لقيتك سندي بعد الغالي اللي فقدته❤️❤️

الجزء التاسع

دق الجوال و كان ابو بدر و قعد يطمنهم عن سلطان و انه بخير بس عنده حراره و اكسجينه نازل تطمنو عليه و رجع سلطان البيت بعد

3 ايام كانو جالسين العائله على العشاء و كانو يضحكون و يسولفون فجأه جت ل العنود رساله قلبت تعابير وجها 180 درجه و بدال ما تكون مبسوطه و تضحك صارت ترجف و خايفه و قامت من الاكل مسرعه على غرفتها و هي خايفه

استغربو الاهل من تصرفها و قامت الجوهره و جوري يتطمنون عليها وصلو غرفته و دقو الباب ما تجاوب حاولو يفتحون الباب مقفلته ب المفتاح و ما يسمعون الا صوت شهقاتها حاولو فيها تفتح الباب اللين فتحت و قعدو يسألونها و ورتهم الرساله اللي وصلتها و كان مكتوب(مين انتي عشان تتجاهلين رسالتي ولا تردين علي لاكن هين ما اكون نواف ولد سالم اذا ماجيت و سحبتك من شعرك من بيت اهلك هين انتظري علي) شافتها الجوهره و قعدت تبكي معها و خايفه على بنتها

اللي خلو لهم الورث ولا عجبهم و تعرف عمانها ما يرتاحون الا اذا سوو اللي براسهم خافت على بنتها من عمانها و نواف ذا اللي لا سمعه ولا شكل ولا مرجله ولاشيء قعدت جوري تهديهم و نزلت عند خيلانها و مسكت اكبر خيلانها و قالت له كلشيء

طلع عند العنود و الجوهره و حاول يهديهم و يطمنهم و ان محد بيطولهم و راسه يشم الهواء راحت الحوهره و العنود و حضنت خالها و نطقت الجوهره:الله لايحرمني منك ي اخوي و يطول بعمرك بادلهم الخال الحضن و نطق:امشي ننزل تحت قبل يشكون ان فيه شيء و انا بكلم باقي اخواني و ابوي و انا بقولهم كلشيء ولايهمك ابتسمت و نزلو تحت

و غمز ابو بدر ل الجد عشان لا يسال قدام العيال حس انه مالهم داعي يعرفون خلصو عشاء و قام الجد و الخوال المجلس و قالت لهم الجوهره كلشيء عصبو الخوال ليش ما يعرفون عن شيء زي كذا و حلفو يمين ما يطولهم ابتسمت الجوهره بعد ما حست ب الامان جنب اخوانها و جاء ابو بدر بيطلع و لقى سلطان واقف و مصدوم و مو قادر يتكلم بحرف مسكه ابوه و قال: وش سمعت

ناظره بعصبيه و قال: سمعت كلشيء ليش انا اخر من يدري تراها بنت عمتي و مثل اختي سكته ابوه و قال:الكلام ذا لا يطلع ولا تعلم احد ولا والله تندم احنى بنتصرف و نشوف حل معه طلع سلطان غرفته بعصبيه و كان يفكر فيها طول الوقت و يفكر وش يسوي مع الكلب ذا اللي اسمه نواف و طلع عند لؤي يغير جو شوي لاكن مو قاد يوقف من التفكير

عند البنات اللي قالت لهم العنود كلشيء و مستغربين كيف هي ساكته له ولا سوت حاجه ولا دافعت عن نفسها ولا اشتكتها نطقت العنود:انا ساكته عشان ورث ابوي بس لاكن هم قالو اذا تبون ورث ابوكم بنزوج العنود نواف و انا حالفه يمين ما اخذه ي بنات لا سمعه ولا شكل ولا شيء زين بحياته عشان اخذه اصلا مدري كيف ذول اخوان ابوي فرق السماء عن الارض ابوي عكسهم تماماً ولا نفسهم ولا نفس تفكيرهم المريض الله يشفيهم بس خلونا نغير الموضوع احس خلاص كفايه كلام عنهم قعدو يسولفون البنات