لقيتك سندي بعد الغالي اللي فقدته❤️❤️

الجزء الثالث و العشرون و الاخير

العنود ابتسمت ابتسامه مزيفه وقالت: معليك
سلطان : طيب بنام انا تجين تنامين معي؟
العنود : لا بروح لوعد شوي بكلمها بموضوع واجي
سلطان : انتظرك اجل
العنود : لا نام
سلطان : والله مانام الا وانتي معي
العنود : تمام
طلعت العنود من غرفه سلطان متجهه لوعد واول ماوصلت لغرفتها طقت الباب مرتين وفتحت وعد وانصدمت من وجود العنود عند الباب ذا الوقت وشافت وجهها متغير وواضح ان فيه شي وخافت ودخلت العنود الغرفه وقفلت الباب واول ماقفلت الباب وعد ، العنود بدت تبكي لا ايرادياً خافت وعد وقربت تمسك يد العنود وقالت : وشفيه وشصار
العنود مو قادره ترد من كميه دموعها انتظرتها وعد تهدى وقامت تجيب لها منديل ومويه علشان تهدى وبعد ماهدت سالتها وعد للمره الثانيه : وشفيك وشصار
العنود : تخيلي ياوعد
وجلست تقول لوعد كلشي وكلشي شافته وعن موضوع ابوها وموضوع الاراضي والاوراق والوعود وتدوير هشام عليها وكلشي صار
انصدمت وعد من كلشي قالته لها العنود وحست ان القضايا كثرت عليها مررره ، حطت يدها على راسها وقالت : كل ذا صاير وخالتي ماتكلمت ؟ ليه طيب
العنود : هذا الي مستغربه منه ليه ماتكلمت علشان نساعدها او عالاقل نفتح قضيه على هشام المريض هذا
وعد: الله يعين والله موضوع يبي له تفكييير
العنود : شالحل طيب
وعد : ارجعي غرفتك نامي ولا تشيلين هم انا بجلس افكر بحل وبكره نتكلم
العنود : تمام بس لاتشغلين بالك واجد
وعد : لا معليك ولا تقووولين لسلطان شي ابدا ولا توضحين له خلي الموضوع بيننا
العنود : تمام
طلعت العنود من عند وعد وراحت غرفتها ولقت سلطان نايم وكان واضح انه غفى لان جواله للحين شغال وبيده ناظرته ورحمته لان كان فيه نوم وجلست هي ووعد يتناقشون بالموضوع ساعتين متواصله جلست على السرير واول ماجلست فز سلطان وقالت العنود : بسم الله عليك وشفيك
سلطان : هاه مدري كنت انتظرك وغفيت
العنود : تعوذ من ابليس
سلطان: اعوذ بالله من ابليس بس وش هالموضوع الي ساعتين تتكلمين فيه انتي ووعد
العنود بتصريفه : لا بس جلسنا نتكلم عن الموضوع بعدين اخذتنا السوالف وجلسنا نسولف ونسيت منك
سلطان : اها طيب
انسدحت العنود وقرب سلطان يحط راسه على كتف العنود وغفى على طول
ناظرته العنود وابتسمت لانه الوحيد الي قادر ينسيها همها بتصرفاته وكلامه واسلوبه وكل شيء حرفياً جلست العنود تتأمله لين غفت هي كمان
___________________

اليوم الثاني :
كـ العاده تجمعو الجد وأحفاده وبناته يفطرون
الكل كان يفطر ويسولف ويضحك الا وعد والعنود كانو يتكلمون عن الموضوع ومحتارين وش يسوون وبنص كلامهم ومناقشاهم عن الموضوع طب عليهم سلطان وسمع العنود تقول « ياخي هشام مريض مدري وش يبغى فيني » أستغرب سلطان ونطق : من هشام و وش يبغى فيك؟؟
انصدمت العنود وانصدمت معها وعد كيف سمعهم ذا تغيرت ملامح العنود وأستغرب سلطان اكثر وكرر سؤاله بعصبيه : من هشام و وش يبغى فيك يا العنود !
العنود بربكه : سلطان اصبر فهمت الموضوع غلط خل افهمك تكفى لاتحكم اصبر
سلطان : طيب ماحكمت تكلمي وش السالفه علميني!
لفت العنود لوعد بتساؤل اذا تعلمه او لا وهزت راسها وعد بالاستجابه علشان تتكلم
رجعت العنود تلف على سلطان وقالت له بهدوء : تعال اجلس جنبي وافهمك الموضوع من بدايته لنهايته بس لا تعصب
سلطان : طيب
جلس سلطان جنب العنود وجلست تعلمه الموضوع من الألف للياء وبعد كل كلمه تمسك يده وتشد عليها علشان يهدى ولا يعصب علشان الموضوع وعلشان هشام وحركاته ، أنتهت العنود من كلامها وأنفعل وعصب وجلس يسب هشام ويلعنه ومن ناحيه ثانيه مستغرب من الموضوع
سلطان : متى اكتشفتي هالشي؟؟؟
العنود : امس
سلطان : وليه ماقلتي لي من امس
العنود : ماحبيت احد يعرف بالموضوع وقلت بستشير وعد اول بعدين بعلمك
سلطان : يعني يوم رحتي لوعد امس كنتي تكلمينها عن هالموضوع؟
العنود : اي
سلطان : طيب وش الحل الحين
العنود:مدري وعد قالت بتكلم عبدالله و تشوف
جلس سلطان و دمه يفور عصبيه و وده يقوم و يذبح هشام لاكن ماحب يبين ل العنود عشان ما تندم انها قالت له شويات و جت رساله ل وعد من عبدالله اللي قال فيها ( وعد انتبهي ل العنود ترا الموضوع كبير و اكبر مننا حتى و لا تستبعدين ان هشام يراقب العنود من مده طويله وينتظر الفرصه عشان يهجم عليها و تعترف وين مكان الاوراق)
قرت وعد الرساله بصوت عالي و زاد حقد سلطان على هشام اشرت العنود لوعد توقف اللين تصرف سلطان و يشوفون ايش الحل وقفت وعد و لفت العنود على سلطان و نطقت:سلطان في ذمتك ما تسوي شيء اعرف انو هاذا الشيء مو سهل ب النسبه لك لكن اصبر اللين نشوف وش اخرته هشام هاذا 
سلطان : العنود استوعبي هشام ناوي يأذي حبيبتي ناوي يأذي قطعه منني ياالعنووود يبي يأذيك تبيني اسكت؟ تبين اشوفه ناوي يأذيك ويخطط عليك واسكت؟ لا طبعاً مارح اسكت
العنود : طيب علشان خاطري ؟ بنخطط انا ووعد على خطه واذا فادت كويس واذا مافادت سو الي تبي لو تبغى تذ..بحه  والله مامسكك بس تكفى الحين لاتسوي شي علشان محد يعرف
سلطان: اهخ والله انه قاهرني والله قاهرني بس بسكت علشانك وان سوا شي والله مايسلم مني شوفيني قلتلك والله مايسلم
العنود : والله لو ماتنجح خطتنا ان اخليك تسوي فيه الي تبي بس خل نسوي خطتنا
وعد : اي اي
سلطان: تمام