لقيتك سندي بعد الغالي اللي فقدته❤️❤️

الجزء السادس

قام سلطان و طلع على دخله جده وانصدم انهم للحين صاحين الجد: وش مصحيكم الحين
العنود: قمنا نصلي
الجد: تصلون الساعه 3 الفجر؟
العنود: قمنا ناكل ونوضي وننتظر الاذان ونصلي
الجد: طيب
عند سلطان بالبقاله :
اشترى سلطان الاغراض وراح مر كوفي واخذ لها قهوه مع الشوكلت وكذا مع انها ماطلبته
رجع سلطان البيت وجته العنود ركض
العنود : الله سلطان
سلطان : خذي
العنود اخذت الكيس وقالت : شكرا
سلطان : خذي القهوه كمان
العنود : بس انا ماطلبتك قهوه
سلطان : جبتها لك مع الكندر وكذا
العنود : اف سلطان مره شكككرا وتقدمت تبي تضمه بدون تحس بعدين استوعبت وضحكت وضحك سلطان
سلطان بنفسه ليتها ضمتني اف العنود قاطعت تفكيره وقالت : سلطان تعال السطح معي بتابع فلم اجلس معي البنات نايمين
سلطان : يلا يلا ببدل وبجي
العنود : تمام بجهز المكان
سلطان : يلا
العنود جلست تجهز المكان وتختار الفلم
جاء سلطان وهو لابس بنطلون كاروهات احمر وتيشيرت اسود وجايب معه فروته احتياط
اما العنود كانت لابسه تيشيرت سماوي وبنطلون ابيض وكانت بردانه مره عكس سلطان الي ماكان يحس بالبرد
لاحظها سلطان ترجف من البرد : بردانه؟
العنود : لا مو بردانه
سلطان : كذابه واضح بتموتين برد
العنود : تبي الصدق اي والله
سلطان : خذي فروتي ماحتاجها
العنود : لا
سلطان : لاتعاندين بتموتين برد
العنود ضحكت : طيب
سلطان : خذي
العنود خذتها ولبستها : شكرا سلطان
سلطان : عفوا ولعد تشكرين مابيننا
العنود : ناظرته وابتسمت ولفت تشغل الفلم
وسلطان كان يناظرها وهي مركزه بالفلم
العنود لفت عليه : شفيك يولد وضحكت
سلطان : ها؟ مافيني شي
العنود ضحكت : طيب ركز بالفلم
سلطان ضحك : طيب طيب خلاص
فجأه بنص الفلم سلطان غفى وبما انه كان قريب من العنود ف غفى عليها والتفت العنود عليه بصدمه تحسبه متعمد وصاحي
بعدين شافته نايم وضحكت وفصخت الفروه ولحفته فيها وكملت الفلم عادي بس كانت خايفه تتحرك وتقومه ويوم خلص الفلم جلست تصحيه
العنود : سلطان سلطان قم يلا سلطان
سلطان جلس يتمتم ويقول خليني اننام
العنود ضحكت وقالت : قم من علي طيب بقوم
سلطان الي ماكان حاس بنفسه : فز وقال ها كيف نمت عليك انا
العنود بضحك : مدري فجأه غفيت علي
سلطان : اسف اسف مادريت اسف
العنود : شدعوه عادي اعرف
سلطان ناظر الفروه الي مغطيته فيها وابتسم :
وقال اذن الفجر؟
العنود : لا باقي خمس دقايق ويأذن
سلطان: اجل يلا بروح اوضي
العنود : يلا حتنى بوضي علشان اصلي بعدين اجمع الحوسه الي هنا
سلطان : يلا نصلي بعدين نرتب المكان علشان جدي لايمردغنا
العنود ضحكت وقالت : يلا
وضو وصلو ورجعو كلهم السطح
سلطان : من وين نبدأ
العنود : دقيقه بدخل اجيب لي جكيت بردانه
سلطان : خذي فروتي وخل نبدأ
العنود : تمام يلا
جلسو يرتبون المكان ويسولفون ويضحكون
فجأه جاء العنود اشعار من واحد له فتره يزعجها بحبه والعنود كانت تضحك واول ماشافت اشعاره وقفت ضحك وفتحت الرساله وكان مكتوب " شوفي والله لو ماتتزوجيني ان امك ماتاخذ ورث ابوك وانك لو ماتاخذيني بالرضى باخذك بالغصب ف احسن لك ارضي فيني احسن لك ولا والله ان ما تشمين ورث ابوك اللي مات و رماك انتي و امك و فلوسه علينا "
سلطان شاف وجه العنود انقلب وراح يشوف شعندها وشاف العنود اول ماشافته صدت علشان مايشوف الكلام وتضايق
وشاف العنود شافت رسالته وماردت وعيونها بدت تتغارق دموع وتضايقت
سلطان شاف العنود تبكي ومتضايقه
والتفت للعنود وقال شسالفه؟ العنود جلست تشرح له سالفته بس ماقالت منهو ولا قالت وش كان يهددها فيه وقال لها اذا رجع يضايقك مره ثانيه تعلميني سامعه؟
العنود : ابشر
سلطان : هو او غيره طيب؟
العنود : ولا يهمك
سلطان ابتسم لها وقال متى بتنامين
العنود : بروح انام الحين
سلطان : طيب يلا
مشى سلطان ونادته العنود : خذ فروتك
سلطان : اغسليها وعطيني
العنود عطته هالنظره " 🤨 " : تتشرط بعد؟
سلطان ضحك وقال : امزح معك عطي الخدامه تغسلها
العنود : لا ماتعرف بتخربها عليك خلاص بغسلها انا وبعطرها وببخرها وبعطيك
سلطان ابتسم وقال : يعطيك العافيه بتعبك معي
العنود : مابيننا والله تراك اخوي
ابتسم سلطان من كلمه اخوي وقال : صح صادقه
راحو بينامون وصادهم الجد : على وين؟
العنود وسلطان : ننام
الجد : مافي نوم تعالو ساعدوني
العنود وسلطان : ناظرو بعض وضحكو ضحكه المبلوشين وكلهم فيهم نوم
الجد : خير انت وهي وش هالنظرات يلا ساعدوني ولايكثر
ضحكو واتجهو يساعدونه فجأه بنص مساعدتهم له .........