لقيتك سندي بعد الغالي اللي فقدته❤️❤️

الجزء العاشر

ناظرها سلطان وقال : معليه عنودي علشان تتعافين
ابتسمت العنود من دلعه لها وقالت : بنام
سلطان : طلبت اكل كلي بعدين نامي
العنود: كم يبغى له؟
سلطان : مدري والله
العنود : سلطان تكفى بنام فيني نوم مو طبيعي اذا جاء قومني واذا ماقمت خلني
سلطان ضحك وقال : خلاص نامي واذا جاء بقومك
العنود: طيب
ومامداها تخش بالنومه الا الاكل جاء وفزت من دون يقومها سلطان ناظرها سلطان وضحك وقال : قلتلك لاتنامين
العنود : مامداني انام اساساً
سلطان : يلا يلا سمي وكلي واذا خلصنا ننام كلنا
العنود : يلا
اكلو وخلصو وقالت العنود : يلا ننام
سلطان : يلا بس قبل ننام بقولك كم حاجه
العنود : وش
سلطان : اولاً اذا احتجتيني تقوميني علطول ثانياً اذا قمتي وانا نايم تقوميني حتى لو انك مو محتاجتني تمام؟
العنود قالت : الله الله هذا كله خوف علي؟ وضحكت
سلطان : انتي اختي كيف ماخاف عليك؟
العنود ابتسمت وقالت خلاص خل ننام
سلطان : طيب
نامو وباليوم الثاني الساعه 10 الصباح سلطان قام قبل العنود وارسل لها انه بيطلع يجيب فطور ويرجع وطلع وركب سيارته وراح يجيب فطور وجاب قهوه للعنود ورجع المستشفى
دخل عند العنود ولقاها للحين نايمه ضحك وراح يقومها
سلطان : العنود العنود قومي
العنود قامت مفجوعه وقالت : نواف وخر عني وخر
ضحك سلطان وعرف انها حلمت بنواف الزفت وقال : بسم الله عليك ماني نواف انا سلطان سلطان
العنود استوعبت وقالت : اسف اسف حلم..... قاطعها سلطان وقال مايحتاج تعتذرين وعادي عارف انك حلمتي فيه وشي طبيعي
العنود : طيب سلطان الساعه كم
سلطان : الساعه 10:30
العنود : اوف شمصحيك الحين
سلطان : قمت اجيب لنا فطور واجيب لك قهوه اعرفك تحبينها
العنود : شكرا سلطان
سلطان : هالكلمه مابي اسمعها منك مره ثانيه كم مره اقولك مابيننا وانك اختي يلا يلا العنود قومي وضي وصلي وتعالي افطري
العنود ابتسمت وهزت راسها بالموافقه اما سلطان جلس يرتب الفطور ويجيب لها طاوله جنب سريرها ويحط فطورها وقهوتها وبعد ماخلص جلس عالكنبه يطقطق بجواله وماكل للحين ينتظر العنود علشان ياكلون سوا
جت العنود وقالت : سلطان اكلت؟
سلطان : لا للحين
العنود : كل وش تنتظر
سلطان : انتظرك ماحبيت اكل قبلك
العنود : اجل يلا ناكل وتعال اجلس عندي بالسرير نسولف طفشانه وجوالي طافي
سلطان تقدم عندها وقال : طيب بس عطيني جوالك اول شي علشان اشحنه عطته العنود وشحنه ورمى جواله عالكنبه وراج جلس عندها وجلسو ياكلون ويسولفون
العنود بنص السوالف : جدو ماقال بيجي اليوم هو وماما؟
سلطان : الا شوي ويجون
العنود : كويس والله وحشوني
سلطان ضحك وقال : مسرع مالك يوم من يوم ماشفتيهم
العنود : انا اذا مرت ساعه ماشفتهم انجلط
فما بالك يوم كامل ماشوفهم
سلطان : يلا معليه بتشوفينهم بعد شوي
اشتغل جوال العنود وقامت بتجيبه وقال سلطان : على وين يبنت تعبانه وين تبين تروحين
العنود : ابي اجيب جوالي
سلطان : اجلسي بجيبه انا
العنود : تمام
قام سلطان يجيب جوالها ولفت انتباهه خلفيه جوالها الي كانت عباره عنه وهو منسدح على العنود وكاتبه منقذي بخط صغير ابتسم ابتسامه عريضه وضحك ضحك ولا قدر يمسك ضحكته اما العنود الي استغربت وشفيه بعدين تذكرت خلفيه جوالها واستحت ونزلت وجهها وقامت تشغل نفسها ب اي شي قدامها ناظرها سلطان وابتسم وقرب منها ومد لها جوالها وهمس بصوت خفيف منقذك ممببسوط لاكن من الخجل ماسمعته العنود وقالت سلطان بنام اذا جاء جدو وماما قومني التفت لها سلطان وهو سرحان وقال : طيب
العنود ماكانت بتنام بس كانت خجلانه وجلست تهوجس وبنص هواجيسها غفت
وسلطان نفس وضعها جلس يهوجس ويفكر فيها وبنص تفكيره وهواجسه غفى وماقامو الا على صوت الجد وهو يقول : عععنننودي بنتتتي بنتي شفيك ياعيون جدها شفيك يابنيتي علميني وش يعورك جعله بنواف الكلب
