لقيتك سندي بعد الغالي اللي فقدته❤️❤️

الجزء السادس عشر

ابو ليث:ايوا الله انك صادق الا لؤي قوم ناد اختك و شوف ل رائيها قام لؤي و هو طالع شاف لمار الي كانت لابسه فستان اسود وطويل و مفتوح من الصدر و الاكمام شافها لؤي و قعد يناظرها صحى على نفسه ونطق:على وين؟
لمار:شدخلك؟
لؤي:تمام،وين رايحه؟
لمار:اوووفف خلاص بروح عند صحبتي شتبي
لؤي:و تروحين عند صحبتك بذا الفستان كأنك رايحه حفله؟
لمار:شدخلك ياخي الفستان عاجبني و اصلا البنت مسويه حفله و عزمتني ولا حبيت اردها
لؤي كان بيمشي و مسكت لمار معصمه و نطقت:لؤي ي اجمل شخص ب العائله شرايك توديني؟ماعندي احد يوديني
لؤي:وقت المصالح تجيك الكلاب مشتاقه
لمار:قصدك اني انا كلب؟
لؤي : لالا محشومه روحي البسي عبايتك انتظرك
راحت لمار و وصلت بيت صحبتها و كانت بتنزل و مسكها لؤي و نطق:سلامات انا بنزل اول اتأكد المكان مافيه رجال
لمار بضيقه:شقصدك يعني صحباتي بيجيبون رجال يعني ولا ايش؟
لؤي:ما تدرين
لمار انفجرت و نطقت:شدخلك ها شدخلك صحباتي ذول اشرف منك يورع و تجي تشكك فيهم ذول اهلي يثقون فيهم اكثر مني انا بنتهم يلا انقلع
استغرب لؤي من انفجارتها تنهد و نزلها و مشى دخلت عند صحباتها و هي متنرفزه وجلست جنب صحبتها تحش في لؤي ونطقت:وجع وجع الله ياخذه و يشكك بعد يع كريههه
استغربو صحباتها و سألوها:مين بعدين اشبك يبنتي
لمار قالت لهم كلشيء و هي منضغطه
صحباتها:يبوي مالك دخل فيه خليه بستين داهيه شتبين فيه؟
لمار : يقهر يقهر ليه يشك فيني وهو ماعمره شاف مني شي غلط
البنات كلهم جلسو يحشون في لؤي الا رنا ..

ببيت الجد :
لؤي وصل البيت واول ماوصل راح لليان ياخذ رايها وكذا وقالت : بستخير وبشوف و الله يكتب الي فيه الخير
لؤي : تمام ياعين اخوك
ليان ابتسمت وطلعت تعلم امها والبنات وكلهم فرحو لها لفت عليها العنود وقالت : الله الله بنتزوج اخخخخوووان يووونس يونس
ليان : ايي ايي وناسه ماتوقعت الصدق
العنود : يلا عاد استخيري وشوفي وش يناسبك

بعد مده وبعد استخاره ليان
كانو البنات كلهم متجمعين ونطقت ليان : بنات انا استخرت واحسني مرتاحه وابي طلال
الكل صارخ وجلس يبارك لها وقالت العنود : لياني شرررايك
ليان : ياعيون ليان لبيه
العنود : شرايك نزوج بنفس الييوم؟
ليان : الله والله فكررره حللوووه بس اول شي نحدد الملكه بعدين نحدد الزواج ونتزوج بنفس اليييوم
العنود : الله بنصير عروسات بنفس اليوم بنلبس فستان ابيض بنفس الييوم
ليان : متحمسه متحمسه
ضحكو الكل على حماس ليان والعنود وكلهم عجبتهم فكره العنود
دقت العنود على سلطان واول مارد قالت : سلطان تعال غرفتي
سلطان : اشتقتي لي صح؟
ضحكت العنود وقالت : تعال تعال
سلطان : انا بغرفتي الحين تعاليني
العنود : تم ثواني وانا عندك
راحت العنود تعدل شكلها وتعدل روجها وتتعطر بالعطر الي يحبه ودخلت عنده ولف عليها سلطان وكان منبهر منبهر من شكلها وهو بكل يوم ينبهر بجمالها اكثر من اليوم الي قبله وقال بعد لحظه تأمل : انتي متأكده انك زوجتي؟ ياحظي اذا انتي زوجتي صدق
ضحكت العنود وراحت للمرايه حقت سلطان وكان الروج شوي منحاس من تحت وهي تعدل الروج وتسولف جاء من وراها سلطان وضمها ولفت بصدمه واول مالفت عطاها بوسه بخدها ضحكت وقالت : سلطان فكنا من قله ادبك شوي
سلطان : زوجتي حلالي ملكي حقتي شتبين وش اعتراضك
العنود جلست على الكرسي وقالت : خلنا من ذا مو موضوعنا بعلمك قرار قررناه انا وليان ولازم موافقتك انت وطلال
سلطان : عيوني وش قراركم
العنود : قررنا انا وليان نتزوج بنفس اليوم تكفى سلطاني قل تم
سلطان : لاتقولين تكفى تم تم انتي ماتطلبين انتي تأمرين
العنود نطت وضمته وقالت : شكرا سلطاني كلم طلول
سلطان: عفواً؟ اكلم مين؟
العنود: اخوك كيف مين
سلطان : ادري بس كني سمعتك تدلعين اسمه ولا؟
العنود ضحكت وقالت : ياغيور خلاص امزح كلم طلال
سلطان : زعلت زعلت مابرضى الا ببوسه
العنود قربت تعطيه بوسه وقالت : رضيت؟
سلطان : وحده وحده ثانيه
العنود : سلطان ياطماع خلاص بروح للبنات وانت امسح الروج الي بخدك وضحكت وطلعت
واول ماطلعت سلطان مسك خده وهمس بصوت مسموع : اهخ ياعنودي وش سويتي فيني احبك احبك
العنود سمعته من ورا الباب وضحكت ورجعت تفتحه وقالت : سمعتك سمعتك اعشقك ترا وهجت
ضحك سلطان وقال بنفسه : متزوج مهبوله انا لاكني احبها