكمل ٩ ثلاااثه ، مستانس مرره
العنود : عسى هالوناسه دايمه
سلطان : متى نعلم الاهل؟
العنود : اذا تأكدنا من المستشفى اول
سلطان : تمام
العنود : دقيقه بدق على وحده
هز راسه سلطان ونطق : خذي راحتك ببدل ملابسي
العنود رفعت حواجبها ب استغراب : تبدلها وين؟
سلطان : وين يعني؟ اكيد هنا
العنود : قدامي؟
سلطان : زوجك
العنود : انقلع بصد عنك وبدل بكلم بالجوال مابكون حولك
سلطان : تمام
دقت العنود على جوري وردت علطول ونطقت : ها بشري وش صار؟
العنود ضحكت وابتسم سلطان من شافها تضحك وكمل يبدل ملابسه ونطقت العنود : تخيلي ياجوري طلع توقعي صح
جوري : سويتي خطه الصيدليه؟
العنود بضحك : اييي سويتها
استغرب سلطان وش سوت ووش درا جوري بحمل العنود وليه تعرف جوري قبله ، انتهى من تبديل ملابسه ومالبس تيشيرت عناد للعنود جلس جنبها وهي تسولف مع جوري وتضحك ولمن انتبهت له تغيرت ملامح وجهها ونطقت لجوري : جوري دقايق بس بسوي شغله وارجع اكلمك
جوري : تمام
العنود : لحد يدري بحملي يويلك ياجوري لو تتكلمين والله لازعل عليك انا بتأكد اول بعدين اقولهم
جوري : معليك سرك ببير
العنود : الله يستر من البير ذا لايكون فيه كل الخلق
ضحكت جوري وسمعت امها تناديها وقالت: خلاص دزي امي تناديني
العنود : يلا بحفظ الرحمن حبيبي
قفلت العنود من جوري والتفتت على سلطان الي جالس قريب منها وعلى جواله ينتظرها تخلص ونطقت : صاحي انت؟ كم مره قلتلك لعد تطلعلي وانت مفصخ بلوزتك
سلطان : حر يا ادميه حر
العنود : شغل المكيف بنام
سلطان : اوهوه بدت الطلبات من الحين
العنود : سلطان بتقوم ولا كيف؟
سلطان : واذا ماقمت؟
العنود : سهله بقوم انا
ضحك سلطان ومد يده يشغل المكيف بحكم انه جنبه وقريب منه وقامت العنود تطفي الانوار معدا لمبه خفيفه بالزاويه
ورجعت تنسدح جنب سلطان ودفته بخفه وقالت : رح البس ابي انسدح عليك
سلطان : حر مابي انسدحي علي كذا عادي
العنود : وصخ! انقلع
ضحك سلطان وقال : تراني زوجك مو عدوك
العنود رفعت حواجبها وقالت : كلزق
ولفت وجهها عالجهه الثانيه وعطت سلطان ظهرها ضحك سلطان من تصرفها وهمس بـ : اوريك مردك بتنامين واجيبك لحضني
نامت العنود بتعب وسلطان كان على جواله لين نامت وتأكد انها نامت وقرب يحط راسها على صدره ومد يده تحتها علشان يسحبها قريب منه ، قربها منه وصار معد بينه وبينها اي مسافه وحاط راسها على صدره ويلعب بشعرها وقرب يبوسها ودخل يده تحت بلوزتها يلمس بطنها بهددوء ويتخيل بنتهم او ولدهم الي بيجي وابتسم ابتسامه وسسسيعه وجلس يفكر ويهوجس لين غفى ويده للحين ببطن العنود ،
قامت العنود وانفجعت بعيوم شافت انها بحضن سلطان وراسها على صدره وهو مو لابس تيشيرته ويده ببطنها هدت نفسها وتذكرت انه بالنهايه زوجها وماسوا شي غلط قامت بهدوء وعطته بوسه بخده ووخرت يده من بطنها وباستها وخرت من السرير وخذت البطانيه تدفيه فيها وكانت قايمه على الساعه ١٢ الليل ، راحت تغسل وجهها وتصلي صلاواتها الي فاتتها وراحت تدق على البنات يجونها لانها طفشانه واعتذرو الكل الا جوري وقالت بتجيها ، قامت العنود تبدل ملابسها وتسوي ميكب بعد مانتهت راحت تسوي شعرها
