لقيتك سندي بعد الغالي اللي فقدته❤️❤️

الجزء الثاني و العشرون

غاده:يبنتي قولي حلو ولا
لمار:والله نفس ذوقكك معضل و ضخم و معليك نفس اللي تتمنيه
غاده:اممممم افكر طيب و خلوني استخير
سلطان:يعني انتي
بيان:اي اي هي انا شيلوني من راسكم
بدر:زين اجل بروح اقول ل ابوي
اتجهه بدر ل ابوه و همس له:يبه غاده تقول بتفكر
ابو بدر:زين
راحت غاده تصلي صلاه استخاره و تتخيل شكله انه طويل و معضل و نفس اللي تتمناه صلت و حست انها ارتاحت و ارسلت ل سلطان انها موافقه و قال ل ابوه نطق ابو بدر:اجل جتك غاده و عاد الله يعينك عليها ترا دلوعه مرا و ما ينرفض لها طلب و حساسه عاد انت انتبه
ضحك عبد العزيز و نطق:معليك يعمي انشاء الله ما ازعلها و بنت ب الحفظ و الصون
راح سلطان و بشر امه و غاده و بدت تزغرط و نطقت غاده:عاد هاه انتو تعرفوني دلوعه و حساسه لو قال شيء زعلت
سلطان:واي تراه عصبي عصبي لو قلتي ا زعل و ضربك
غاده خافت و نطقت:اجل مو موافقه
سلطان ضحك و نطق:امزح معك والله جاك افضل رجال و انتي اهتمي برجلك و لا تزعلينه والله بيحطك بعيونه
ارتاحت غاده و رجعت تجلس و الكل بدا يباركلها و فرحانين لها و برضو ل عبدالعزيز

بمجلس الجد :
ابو بدر : متى ودك كتب الكتاب ياعبدالعزيز
عبدالعزيز : الشور والراي لغاده متى مابغت كتب الكتاب فـ تبشر ومالها الا الي يرضيها
بدر : اف اف ياحظك ياغاده
ضحك سلطان وقال : والله بتتدلع من الحين
عبدالعزيز : بنت بدر لازم تتدلع
ابو بدر : ياحظها فيك والله
سلطان : اجل بقوم اخذ راي غاده وبشوف متى تبغى كتب الكتاب
ابو بدر : يلا ننتظرك
سلطان هز راسه وراح لغاده ونطق : غاده
غاده : هلا
سلطان: متى تبين كتب الكتاب
غاده : الراي لعبدالعزيز
سلطان : ياليل عبدالعزيز يقول الراي لك وانتي تقولين الراي له
غاده : اجل بنكلم بعض ونتفق
سلطان هز راسه وقال : افضل والله
راح سلطان لابوه وقال : يبه غاده تقول بتكلم عبدالعزيز ويتفقون سوا
هز راسه ابو بدر وقال: افضل لهم
لف وجهه لعبدالعزيز وكمل كلامه : عاد انت سمعت
عبدالعزيز : اي اي سمعت
الجد : والله ودي نسوي عزيمه بهالمناسبه شرايك يابو بدر
ابو بدر : ماعندي مشكله والله
لف الجد على عبدالعزيز وقال : وانت شرايك؟
عبدالعزيز: رايي من راي ابوي وماعندي مشكله حتنى
ابتسمو كل الي بالمجلس من نطق عبدالعزيز كلمه « ابوي » يعني انه يعتبر ابو بدر ابوه ، ابو بدر : جعلني ماخلا منك ياوليدي
ابتسم عبدالعزيز ونطق : يلا انا راجع البيت
الجد : لا بالله اجلس معنا
عبدالعزيز: والله وعد بكره اجلس معكم بس اليوم مامعي ملابس وعندي دوام
الجد : اجل الله يحفظك وتجهز العزيمه بكره
عبدالعزيز قرب يبوس راس الجد وراح لابو بدر كمان وباس راسه ونطق : على خشمي
الجد : عليه الطيّب
طلع عبدالعزيز من البيت وتوجه لشقته علشان ينام يستعد لليله الطويله الي بتجي ، اما البنات انصدمو من العزيمه المفاجأه وطلبو العيال يودونهم المول يشترون فساتين والاشياء الي ناقصتهم لان الكل بيحظر بدون استثناء
طلعو البنات للمول وكل وحده اشترت لها لون فستان
غاده اشترت فستان بيج ، لمار اشترت فستان ابيض ، العنود اشترت فستان عنابي ، بيان اشترت فستان ازرق غامق ، جوري اشترت فستان احمر ، وعد اشترت فستان بينك ، عهد اشترت فستان اسود ، ليان اشترت فستان بني ...
رجعو البنات من المول وكل وحده مختاره اللون الي يناسبها ولبسوه علشان يورون امهاتهم وشافهم لؤي ونطق بضحك : شدعوه علبه الوان على غفله؟ وكمل ضحك
ناظروه البنات بـ أستحقار ونطقت العنود : انطم انت
لؤي : انطمي انتي
العنود : لا انت
لؤي : لا انتي
جاء سلطان على هواشهم ونطق : اوب اوب شسالفه
لؤي : ذبيت على فستانيهم كل وحده لون كنهم علبه الوان وزعلت العنود وقالت انطم وقلت لها انطمي انتي وتهابدنا
العنود : سلطااان شفه يقولي انطمي انتي
ابتسم سلطان ولف على لؤي وقال : دام زوجتي قالت انطم انت يعني تنطم انت فاهم؟
ضحك لؤي وقال : يايي جنتل مان
ضحكت العنود وقالت : خلاص انقلعو كلكم بروح انام
مشت العنود وصرخ سلطان من وراها وقال : انتظريني بجيييك
ضحك لؤي وصرخ زي سلطان وقلد كلامه وقال : انتتتظريني بجييك ، انتظري الجنتل مان ياعنودي
ضحكت العنود من بعيد وطنشتهم وكملت مشي
دخلت غرفتها وماهي دقايق الا وسلطان داخل الغرفه بعد ونطق: بروح ابدل ملابسي واجيك ننام
هزت راسها العنود وراح سلطان يبدل ملابسه
خلص سلطان من تبديل ملابسه وجلس جنب العنود وشافها تلمس بطنها وتمرر يدها على بطنها بهدوء ونطقت : قربت اولد قدني بالشهر الـ ٨
سلطان : يافرحه قلبي ياعنودي
العنود : احسني فرحانه حيل بس خايفه
سلطان : خايفه من شنو يروحي انا معك
العنود: مدري مدري
سلطان : خلينا ننام علشان لايرهقك التفكير واساساً الموضوع مطول
العنود : تمام ننام افضل علشان العزيمه
سلطان هز راسه ونامو ...