ناظرته العنود وابتسمت وقامت من مكانها تبي تروح تروح تضمه واول ماوقفت رجع يغمى عليها سلطان الي كان مفهي وفيه نوم فز من مكانه بسرعه وراح لها ومسك يدها يتحسس نبضها ويشوف تنبض ولا لا وراح مسرع للممرضه وجت بسرعه معه وشالوها على السرير وطلعتهم الممرضه من الغرفه كلهم الا سلطان والجد والجوهره جلسو مصدومين وشفيها ولييش صار كذا مرت ساعه وجلست العنود تفتح شوي شوي ويوم فتحت وشافت سلطان وتذكرت الي صار رجعت تغمض عيونها من التوتر والخجل وحست فيه ماسك يدها وشاد عليها وقاعد يناديها ويقول عنود ياروح اخوك انتي تكفين عنود قومي لاتفجعيني فيك ابتسمت بداخلها وجلست تفتح عيونها بهدوء وقال سلطان : قمتتتي قمتتتي؟ عنود قمتي؟
العنود : ايوه وين جدو وين ماما
سلطان : برا خوفتينا عليك
العنود : نادهم لي
سلطان : ابشري
طلع سلطان ينادي الجد والجوهره ودخلو عندهم وركضو للعنود يضمونها وبما ان العنود اغمى عليها مره ثانيه لازم تتنوم وتكون تحت انظارهم وقرر الجد يخلي سلطان معها ويرجعون البيت
بعد مارجعو الجد والجوهره جلسو العنود وسلطان يسولفون وجت الممرضه ومعها المغديه وارتبكت وقرب منها سلطان ولف وجهها عليه وجلس يسولف معها ويشتت انظارها عن الابره واول مادخلت الابره بيدها تجمعت الدموع بعيونها ونزلت لاشعورياً وقرب سلطان يمسحها وقال :اح دموعك حاره شفيك يابوي انتي
العنود : تعووور تعور سلطان تعور
سلطان : بسم الله عليك اخر اوجاعك ان شاء الله وكمل وقال العنود احسني تعبان بروح اشوف وش فيني واجيك اوكي؟
العنود الي كانت تخاف تكون بمكان لوحدها قالت : لا سلطان تكفى لاتروح وتخليني اقعد معي ولا خذني معك سلطان اخاف
سلطان : يا العنود مايصلح المغذيه عليك كيف تجين معي وانا تعبان مره ابي اروح اشوف وشفيني وبجيك مابطول
العنود : سلطان تكفى تكفى اذا لي معزه بقلبك انتظرني لين انام ورح بس لاتخليني هنا صاحيه ولوحدي
سلطان : خلاص ابشري بقعد معك لين تنامين
العنود : اي طيب شسمه وش كنا نتكلم عنه
ذكرها سلطان وجلسو يسولفون لين حست العنود ان النوم جاها ونامت اما سلطان طلع يشوف وشفيه تعبان وفجأه وهو عند الدكتور يشرح له وشفيه وطاح قدامهم وهو ماكان حاس ب احد حوله وركضو الدكاتره يشيلونه ويحطونه بالسرير ويشوفون وشفيه وجلسو يحاولون يقومونه وعجزو يقومونه واختبصو الدكاتره مايدرون وشفيه وحتى من شرحه لتعبه مافهمو ولا عرفو وشفيه لين جاء الي شرح له سلطان وشفيه وعلمهم وعرفو انه تعبان مره ولو تأخر شوي كمان كان دخل بغيبوبه بس برضو كان متأخر وتأخره ذا سبب له اغماء لمده طويله
--------------
وفي الجهه الثانيه
عند العنود الي قامت ومالقت سلطان جنبها زي العاده بعدين تذكرت انه قال بيروح يشوف وشفيه وانتظرته لاكن طولت وهي تنتظره وقررت تروح تدور عليه بما ان صحتها شوي صارت كويسه وراحت تدور عليه ولقته على سرير وحوله اجهزه وانصدمت وعيونها امتلت دموع وطلع دكتور من عند سلطان واول ماشافته راحت تسأل عنه وقال الدكتور : من انتي
العنود : اخته ، دكتور تكفى علمني وشفيه سلطان
الدكتوو : سلطان كان تعبان وحس باعراض مفروض اول مايحس فيها يجي لاكن تأخر وتجاهل هالاعراض
وحالته صعبه حالياً
العنود وهي تحاول تستوعب الي قاله لها الدكتور وجلست تبكي بعدين تذكرت انها هي الي منعته يروح يشوف وش فيه علشانها تخاف وبكت اكثر من قبل وقعدت تلوم نفسها وتقول بنفسها كله بسببي انا ودلعي وخوفي ولا وش كان بيصير لي يعني وانا بالمستشفى وكله ممرضات ودكاتره يالله انا السبب انا السبب وجلست تبكي تبكي حاول الدكتور يهديها بس ماهدت وراحت دقت على جدها وامها وقالت لهم يجيبون واحد من العيال معهم سأل الجد وقال : ليه
قالت العنود : جيبو واحد من العيال واذا جيتو بتفهمون
الجد : طيب يلا
وصلو الجد والجوهره وجابو طلال معهم وراحو للعنود لاكن شافو العنود تبكي و تردد سلطان تعبان و تتمتم بكلمات غريبه و منهاره ركضو ل سلطان و شافو حالته اللي ما كانت تسر احد شافته بيان و اللي كانت اقرب اخواته له شافته و اغمى عليها من شافت الاجهزه حول اخوها قعدو يصارخون و ينادون الممرضات يشوفون لحالتها اخذوها و اعطوها مغذيه و مهدئات الين بدت تصحصح و تذكرت شكل اخوها و انهارت بكي محد كان يقدر يهديها او يواسيها غيره لكنه مو موجود جنبها