خلصت من التجهيز ولفت على سلطان الي كان نايم وشافت ملامحه وهو نايم وماتحملته وقربت تبوسه بوستين ورا بعض وطبع الروج بخده ضحكت وهمست : تنومني بحضنك وانا نايمه ، ابوسك بخدك وانت نايم كملت ضحك وطلعت من الغرفه تفتح الباب لجوري
دخلت جوري وابتسمت وقالت : اهلاً بالماما
ضحكت العنود وقالت : بدري بدري ماقد صرت ماما
جوري : اقول امشي ندخل الصاله ولا بتخليني عند الباب؟
العنود بضحك : بجيحه انتي ارجعي بيتك
جوري بطقطقه : ترا بقوم اخوي يفزع لي
العنود : اقول اركدي وفصخي شوزك
فصخت شوزها جوري ( الله يكرمكم ) ودخلت الصاله وجلسو يسولفون مع بعض ويضحكون مع بعض وجلست جوري تفكر ب اسماء للنونو الي ببطن العنود وقالت جوري : تكفين العنود اذا كانت بنت بيكون اسمها لين او بيلسان واذا ولد سند
العنود : شوفي الصدق كنت ناويه اسمي البنت توليب والولد تيّم لاكن دامك طلبتني على خشمي ، اذا بنت لين او بيلسان واذا ولد سند
جوري : عليييه الشحم
_____________
عند سلطان :
قام سلطان من النوم ومالقى العنود جنبه ومشى يدخل دورات المياه ( الله يكرمكم ) وراح يوضي وناظر المرايه وشاف بوسه العنود الي بخده وابتسم وهمس : حتى وانا نايم ماتوفرين البوسات ياعنودي
كمل وضوئه وراح ينشف وجهه ويصلي صلواته الي فاتته وبعد ماخلص راح يبدل ملابسه
طلع من الغرفه وسمع اصوات ضحك وسوالف واستغرب ويوم قرب من الصاله ميز صوت العنود وجوري ودخل عندهم ورفع حواجبه لجوري وقال بطقطقه: شعندك تناشبيني بزوجتي؟
جوري : زوجتك محد ضبطك معها غيري
سلطان : اي صح معليش
ضحكت العنود ولفت تناظر خد سلطان تبي تشوف البوسه باقي موجوده ولا لا وانتبه لها سلطان وغمز وضحك ضحكت العنود معه ونطقت جوري : وش يضحككم ضحكوني معكم
العنود : لا ولا شي
لفت على سلطان وكملت كلامها وقالت: سلطان ترا العنود اختارت اسماء البيبي وانا وافقت
سلطان : الله يستر وش اختارت
جوري : اذا بنت بيلسان او لين واذا ولد سند
سلطان : سند حلو وبرضو لين حلو بس بيلسان ماش
جوري : انطم مالك شغل العنود وافقت
العنود : اي وافقت
سلطان : ولا كأني ابو البيبي؟
العنود : انا الي اتعب على النونو انت شدخلك
سلطان : حتنى اتعب وانا اوديك المستشفى
جوري : سببت مشكله بين زوج وزوجته وبهج الحين
ضحك سلطان وقال : حيوانه ماعليك شرهه
جوري بضحك : خير تراني اختك
العنود: اذا بتتهابدون انقلعو تهابدو ببيتكم لاتتهابدون عندي
دق جوال جوري وقربت جوري من العنود وعطتها بوسه وضمتها وقالت : يلا سلام السواق برا
العنود بادلتها الحضن وعطتها بوستين ورا بعض وابعدت عنها ونطق سلطان : وانا مالي نصيب؟
جوري قربت من سلطان وضمته بقوه ونطقت : رغم انك ماتستاهل لاكن احبك للأسف
ضحك سلطان وعطاها بوسه وقال : انتبهي لنفسك حبيبي
هزت راسها جوري وطلعت من بيت سلطان