لقيتك سندي بعد الغالي اللي فقدته❤️❤️

الجزء التاسع عشر

بعد لاكن فرحتهم ما دامت كثير لما تلف لمار و تشوف اخت سعود واقفه جنبها وعطتها نظره ولفت على رنا مره ثانيه وقربت منها اخت سعود ونطقت : لمار
لمار لفت عليها وقالت : نعم؟
اخت سعود بخجل من حركه اخوها نزلت راسها وقالت : لمار والله ماكنت اعرف بحركه اخوي والله اني احبك ماكنت ادري
لمار : عادي مايهم
اخت سعود : لمار تكفين لاتاخذين فكره سيئه عني والله انا مو كذا
لمار : قلت عادي مايهم
قربت اخت سعود وضمت لمار وقالت : والله ماكنت ادري اسف لمار
لمار بعدت اخت سعود عن حضنها وجلست تبكي اخت سعود وتقول : انا مالي ذنب والله مالي ذنب ماكنت ادري والله
وحنت عليها لمار ورجعتها بحضنها وجلست تمسح على ظهرها وقالت : عادي حبيبي ذي غلطه اخوك مو غلطتك
ابتسمت اخت سعود وراحت وقربت رنا من عند لمار وقالت : منجدك انتي! ليه تسامحينها
لمار : واضح البنت مالها ذنب بالموضوع وماتدري وحتى لو تدري هذا اخوها جالسين نجرجره بالمحاكم مايهم يعني
رنا : صح صادقه
وكملت كلامها رنا : الا كيف حماسك للزواج؟ فيصل بيموت من الحماس قد وده ان بكره الزواج
ضحكت لمار وقالت : والله حماسي معروف وواضح
لفت عليها رنا وناظرتها وضحكت وقالت : اي والله واضح بوجهك
وكلمت : ياخي حرام تاخذين واحد زي فيصل مايستاهلك انتي حلوه بزياده
ضحكت لمار بعلو صوتها وضحكت رنا معها ولفت عليهم وحده من الاداريات وعصبت مره من ضحكهم وهزئتهم وراحو الفصل يضحكون على وجه الاداريه وعصبيتها
ومرت الحصص حصه ورا حصه لين انتهت الحصه الاخيره وبدا الحارس ينادي وفضت المدرسه من الطالبات ومعدا الا رنا ولمار وفجأه الحارس نادا رنا ولو راحت رنا بتبقى لمار لوحدها وجلست رنا تقنع لمار تمشي معهم ونطقت لمار : روحي شوفي من بيرجعك وعلى حسب الشخص اذا ابوك بمشي معكم اذا اخوانك معليش مابمشي فشله
هزت راسها رنا وطلعت تشوف من بيرجعها وطلع فيصل ونطق فيصل : شدعوه شتسوين طول هالوقت ليه ماتطلعين بدري
رنا : جلست اقنع لمار تمشي معنا مو راضيه ومحد بالمدرسه غيرنا ولو اروح بتقعد لوحدها
فيصل : خلاص اركبي بخلي الحارس يناديها واذا طلعت تركب غصب
رنا : لا دقيقه بحاول فيها يمكن توافق اذا درت انك انت
هز راسه فيصل ورجعت رنا تدخل المدرسه وقالت للمار : فيصل الي بيرجعني امشي
لمار هزت راسها بالنفي وقالت: استحي لا
رنا : بتجلسين لوحدك ترا
لمار : عادي موافقه
رنا : بكيفك
طلعت رنا عند فيصل وقالت : رفضت تقول تستحي منك
فيصل : خلاص اركبي خليها علي
ركبت رنا وجلست تناظر فيصل وراح فيصل عند الحارس وقال له ينادي لمار وناداها الحارس وطلعت لمار ومادرت وش بتقابل طلعت واول ماطلعت مالقت احد ورجعت تبي تدخل وسحبها فيصل من عبايتها وضحك وقال : ماتبين تجين معي اجل ها؟ تستحين ؟
لمار : فيصل فكني من حركاتك خلني ادخل
فيصل : تمشين بنفسك ولا اشيلك؟ اختاري
لمار : ولا وحده
فيصل : متأكده؟
لمار : ايه
فيصل قرب لمار لحضنه وشلها وصرخت لمار وعطته كف خفيف وقرب عطاها بوسه بخدها وقال : ياحلو كفك بس
لمار : فيصل ياوصخ
قرب فيصل من السياره وشاف رنا قدام وقال : لها توكلي ورا
رجعت رنا وجلس لمار قدام جنبه وركب جنبها وقفل الاقفال وحرك ولمار تعطيه نظرات الحقد وقرب يمسك يدها ويحطها على القير وهي تحاول تسحب يدها من يده بس قرب وهمس لها : اهجدي لابوسك قدام رنا بكيفك عاد
هجدت لمار لانها تعرف فيصل بيسويها ولا عليه ف احد ضحك فيصل وقرب يشغل المسجل وحط اغنيه "ياعذبه الصوت نادي الهوى فيني مل السهر حيل .. حيل من صحبته لعيني اسهر واسهر لك نجوم واصحى على طيفك وانوم "
ابتسمت لمار من سمعت الاغنيه لانها قد جتها منه اهداء وكانت تحب هالاغنيه هي وفيصل وسحبت يدها من تحت يده وحطتها فوق يده ولف عليها فيصل وابتسم
كل ذا تحت أنظار رنا الي تناظرهم ومبتسمه وتصورهم وبعد صمت دام ٢٠ دقيقه نطقت رنا : مشاعر الظهريه ذي ماتعجبني
فيصل : اقول يحلوك ساكته
لفت عليها لمار والابتسامه شاقه وجهها وضحكت رنا من شافت وجهها وقالت: فيصل ياحيوان وش مسوي بالبنت وجهها انشق من الابتسامه
ضحك فيصل ووصلو بيت لمار ونزل يفتح لها الباب واول مافتحه مسك يدها يقومها واول ماقامت قربها له وضمها وعطاها بوسه بخدها وهمس ب اذنها : استودعتك الله انتبهي لنفسك لين يوم الزواج
ضحكت لمار وبنفس الهمس : ابشر
مشت لمار للبيت وضل فيصل واقف مكانه لين تطمن وعرف انها دخلت البيت رجع يركب السياره وحرك بيتهم